Eleetar i yi Pool akiñje i bakate ku Rom 7:8 - Kwatay (Kuwaataay)

⁸ Bare kaahoofoor ku nu kukuuso tu bondu b'Eluwa i esoke bu, kéehinam iŋ'imero buroon beehooje-hooj bite bakan. Arko Eluwa ebajut fu yéeni, kaahoofoor man átumb abaj sembe.

Eleetar i yi Pool akiñje i bakate ku Rom 7:8 ပူးပေါင်းရင်းမြစ်များ

Mark 7:22

huŋotu hu n'an i kaseñeit, bimero bite buroon bite bakaaku, bánafut bu, kabuutu kite ésuk i, kajoŋooraate ku, bíhiñanoor bu, husoku hu ti bakaaku, biyitooro bu, nu busoŋotooro bu.

Saaŋ 15:22

Arko yéeni ibinut, abe íhaminutiin yooŋ, man kasejanee wuhoofoor wooniin. Bare hahiye, kabajut húkuuseima bija tu wuhoofoor wooniin.

Saaŋ 15:24

Arko yéeni íhinut tu buhooŋiiin buroon b'an fe ámusut káhinu, man kasejanee wuhoofoor wooniin. Bare hahiye kajuka burok búuma, bokondu yooŋ ti kahuufu uni, íñje ni Faafam.

Eleetar i yi Pool akiñje i bakate ku Rom 3:20

Ábuki abajut an a Atambatun ayak kajoku an éejube aŋarkeyi naane an ondu áhinahin naane Eluwa i esoke i. Aaa, Eluwa i eŋ'éwufoor an kaanuku ahoofoorahoofoor.

Eleetar i yi Pool akiñje i bakate ku Rom 4:15

Eluwa i eŋ'éhin Atambatun n'ayiŋat tu kúŋgowulan ku, ábuki kájeŋginaariit yo; bare t'eluwa enooto du, kájeŋginaate eluwa kunooto yooŋ toko.

Eleetar i yi Pool akiñje i bakate ku Rom 5:20

*Eluwa yite Moyis esiiŋasiiŋo, wuhoofoor wu nu wuhaŋ kahooju. Bare ti kaahoofoor ku kihaŋe du kahooju, kajaku k'Atambatun kaŋk'áwufoor kihaŋe toko.

Eleetar i yi Pool akiñje i bakate ku Rom 7:11

Ábuki kaahoofoor ku kukuusakuuso t'Eluwa i keebuutam, abe nu kuyoolam t'Eluwa yendu yoyo.

Eleetar i yi Pool akiñje i bakate ku Rom 7:13

Náami fíya doon deejake díkinineŋe fu n'iket? Mayet fu! Kaahoofoor ku kíkinineŋe fu. Toko tu kúwufoore fu kaanuku ko kútumbe fu kíyemi kaahoofoor: kiŋaasaŋaas ti beejake bu keeyoolam. Iyu e Eluwa i ékinineŋe fu n'úmeyi buŋ bi kaahoofoor ahaŋe fu doon fe kajakaate.

Eleetar i yi Pool akiñje i bakate ku Rom 7:17

Náami íñjeiit if'inoŋk iinij iyu, bare kaahoofoor keeemo ku t'íñje ifi kitiŋgam.

Eleetar i yi Pool akiñje i bakate ku Rom 7:9

Kóŋkeyin t'ímeyioorut Eluwa i, íñje yéeni húŋgowulan heeroŋe. Bare h'ibine hu ijam yo, kaahoofoor ku nu kuroŋ,

1 Korent 15:56

Kaahoofoor ku keemo fu kaabetu kiŋki kibin n'eket i, abe kaahoofoor ku kibajabaj sembe, ábuki *Eluwa yite Moyis éwufoore fu naŋ neemo fu kaahoofoor.