Eleetar i yi Pool akiñje i bakate ku Rom 6:23 - Kwatay (Kuwaataay)

²³ Ábuki bajaam bite kaahoofoor beemo fu eket i; bare b'Atambatun bamb'awun fuufu beemo fu buroŋ béehabanaariit bu iŋi naane úhine i t'afeeneŋ ni Yesu *Kiris Anahaan ite úne.

Eleetar i yi Pool akiñje i bakate ku Rom 6:23 ပူးပေါင်းရင်းမြစ်များ

Májiye 25:46

Yesu n'áwutiyen aane: —Abe boko bija tu kúnuur kéehabanaariit ku, kéejube ku keefin keeja tu buroŋ béehabanaariit bu.

Saaŋ 10:28

Iŋ'iwun kiŋki kasaam ti hiñaawu buroŋ béehabanaariit bu; iti kaket hikee, abe an at'aramiin t'emoŋiam.

Saaŋ 17:2

Ábuki a̱wunowun sembe tu kúŋgowulan ku fe, kaanuku aŋ'abin awun bakan k'a̱saano ku fe buroŋ béehabanaariit bu.

Saaŋ 3:36

An éeyilene u t'Añi u abaja buroŋ béehabanaariit bu; an éeyilenut u t'Añi u at'ajuk buroŋ bondu, bare Atambatun akufokufo awasan.

Saaŋ 4:14

Bare an eeyak u búhujo tu móhujo m'ija mu kawunio, búhujo buroŋuto kajoku hikee. Ábuki móhujo m'ija mu kawunio káyemi t'enio naane káabulanu tu móhujo miyak kábulu, abe ni míhino eebaj buroŋ béehabanaariit bu.

Saaŋ 4:36

An éehotukane u kabaju bajaam boone, abe n'aŋ'akuukan doon d'áhotukane du deenaŋee bija tu buroŋ béehabanaariit bu. Iyu a an eewañe u n'an éehotukane u n'iŋi katoofan suwaniin.

Saaŋ 5:24

«Iisokuun bifeeneŋ bu: an eejame u báhamin búuma, abe n'áyilen t'an éeboñinam u, an ondu abaja buroŋ béehabanaariit bu. At'ajoonanee. Ánuutino t'eket i eebin tu buroŋ bu.

Saaŋ 6:27

Atum'arirok buroon bite kákuumanuun bite búbujo kuwaatu. Arirok buroon bite kákuumanuun beeemo utu búbujo hikee, abe yooŋ nu buwun buroŋ béehabanaariit bu. Buroon bondu, *Añi ute Húŋgowulan hu aja fu kawunuuun bo, ábuki te o t'Atambatun Faaf u áhine fu éluwenuma yeene yéewufoore i kaanuku ariboorariboor ne o.

Saaŋ 6:40

Hee, bonde butoofe fu Faafam: an fe eejuke Añi u abe n'áyilen te o, n'abaj buroŋ béehabanaariit bu, abe íñje karitano t'eket i tu hunak hiraanu hu.

Saaŋ 6:68

Simoŋ Piyeer n'aano: —Anahaan u, kame iriija yooŋ t'aañ? Awe a̱baje fu kirim ku kuŋku kuwun buroŋ béehabanaariit bu.

Eleetar i yi Pool akiñje i bakate ku Rom 1:32

Kámoomi bare akuur but naane Atambatun aja i kajoonan kiŋki kanij naane iyu: bokondu bakate kayooliee. Bare naane kámeyie i bo fe, karaanut ti káhinu kite buroon bondu; kikawiin uŋu kutoof yooŋ ti bakaaku kiŋki káhin bo.

Eleetar i yi Pool akiñje i bakate ku Rom 2:7

Atambatun kawunu buroŋ béehabanaariit bu kiŋki káñiŋkaan ti káhinu kite meejake mu. Tu bondu t'ifi kaŋes kániku ku, nu kusokorooru ku, nu buroŋ béehabanaariit bu.

Eleetar i yi Pool akiñje i bakate ku Rom 5:12

Afeeneŋ taŋ áyoosanna fu kaahoofoor ku t'etaam ye, abe kaahoofoor ku ni kibin n'eket i: o aamo fu *Adam. Iyu e eket i éreeŋina fu kúŋgowulan ku fe, ábuki kareyi fe kahoofoorahoofoor.

Eleetar i yi Pool akiñje i bakate ku Rom 5:17

Múniyo an afeeneŋ atinatin, abe eket i émiñamiñ bakan keehooje iŋi húŋgowulan hifeeneŋ hondu taŋ. Bare iŋi an afeeneŋ taŋ eeemo u Yesu Kiris, úbajabaj ahaŋ diyu. Bakan k'Atambatun kaŋk'áwufoor kajaku koone kómbombokun ku, abe n'anoŋk eejokiin bakan kéejube, boko karoŋu, abe ni káyemi bákayi, Kiris éekinineŋ.

Eleetar i yi Pool akiñje i bakate ku Rom 5:21

Náami naane kaahoofoor ku kíbajaanie i sembe kiyak uŋu kuyool, kajaku k'Atambatun kaŋk'áwufoor kibaja yooŋ sembe site káhinu ésuk i kéejub te o. Iŋ'ite ho h'úyinie fu kaŋaasu t'Anahaan ite úne Yesu Kiris núubaj buroŋ béehabanaariit bu.

Eleetar i yi Pool akiñje i bakate ku Rom 6:16

Árimeyiit kaanuku af'árisik kikawuun arisaan ake, abe n'aŋ'arijam te o, áriyemia búsukateen boone? Hahiyu arijuk, man áriijeŋgin kaahoofoor ku kiŋki kibin n'eket i, man yooŋ áriijeŋgin Atambatun, abe n'aŋ'ajokuun bakan kéejube.

Eleetar i yi Pool akiñje i bakate ku Rom 6:21

Náami naŋ n'aribaje fu toko? Buroon béefuñinanie t'aruun úmiye, ábuki iŋi bibin n'eket i!

Eleetar i yi Pool akiñje i bakate ku Rom 8:13

Af'aŋ'árihin beetoofe bu so, aruun kaketu. Bare af'ariwun Búwejet Beenabe bu bítim bite káyokunanuun ariiyool kunoŋk koonuun keejakut ku, aruun karoŋu.

Eleetar i yi Pool akiñje i bakate ku Rom 8:38

Ábuki bukuuramkuur kaanuku doon diyinaat kákinineŋ kámaŋi k'Atambatun ámaŋie ku úne nu kuwas. Eket i, nu buroŋ bu, n'emalaka i, ni sirab su, nu buroon beebaje bu hahiye, ni beeware bu bibin kabaju, ni bakate sembe su, nu buroon beeemo bu t'etiir, ni beeemo bu yooŋ t'etaam, nu doon fe déewuwanee, mayet bifeeneŋ tu bondu biyino kákinineŋ kámaŋi k'Atambatun ámaŋie ku úne áŋaasann ko t'Anahaan ite úne Yesu Kiris nu kuwas.

Eleetar i yi Pool akiñje i bakate ku Rom 8:6

Kayinoor kite beetoofe bu an u humuumo iŋi kibin n'eket i. Bare kayinoor kite beetoofe bu Búwejet Beenabe bu iŋi kibin nu buroŋ bite bu nu múniyo, ni káasuumaay yooŋ.

Galasi 3:10

Kiŋki kayinoor ni kaane Atambatun kajokiiin bakan kéejube aŋarkeyi naane kájeŋginajeŋgin Eluwa yite Moyis, Atambatun káwuumiiin, ábuki Míkiñjin mu meenaan: «An fe afut'aŋ'aboo káhinu beesokee bu bireyi fe t'Eluwa yite Moyis, Atambatun káwuumio.»

Eleetar i yi Pool akiñje i Tit 1:2

Iyu, n'uŋu bukuuriin kaanuku boko kabaju buroŋ béehabanaariit bu. Huta hu t'etaam i éwuwanoorutee, Atambatun éejuusaariit u asokasok aane o kawunu úne buroŋ bondu.

Saak 1:15

Wúfaŋi weejakut wu ufu wubuk kaahoofoor, abe kaahoofoor ku ifi kija ayak abin áami kihaha, n'uŋu kubuk eket i.

1 Saaŋ 2:25

Abe bonde bi Kiris aane fu o kawunu úne: buroŋ béehabanaariit bu.

Kafeeñal ku 21:8

Bare bukoloow bu, ni kéeyilenut ku, ni kiŋki káhin buroon béekojie bu, ni kiŋki kayool bakan, ni kiŋki kaŋot ni bakan ki kaseñeit ku, n'élugusa i, ni kiŋki kásukaay ñúwisenum ñu, n'ejuusa i fe, boko káyemi ti han héesufe-sufe hu hite sineemak su n'efor i. Ho heemo fu eket ésooboriyan i.