Eleetar i yi Pool akiñje i bakate ku Rom 8:30 - Kwatay (Kuwaataay)

³⁰ Bakan kéekinineŋe ku Atambatun n'asoŋk bíhabaneina tu bondu, aruwiinruw yooŋ; k'aruwe ku, ajokiinjok yooŋ bakan kéejube; k'ajoke ku bakan kéejube, áhiniinhin yooŋ keemaat ti kániku koone.

Eleetar i yi Pool akiñje i bakate ku Rom 8:30 ပူးပေါင်းရင်းမြစ်များ

Saaŋ 17:22

Ínikaniinnikan naane á̱nikanam i, kaanuku man ni káyemi afeeneŋ, naane waaamo i afeeneŋ, íñje n'awe.

Saaŋ 17:24

«Faafa, ímaŋamaŋi bakan k'a̱wunam ku ni káyemi yooŋ t'ija du káyemi, man ni kajuk kániku kúuma, kondu k'a̱wunam ku, ábuki á̱maŋiammaŋi t'etaam i éwuwanoorutee.

Saaŋ 5:24

«Iisokuun bifeeneŋ bu: an eejame u báhamin búuma, abe n'áyilen t'an éeboñinam u, an ondu abaja buroŋ béehabanaariit bu. At'ajoonanee. Ánuutino t'eket i eebin tu buroŋ bu.

Eleetar i yi Pool akiñje i bakate ku Rom 1:6

Aruun bokondu yooŋ ti bakan kondu, aruun k'Atambatun aruwe ku kaanuku áriiyemi bakate ku Yesu Kiris.

Eleetar i yi Pool akiñje i bakate ku Rom 11:29

Ábuki áramaariit doon d'aheeke eewun, ákutooraariit yooŋ an a aheeke eeruw.

Eleetar i yi Pool akiñje i bakate ku Rom 8:1

Náami hahiye kéehine ku t'afeeneŋ ni Yesu *Kiris iŋkut káyiniee kajoloŋan ti kaayeen.

Eleetar i yi Pool akiñje i bakate ku Rom 8:21

aduna i karamiee ti sembe sunsu súbuj yo abe nu sujok yo naane ásukateen. Náami n'eŋ'emaat ti kafaku kite biñi bite Atambatun, ni kániku kooniin.

Eleetar i yi Pool akiñje i bakate ku Rom 8:28

Úmoomi kaanuku doon fe deeyino kabaju kéemaŋie ku Atambatun, bokondu k'aruwe ku naane t'afiye du asok, aŋ'áhin do déeyemi deejake bija ti káasuumaay kooniin.

1 Korent 1:2

Uni bokondu ti kákiñjinuun aruun bakate ku Korent *kéeyilene ku, aruun k'Atambatun akino ku. Aruwuunruw kaanuku áriihin t'afeeneŋ ni Yesu Kiris, aruun ni bakaaku fe keeemo ku tánotan, kiŋki karuw huruwu hite Anahaan ite úne Yesu Kiris, Anahaan ooniin n'Anahaan ite úne toko.

1 Korent 1:9

Atambatun áwasaariit báhamin b'asoke, akina eeruwuun u kaanuku áriihin t'afeeneŋ n'Añio Yesu Kiris Anahaan ite úne.

1 Korent 2:7

Aaa, iŋ'iriwaare búwesinato b'Atambatun ánuusaanie bu, abe kúŋgowulan ku kánandinut bo. Atambatun afiyafiya afare búwesinato bondu t'etaam i éwuwanoorutee, bija ti kánikan kite k'úne.

1 Korent 6:11

Iye i bakaake t'aruun káyemie fu hítiyar hu. Bare wuhoofoor woonuun wuñaweeñaw akuur but, árikajineekajin bija t'Atambatun, arijokeejok bakan kéejube hágila Atambatun tu huruwu hite Anahaan u Yesu *Kiris, nu Búwejet bite Atambatun ite úne.

2 Korent 4:17

Sílaam suns'újuk iye, uf'úliik so ni jáyi jómbokun jéehabanaariit ju j'úja ju kabaju, n'uŋ'úmeyi kaanuku síwiinawiini, abe sífiyaariit yooŋ. Abe sílaam su humuum hite te so iŋi sifare jáyi jondu bija t'úne.

Galasi 1:15

Bare Atambatun afiyafiya ajifanam t'ibukoorutee, abe n'aruwam ti kajaku koone. Abe h'áhabaneina hu

Galasi 1:6

Ítumbatumba ijahale dómbokun naane ariemo i ti káwuŋgu Atambatun kiñaawu ahil iye, akina eeruwuun u ti kajaku kite *Kiris, ariisooñ arijok ti hike hirim heetoofe.

Galasi 5:8

Bi katiŋguun bu te bo, t'Átambatuniit tu búnuutina, akina eeruwuun u.

Efees 1:11

Naane írihine i t'afeeneŋ ni Kiris, iribajabaj húrub hite h'uni t'Atambatun, ábuki Atambatun asoŋka bijifan uni naane t'áhabaneina du. Abe Atambatun áhinahin buroon bu fe beeriib ni naane ámaŋie i akina humuumo.

Efees 1:5

n'asoŋk bijifan úne núuyemi bakañio. Ti Yesu Kiris t'aŋaase fu éehin bondu. Iye a ámaŋie fu káhinu aŋarkeyi naane butoofotoof.

Efees 2:6

Atambatun aritanaritan úne t'eket i aŋarkeyi naane úhinahin t'afeeneŋ ni Yesu Kiris; ahaban, n'áhin úne núuriiko ne o t'afeeneŋ tu bufor bu.

Efees 3:11

Bondu bibajabaj naane t'Atambatun afiye du aane o káhinu bo, abe hahiye áhina bo ti Yesu Kiris Anahaan ite úne.

Efees 4:4

Eni efeeneŋ taŋ ebaje fu, yeemo fu *kéeyilene ku; Búwejet Beenabe bifeeneŋ taŋ bibaje fu yooŋ; abe Atambatun, bite eyakar efeeneŋ taŋ b'aruwuun fu.

Kolos 3:4

Kiris aamo fu buroŋ boonuun nu múniyo. Af'abin áŋaasin, n'aŋ'áriŋaasin yooŋ ne o ti kániku koone.

1 Tesalonik 2:12

Iririmuunrim, n'iriyaŋgananuun kikaw, n'irilawuun yooŋ abe n'irisooñoor, kaanuku man buroŋ boonuun ni biriib naane t'Atambatun ámaŋie du, akina eeruwuun u kaanuku ariiyooso ti Jáyi joone ariijuk kániku koone.

2 Timote 2:11

Hirim honde héewoore. Heenaan: «Uf'úket ne o, úne karoŋu yooŋ ne o.

Esuwif i 9:15

Iŋ'ite ho hi Kiris asiiŋee fu t'etut Atambatun nu kúŋgowulan ku, ti kaajamoor kíyeni ku k'ajamoore ku nu boko. Áhinahin bondu kaanuku man bakan k'Atambatun aruwe ku ni káyini kabaju ebaj yéehabanaariit i, y'Atambatun aane i o kawunu bakan koone. Boko kabaju yo, ábuki Kiris aketaket, abe eket yeene efakanafakan ésuk i tu wuhoofoor wi káhine wu, boko ti kájeŋgin kite kaajamoor kítiyar ku.

1 Piyeer 2:9

Bare aruun, aruun ariemo fu eheet yeejifanee i, aruun ariemo fu esaraha i bakate ku Atambatun Áyi u, aruun ariemo fu ésuk yeenabe i, aruun ariemo fu bakan kite Atambatun. Arijifaneejifan kaanuku aŋ'aribin arisok buroon béewarie bu b'Atambatun áhine bu, akina eeruwuun u kaanuku áriinuutin t'ébaani i, ariibin ti meejaaŋe moone méewarie-warie mu.

1 Piyeer 3:9

An af'áhinuun beejakut, atum'arinukan; an af'álafatinuun, atum'arinukan yooŋ. Aruun árisoniyano kep, ábuki uŋu bondu h'Atambatun aruwuun fu, kaanuku eebin éesoniyanuun.

1 Piyeer 5:10

Sílaam soonuun iti sifiyo dómbokun. Atambatun eehaŋe u émaŋia úne, aruwuunruw bite kániku koone kéehabanaariit ku aŋarkeyi naane árihinahin ni Yesu Kiris t'afeeneŋ. O humuumo karitanuun ariisiiŋo, n'ayaŋgananuun yooŋ ti kawunuuun sembe, abe n'asiiŋanuun t'ayane.

2 Piyeer 1:10

Kújakuwe, iŋ'ite ho aamo fu áriñiŋkaan ariijok alitee áriiwufoor kaanuku Atambatun aruwuunruw, abe n'ajifanuun yooŋ. Ábuki af'árihin iyu, at'ariney hikee ti kaahoofoor.

Kafeeñal ku 17:14

Boko katiiku Ametek u, bare Ametek u kaheekiiin, ábuki akina aamo fu Anahaan ite kunahaan ku, akina yooŋ aamo fu Áyi ite bákayi ku. Bakan koone k'aruwe ku abe n'ajifan, bokondu kéejeŋgino ku kariiŋaniin yooŋ ne o.»

Kafeeñal ku 19:9

Amalaka u n'aanam: —A̱kiñj bonde: atoof ti keeruwee ku bite hiriy hu tu huyoosan hite asibar ite Ametek u. Abe n'asooñ aanam: —Diye kirim kite Atambatun, kirim kite nu múniyo.