Eleetar i yi Pool akiñje i bakate ku Rom 7:18 - Kwatay (Kuwaataay)

¹⁸ Ímoomi kaanuku meejake mu munooto t'íñje, butum t'íñje eeemo u húŋgowulan barebare. Múniyo iŋ'ímaŋi káhinu meejake mu, bare ibajut sembe sondu.

Eleetar i yi Pool akiñje i bakate ku Rom 7:18 ပူးပေါင်းရင်းမြစ်များ

Májiye 15:19

Ábuki fu tu búwejeto ti biyinoor beejakut bu t'ufu búnuutin, beeyoosano tu búyoolool bu, huŋotu hu n'an i kaseñeit, bufurukato bu, ékuwe i, haajuus hu asaan bakan, nu husoku hu ti bakaaku.

Hirim Heetoofe hu hi Luk akiñje hu 11:13

Naane árijakaatie i fe, árimoomi kawunu bakañuuun buroon beejake. Náami buŋ bi Faaf úne eeemo u t'etiir atuf'áhin ahaŋ diyu ariike, eewun Búwejet Beenabe bu kiŋki kalawo bo?

Saaŋ 3:6

An eebukee naane uu úbukee, diyu kafiya; an n'afin abukee nu Búwejet Beenabe bu, o ite Búwejet Beenabe bu.

Eleetar i yi Pool akiñje i bakate ku Rom 13:14

Arisolo Anahaan u Yesu Kiris, abe atum'aŋk'ariwas wúfaŋi woonuun weejakut wu weetiŋguun ti meejakut mu.

Eleetar i yi Pool akiñje i bakate ku Rom 7:15

Ábuki íjokaariit bimb'íhin: íhinaariit beejake bimb'ímaŋi káhinu, bare beejakut b'iteñekee bu, bo b'if'íhin.

Eleetar i yi Pool akiñje i bakate ku Rom 7:19

Ábuki meejake mimm'ímaŋi káhinu, íhinaariit mo, bare meejakut m'ímaŋiit mu, mo m'if'ifin íhin.

Eleetar i yi Pool akiñje i bakate ku Rom 7:25

Úene Atambatun eyeehen, akina eeyakam u karamu, aŋaasan bo ti Yesu Kiris Anahaan ite úne! Náami t'ehel íima, íñje ásukateen ite eluwa yite Atambatun; bare tu wúfaŋi wúuma weejakut wu, íñje ásukateen ite kaahoofoor ku.

Eleetar i yi Pool akiñje i bakate ku Rom 7:5

Múniyo huh'úhinaani buroon beetoofe bu úne, wúfaŋi wute w'úne weejakut wu uŋu wukuuso *t'Eluwa yite Moyis weetiŋg úne núunij awayo ni beesokee bu te yo, abe doon dund'úbaj toko deemo fu eket i.

Galasi 5:17

Ábuki wúfaŋi wute húŋgowulan wuwayawayo nu wute Búwejet Beenabe bu, abe wúfaŋi wute Búwejet Beenabe bu wuwayawayo nu wute húŋgowulan. Wútumbut wuŋaaŋ kajamoor, iŋ'ite ho h'áriyiniaariit fu káhinu b'árimaŋie bu.

Galasi 5:24

Bakan ki Yesu *Kiris akino ku kayoolayool *t'ekuruwa i wúfaŋi wooniin weejakut wu.

Fílip 2:13

ábuki Atambatun ondu tu burok t'aruun kaanuku éehinuun áriimaŋi beetoofo bu, abe n'árihin bo yooŋ.

Fílip 3:12

Eenut iheeka iibaj b'iŋese bu, man yooŋ iheeka iikuuranee but. Bare íñj'endu ti kateyi kep kaanuku man n'iheek íisik hisiibanu hu, ábuki Yesu *Kiris aheeka eejokam t'emoŋu.

Eleetar i yi Pool akiñje i Tit 3:3

Ábuki hítiyar hu, úne yooŋ úbajut kikaw, újeŋginaariit an, abe úmoomi naane bakan keehiile. Úne yéeni búsukateen bite wúfaŋi weejakut wánowan, ni katoofu kánokan. Úkinaanakinaani ti bánafut ni bíhiñanoor. Uŋ'úhuuf bakaaku, ni kahuuf úne yooŋ.

1 Piyeer 4:2

Náami áfiitin ti hahiye, tu kunak keeŋeñenuun ku t'etaam ye, buroŋ boonuun buwarawar káyemi naane t'Atambatun ámaŋie du bo, abe n'ariwas wúfaŋi wute kúŋgowulan ku.