Eleetar i yi Pool akiñje i bakate ku Rom 8:15 - Kwatay (Kuwaataay)

¹⁵ Abe Búwejet b'Atambatun awunuun bu bíteiit káhinuuun áriiyemi búsukateen, ariisooñ áriyemi bukoloow. Bare Búwejet b'awunuun bu bite káhinuuun áriiyemi bakañio. Bo b'ifi bitiŋg úne núutaŋk úeno: «Aba, Faafa!»

Eleetar i yi Pool akiñje i bakate ku Rom 8:15 ပူးပေါင်းရင်းမြစ်များ

Májiye 25:25

Íkolakoleyi kaanuku sírirem súuwe n'uŋu sútowuto; náami iiwak íinuus so. A̱juk, a̱yi sírirem súuwe.”

Mark 14:36

Aŋ'aane: —Faafa, á̱yinooni káhinu dóonodoon fe. Á̱hin ekot yendu yite sílaam su yeekambam. Káanukiiit á̱ahin beetoofam bu, bare á̱hin beetoofi bu.

Hirim Heetoofe hu hi Luk akiñje hu 11:2

Yesu n'aaniin: —Af'áriyemi ti kalawu, aŋ'ariene: «Faafa, á̱hin ésuk i kéemeyi kaanuku awe a̱amo fu Atambatun eenabe u; á̱hin Jáyi júuwe jeebin.

Hirim Heetoofe hu hi Luk akiñje hu 22:42

aane: —Faafa, t'á̱maŋie, á̱hin ekot yendu yite sílaam su yeekambam. Káanukiiit á̱ahin beetoofam bu, bare á̱hin beetoofi bu.

Hirim Heetoofe hu hi Luk akiñje hu 8:28

H'ajuke hu Yesu, n'akileen. N'asaaho éejiŋgitan hágilao, abe n'ataŋk t'etiir aane: —Yesu, Añi ite Atambatun eeemo u t'etiir-t'etiir, kame baŋka wane? Waasi, atum'á̱hihinooram!

Hirim Heetoofe hu hi Luk akiñje hu 8:37

Náami bakate tu búsuk bondu fe bite Egergeseniyeŋ i ni kalaw Yesu kaano anuut tu boko, ábuki kákolakoleyi naane. Yesu n'ájufo tu busoona bu kaanuku eeja.

Saaŋ 16:8

Abe af'abin, o káwufoor bakate t'etaam i kaanuku kabuutabuut kikawiin tu wuhoofoor wu, ni beejoŋoore bu, ni ti majoonanar mite Atambatun.

Saaŋ 20:17

Yesu n'aano: —Atum'a̱jokam, ábuki isiroorut ti Faaf u. Bare a̱ja a̱sok eriboora íima, a̱aniin iisiro bija ti Faafam eeemo u yooŋ Faafuun, t'Atambatun úuma eeemo u yooŋ Atambatun oonuun.

Epotor i 16:29

Ajukara ite ekulu i n'aane asaanee ejaaŋana, abe n'amoken ayooso t'ekulu i. N'ájiŋgitan hágila Pool ni Silas ti kábitu kep.

Epotor i 2:37

H'ésuk i kajame hu bondu, nu bugoriin faa tu suhol. Ni kákandijen Piyeer ni bakaaku epotor kaaniin: —Kújakuwe, kame naŋ n'iriware fu káhinu?

Eleetar i yi Pool akiñje i bakate ku Rom 8:16

Búwejet Beenabe bu humuum hite te bo búwufoorawufoor búwejet bite b'úne kaanuku úne bakañi Atambatun.

Eleetar i yi Pool akiñje i bakate ku Rom 8:23

Abe yóiit barebare: úne yooŋ keebaje ku Búwejet Beenabe bu naane bítiyar bu dók tu buroon b'Atambatun aja bu kawunu úne, uŋ'úriŋgan tu suhol site s'úne. Úne bokondu yooŋ ti kanahan ku kaanuku Atambatun éehin úne bakañio nu múniyo, abe n'aram úne áhabanein.

Eleetar i yi Pool akiñje i bakate ku Rom 8:26

Iyu yooŋ u Búwejet Beenabe bu ufu búyokunan úne ti kabajaate kite k'úne kite sembe su, ábuki útumbut úmeyi buŋ b'úware fu kalawu Atambatun ariike. Bare Búwejet Beenabe bu iŋi bilaw Atambatun bíhabanein bija t'úne naane an eeemo ti kariŋgan, kariŋgan k'an ayinaat kanaban.

Eleetar i yi Pool akiñje i bakate ku Rom 9:4

Boko bakate *Israyel. Atambatun áhiniinhin kéeyemi bakañio, abe n'áwufooriin yooŋ kániku koone. Ajamoorajamoor nu boko keehooje, abe n'asaaniin Eluwa i, n'áwufooriin yooŋ buŋ bi kawaro fu kalawu, abe n'asokiin b'aja bu káhiniiin.

1 Korent 2:12

Úne bare úmoomi buroon b'Atambatun awune bu úne, ábuki búwejetiit bite t'etaam ye b'úbaje fu, bare Búwejet béenuutina bu t'Atambatun.

2 Korent 11:4

Ábuki aŋ'árimuñal kiŋki kabin t'aruun keewaareuun ake Yesu eewayee ni i iriwaareuun u. Abe ake af'aane eewunuun bike búwejet beewayee nu Búwejet Beenabe b'aribaje bu, man yooŋ n'awaareuun hike hirim heewayee ni Hirim Heetoofe h'arijame hu t'uni, aŋ'árimuñalo.

Galasi 2:4

Abajeebaj ejuusa kéenuusee kéeŋaabeina uni, kaanuku keejuk naane iriwaayene i ariike, aŋarkeyi naane írihinahin t'afeeneŋ ni Yesu *Kiris. Kámaŋamaŋi káhinu uni íriiyemi búsukateen bite Eluwa yite Esuwif i.

Galasi 5:1

*Kiris aramaram úne kaanuku utum'uŋk'úyemi búsukateen bite Eluwa yite Esuwif i. Náami arijok alitee, atum'aŋk'arisooñ áriyemi búsukateen.

Efees 1:5

n'asoŋk bijifan úne núuyemi bakañio. Ti Yesu Kiris t'aŋaase fu éehin bondu. Iye a ámaŋie fu káhinu aŋarkeyi naane butoofotoof.

2 Timote 1:7

Ábuki Búwejet b'Atambatun awune bu úne bíhinaariit núuyemi bukoloow; uŋu buwun úne sembe, ni bíhin núumaŋi bakan, abe n'uŋ'újokumooro.

Esuwif i 2:15

Iyu a arame fu bakan kéeyemie ku naane búsukateen tu buroŋ booniin bireyi fe aŋarkeyi naane kákolakoleyi yéeni eket i.

Saak 2:19

Eeman á̱yilenayilen kaanuku Atambatun afeeneŋ abaje fu? Kame beejake. Sirab su yooŋ síyilenayilen bondu, abe iŋi síbit ekoloowe taŋ.

1 Saaŋ 4:18

Kámaŋi ariboorut n'ekoloowe. Ábuki kámaŋi keeyane aŋ'anuutan ekoloowe. Ekoloowe, at'o kúnuur. Náami an af'aŋ'ákoleyi, kámaŋi kite Atambatun kiyanut te o.