Eleetar i yi Pool akiñje i bakate ku Rom 8:17 - Kwatay (Kuwaataay)

¹⁷ Abe makamu úne bakañio, úne kabaju húrub t'ebaj y'anaŋe i bija ti bakan koone. Úne kamaatu te yo ni Kiris, ábuki uf'úmaat ti sílaam soone, úne yooŋ kamaatu ti kániku koone.

Eleetar i yi Pool akiñje i bakate ku Rom 8:17 ပူးပေါင်းရင်းမြစ်များ

Májiye 16:24

Ahaban, Yesu n'aane eriboora yeene: —An af'ámaŋi kariboor n'íñje, atum'aŋk'ákini buroŋ boone. Akando *ekuruwa yeene éeseinam ti hiñaawu.

Májiye 25:21

Ániine u n'aano: “Iyu kep, awe aroka eejake, á̱jubajub. Makamu á̱jubajub tu buroon biŋgilis, hahiyu íñje kanaŋu tu sumoŋii buroon beehaŋe diyu. A̱bin, hikawi heetoof naane íñje.”

Hirim Heetoofe hu hi Luk akiñje hu 12:32

—Árimoomi naane kaahaaw keefamut, bare atum'árikoleyi, ábuki ho hutoofe Atambatun n'awunuun jáyi joone.

Hirim Heetoofe hu hi Luk akiñje hu 24:26

Kame *Afakana u awarut kajuku sílaam sondu, abe n'ayooso t'etiir t'ánikanee du?

Saaŋ 17:24

«Faafa, ímaŋamaŋi bakan k'a̱wunam ku ni káyemi yooŋ t'ija du káyemi, man ni kajuk kániku kúuma, kondu k'a̱wunam ku, ábuki á̱maŋiammaŋi t'etaam i éwuwanoorutee.

Epotor i 14:22

N'iŋi kahaŋ yooŋ káwutiyen *kéeyilene ku sihel ti kikinu kondu, abe n'iŋi kaaniin káñiŋkaan keejok alit tip ti bítim bu. Iŋi kaaniin: —Úwarawar kajuku sílaam sómbokun kaanuku núuyooso ti *Jáyi jite Atambatun.

Epotor i 20:32

«Hahiyu iiwasuun tu sumoŋu Atambatun, ni hirim hite kajaku koone. Ho híyiniuun fu káwutiyen sihel, abe nu huwunuun yooŋ t'ebaj y'anaŋe i bija ti bakan k'akino ku.

Epotor i 26:18

Iiboñi a̱aja á̱feŋgin ñíkiniin, abe n'á̱nuutanniin t'ébaani i keebin ti meejaaŋe mu. Boko kánuutina ti sembe site Setani keebin t'Atambatun. Ifi káyilen t'íñje, wuhoofoor wooniin n'uŋu wuboŋketee, abe n'iŋi káyini kareyi ti bakan kite Atambatun.»

Eleetar i yi Pool akiñje i bakate ku Rom 5:17

Múniyo an afeeneŋ atinatin, abe eket i émiñamiñ bakan keehooje iŋi húŋgowulan hifeeneŋ hondu taŋ. Bare iŋi an afeeneŋ taŋ eeemo u Yesu Kiris, úbajabaj ahaŋ diyu. Bakan k'Atambatun kaŋk'áwufoor kajaku koone kómbombokun ku, abe n'anoŋk eejokiin bakan kéejube, boko karoŋu, abe ni káyemi bákayi, Kiris éekinineŋ.

Eleetar i yi Pool akiñje i bakate ku Rom 8:3

*Eluwa yite Moyis eyinaat káhinu bondu iŋi kabajaate kite húŋgowulan kite sembe. Bare Atambatun áhinahin bo: áboñinoboñin Añio éeyemi húŋgowulan naane úne ehoofoora i, kaanuku eeram úne ti kaahoofoor ku. Iyu a Atambatun atinane fu kaahoofoor ku kiŋki kinij tu kúŋgowulan ku.

1 Korent 2:9

Bare *Míkiñjin mu meenaan: «B'an ámusut bu kajuku, b'an yooŋ ámusut bu kajamu, ni b'an ámusut bu kayinoor, Atambatun afarafare bo bija ti bakan kéemaŋio ku.»

2 Korent 1:5

Múniyo naane uu úmaat iye ti sílaam seehooje site su Kiris, iyu yooŋ i Kiris af'ahaŋ kabeetoor úne.

2 Korent 1:7

Abe iribajabaj eyakar yómbokun uŋu hoonuun hu, ábuki írimoomi kaanuku naane aa arimaat iye ti sílaam site s'uni, aruun kabeetooree naane uni.

Galasi 3:29

Arko Kiris ákiniuun fu, n'aŋ'áami kame aruun bakañi *Aburaham, abe n'aŋ'aribaj buroon b'Atambatun aane bu o kawunio, akina ni bakañio.

Galasi 4:7

Náami ariroŋut búsukateen, hahiyu aruun bakañio. Abe makamu aruun bakañio, Atambatun kawunuuun ti biŋeñen b'anaŋe bu bija ti bakañio.

Efees 3:6

Béenuusee bondu iye i bije fu: makamu keenooto ku Esuwif káyilenayilen ti Hirim Heetoofe hu, boko yooŋ kabaju húrub t'ebaj y'Atambatun anaŋe i bija t'Esuwif i. Káhinahin t'afeeneŋ n'Esuwif i, abe boko yooŋ kamaatu ti b'Atambatun aane bu o káhinu bija ti bakan koone tu huruwu hite Yesu Kiris.

Fílip 1:29

Ábuki Atambatun awunuunwun káanukiiit áriiyilen ti Kiris barebare, bare kaanuku yooŋ ariijuk sílaam uŋu hoone hu.

Fílip 3:10

Doon d'ihaŋe du kámaŋi fe deemo fu kámeyi Kiris, ni sembe seeritano su t'eket i. Ímaŋamaŋi yooŋ kajuku sílaam naane akina, abe n'iket yooŋ naane akina.

Kolos 1:24

Hahiyu, hikawam hutoofa naane ii ijuk iye sílaam uŋu hoonuun hu. Ábuki íñj'endu ti kajuku sílaam kep t'eniam, kaanuku man n'íyokunan eni yite Yesu yeeemo i *kéeyilene ku, abe n'íreeŋinan yooŋ sílaam site *Kiris seeŋeñene su.

Eleetar i yi Pool akiñje i Tit 3:7

Náami makamu ti kajaku koone áhinahin úne núujub, úne káyini kabaju buroŋ béehabanaariit bu b'úyakare bu.

Esuwif i 1:14

Náami emalaka i boko naŋ? Kareyi fe ñúwejet barebare, iŋi karok bija t'Atambatun. Áboñiniinboñin kaanuku iŋi kabin káyokunan keeyak ku bibin kafaku.

Esuwif i 1:2

Bare tu kunak konde keeemo ku kiraanu ku, áhaminahamin úne áŋaasann bo t'Añio. Te o t'Atambatun aŋaase fu éewuwan dóonodoon fe, o yooŋ a ajifane fu kaanuku eebin éekini doon areyi fe.

Esuwif i 6:17

Bakan keeware ku kabaju b'Atambatun aane bu o kawunu bakan koone, Atambatun ámaŋamaŋi bukuuriin but kaanuku b'asoke bu utu buwas hikee. Iŋ'ite ho h'áhamine fu ahaban, n'awaat.

Saak 2:5

Kújakuwe, aruun k'ímaŋie-maŋie ku, arijamatan: keebajut kíiit kereŋ k'Atambatun ajifane fu kaanuku kéeyilen te o, káyilen kooniin kéeyemi ebaj yeeniin, abe ni kabaj Jáyi j'aane ju o kawunu kéemaŋio ku?

1 Piyeer 1:4

abe úmoomi kaanuku úne kákini buroon beejake b'Atambatun anaŋe bu bija ti bakan koone. Buroon bondu biyinaat búbujo, biyinaat kabuubat, biyinaat yooŋ bútowuto. Atambatun anaŋanaŋ bo tu bufor bu bija t'aruun.

1 Piyeer 4:13

Kikawuun kutoof kep aŋarkeyi naane aŋ'arimaat ti sílaam site *Kiris, man hunak h'ésuk i eja hu kajuku kániku koone, n'aritoofan árihabanein.

Kafeeñal ku 21:7

An fe eeriiŋane, o kabaju bondu t'íñje. Íñje káyemi Atambatun oone, abe n'aŋ'áyemi añi úuma.

Kafeeñal ku 3:21

An fe eeyak kariiŋan, íñje karahano t'eriikeey íima yite híyiaate hu, naane iriiŋane i yooŋ, Faafam n'arahanam t'eriikeey yeene yite híyiaate hu.