Eleetar i yi Pool akiñje i bakate ku Rom 6:13 - Kwatay (Kuwaataay)

¹³ Atum'aŋk'árisik siniuun arisaan kaahoofoor ku, kaanuku iŋi sibin síhin meejakut mu. Árisik so arisaan Atambatun naane bakan keeritanee t'eket i, abe n'árihabanein fe tu burok boone, aŋ'aribin árihin beejoŋoore bu.

Eleetar i yi Pool akiñje i bakate ku Rom 6:13 ပူးပေါင်းရင်းမြစ်များ

Hirim Heetoofe hu hi Luk akiñje hu 15:24

Ábuki fu añi úuma ondu aketaket yéeni, bare hahiye áriteino t'eket i; átowutatowuto yéeni, bare hahiye isooña ijuko.” Náami kásita yooŋ efeet yeetoofe-toof.

Hirim Heetoofe hu hi Luk akiñje hu 15:32

Bare úwarawar káhinu efeet kikaw úne keetoof, ábuki atii aketaket yéeni, bare hahiye áriteino t'eket i; átowutatowuto yéeni, bare hahiye isooña ijuko!”»

Saaŋ 5:24

«Iisokuun bifeeneŋ bu: an eejame u báhamin búuma, abe n'áyilen t'an éeboñinam u, an ondu abaja buroŋ béehabanaariit bu. At'ajoonanee. Ánuutino t'eket i eebin tu buroŋ bu.

Eleetar i yi Pool akiñje i bakate ku Rom 1:29

Ñúwejet ñooniin uŋu ñuhooj bib nu kunoŋk kánokan kéejubut, ni meejakut, ni bimero, ni bánafut, ni kahiñan, ni kayoolu bakan, nu sulob, ni kabuutu bakan, nu butuuko. Iŋi kasok ti bakan,

Eleetar i yi Pool akiñje i bakate ku Rom 12:1

Náami kújakuwe, makamu Atambatun aŋ'ayubiyen úne dómbokun, íñj'endu ti kaanuuun waasi, ariwuno siniuun naane *kaasarah keeroŋe, keenabe yooŋ, abe nu kutoofo. Iyu a ariwaro fu kasayi ti hiñaawu nu múniyo.

Eleetar i yi Pool akiñje i bakate ku Rom 6:11

Náami aruun yooŋ árihin iye: ti kaahoofoor ku, arijokooro naane bakan keekete, abe n'arijokooro naane bakan keeroŋe bija t'Atambatun iŋi naane árihine i t'afeeneŋ ni Yesu Kiris.

Eleetar i yi Pool akiñje i bakate ku Rom 6:16

Árimeyiit kaanuku af'árisik kikawuun arisaan ake, abe n'aŋ'arijam te o, áriyemia búsukateen boone? Hahiyu arijuk, man áriijeŋgin kaahoofoor ku kiŋki kibin n'eket i, man yooŋ áriijeŋgin Atambatun, abe n'aŋ'ajokuun bakan kéejube.

Eleetar i yi Pool akiñje i bakate ku Rom 6:19

Íihamin iliik bo tu buroŋ bite bu húnakonak aŋarkeyi naane árisoŋkaariit arijok. Hítiyar hu, aŋ'árihabanein ariirok naane búsukateen bija tu buroon *beekuurut bu, ni káhinu kite meejakut mu, ariibaj buroŋ beejoŋoorut. Hahiye, aŋ'árihabanein ariirok naane búsukateen bija ti béejube bu, man n'aribaj buroŋ beenabe.

Eleetar i yi Pool akiñje i bakate ku Rom 7:23

Bare ímoomi kaanuku t'íñje eke eluwa y'ímaŋiit yendu t'étuum n'eluwa y'ehel íima émaŋie i. Eluwa yendu y'ímaŋiit i éhinamhin íiyemi ásukateen ite kaahoofoor keeemo ku t'íñje.

Eleetar i yi Pool akiñje i bakate ku Rom 7:5

Múniyo huh'úhinaani buroon beetoofe bu úne, wúfaŋi wute w'úne weejakut wu uŋu wukuuso *t'Eluwa yite Moyis weetiŋg úne núunij awayo ni beesokee bu te yo, abe doon dund'úbaj toko deemo fu eket i.

1 Korent 6:15

Árimeyiit me kaanuku ti *Kiris ti sini soonuun sujokoore fu? Ajakeejak fíya an n'ásik eni yeene yi Kiris akino i eeja eesaan yo kiŋki kafurukato? Mayet fu!

1 Korent 6:20

Atambatun ajaamajaam ahahee kaanuku eejoohenuun. Náami ariwarawar kánikan Atambatun ni sini soonuun.

1 Korent 6:9

Árimeyiit kaanuku kiŋki káhin meejakut mu iti kamaat hikee ti *Jáyi jite Atambatun? An atum'abuutuun: kiŋki kafurukato, n'ewaasena i, ni kiŋki kaŋot ni bakan ki kaseñeit ku, ni kiŋki kaŋot ániine n'ániine,

2 Korent 10:4

Bujuŋko bimb'irilob ne bo bíteiit bakate ku t'etaam ye: bo bujuŋko beeyane bite Atambatun, abe bíyinooni kábuju doon fe déerahanna te o. Iŋ'íribuj biyinoor beenooto bite nu múniyo,

2 Korent 5:14

Ábuki kámaŋi ki *Kiris ámaŋie ku úne kíkinie fu úne, úne ku bukuure ku kaanuku afeeneŋ taŋ akete fu bija t'ésuk i ereyi; aamo fu butum ésuk i ereyi fe ekete fu.

2 Korent 5:15

Aketaket bija t'ésuk i ereyi kaanuku man keeroŋe ku itim'iŋki karoŋ bija tu boko kumuumiin, bare ni karoŋ bija t'akina eekete u, abe n'áritein t'eket i bija tu boko.

2 Korent 8:5

Bi káhine bu bihaŋahaŋ b'iriyakare bu yéeni. Kajabajaba kásik ñúwejet ñooniin kasaan Anahaan u; kahaban, ni kájeŋgin uni káhabanein naane t'Atambatun ámaŋie du.

Efees 2:5

h'aamo hu te o úketa iŋi kájuumu kite k'úne, n'áhin úne núusooñ úroŋ ni *Kiris. Kajaku kite Atambatun kíkinineŋe fu n'arifak.

Efees 5:14

Múniyo doon déeŋaasina akuur but díyemia meejaaŋe. Iŋ'ite ho hi kaane fu: «Á̱niyo, awe eeemo u t'a̱ŋote, a̱rito t'etut keekete ku, abe Kiris n'aŋ'ajaaŋani.»

Fílip 1:20

Ti kanahan k'eemo kee te ko, n'eyakar y'eemo yee te yo, at'arko hikee-kee íñje ifuñee. Aaa, b'ímaŋie bu bare úmiye nu ko kireyi fe beemo fu hikawam hiyaŋg piŋ, íiwufoor íhabanein kaanuku Kiris ahahahah, hutoof íñje buroŋ man yooŋ íñje káaketin.

Kolos 2:13

Hítiyar hu, árimoomi t'Atambatun naane bakan keekete iŋ'ite wuhoofoor woonuun, ni naane ariteyit i karam. Bare hahiye Atambatun áhinuunhin ariisooñ ariroŋ ni Kiris. Aboŋketaboŋket úne wuhoofoor wute w'úne fe.

Kolos 3:5

Náami ariyool ti siniuun doon fe deeemo dite t'etaam: huŋotu hu ni bakan k'ariseñeit, *kakuuraate ku, kámaŋi kite buroon béefuñinanie bu, wúfaŋi weejakut wu, ni bimero bite buroon b'árikiniit bu. (An af'amero doon d'ákiniit, ajokajok bondu ahaŋ naane ajoke i Atambatun.)

2 Tesalonik 2:12

Náami kéeyilenut ku fe tu múniyo mu, abe n'iŋi kabaj katoofu kooniin ti meejakut mu kajoonanee.

2 Timote 2:15

Á̱hin wáhowah a̱atoof Atambatun, naane aroka eejake, eeyakut bufuño, abe n'aŋ'aliiken ésuk i Hirim hite múniyo mu ajoŋoor júl.

Saak 4:1

Bímiñoor bu nu sulob su t'etutuun, bondu diin t'ufu búnuutin? Uŋu búnuutin tu wúfaŋi woonuun wuwu wulob ti siniuun.

1 Piyeer 2:24

Akina *t'ekuruwa i, ayitayit t'enio wuhoofoor wute w'úne, kaanuku man n'úwasoor ni kaahoofoor ku núuyooso tu buroŋ beejoŋoore. Hee, iŋi busontaay bite bu Kiris h'aribaje fu káasuumaay.

1 Piyeer 4:2

Náami áfiitin ti hahiye, tu kunak keeŋeñenuun ku t'etaam ye, buroŋ boonuun buwarawar káyemi naane t'Atambatun ámaŋie du bo, abe n'ariwas wúfaŋi wute kúŋgowulan ku.

1 Saaŋ 1:9

Bare uf'úsok Atambatun wuhoofoor wute w'úne, makamu ájubajub, abe doon fe d'asoke aŋ'áhin do, o kaboŋket úne wuhoofoor wu, abe n'aŋ'akuuran úne ti meejakut mánoman.