Eleetar i yi Pool akiñje i bakate ku Rom 6:12 - Kwatay (Kuwaataay)

¹² Kaahoofoor ku kuwarut iŋki kabaju sembe ti sini soonuun seeemo su iŋi siket, kiyak iŋi kitiŋguun áriihin wúfaŋi wute te so.

Eleetar i yi Pool akiñje i bakate ku Rom 6:12 ပူးပေါင်းရင်းမြစ်များ

Eleetar i yi Pool akiñje i bakate ku Rom 13:14

Arisolo Anahaan u Yesu Kiris, abe atum'aŋk'ariwas wúfaŋi woonuun weejakut wu weetiŋguun ti meejakut mu.

Eleetar i yi Pool akiñje i bakate ku Rom 2:8

Bare kiŋki kárahan te o, kájeŋginaariit yooŋ múniyo mu, abe n'iŋi kawas meejakut mu méekiniiin, o káwufooriin kaanuku ayiŋatayiŋat ni sembe.

Eleetar i yi Pool akiñje i bakate ku Rom 5:21

Náami naane kaahoofoor ku kíbajaanie i sembe kiyak uŋu kuyool, kajaku k'Atambatun kaŋk'áwufoor kibaja yooŋ sembe site káhinu ésuk i kéejub te o. Iŋ'ite ho h'úyinie fu kaŋaasu t'Anahaan ite úne Yesu Kiris núubaj buroŋ béehabanaariit bu.

Eleetar i yi Pool akiñje i bakate ku Rom 6:14

Kaahoofoor ku kuroŋut kabaju t'aruun sembe, ábuki *Eluwa yite Moyis eŋkut ékiniuun, bare kajaku k'Atambatun kaŋk'áwufooruun kíkiniuun fu hahiye.

Eleetar i yi Pool akiñje i bakate ku Rom 6:16

Árimeyiit kaanuku af'árisik kikawuun arisaan ake, abe n'aŋ'arijam te o, áriyemia búsukateen boone? Hahiyu arijuk, man áriijeŋgin kaahoofoor ku kiŋki kibin n'eket i, man yooŋ áriijeŋgin Atambatun, abe n'aŋ'ajokuun bakan kéejube.

Eleetar i yi Pool akiñje i bakate ku Rom 8:11

Arko Búwejet bite Atambatun eeritane u Yesu t'eket i bikinakin t'aruun, Atambatun ondu eeritane u Kiris t'eket i kawunu buroŋ bu sini soonuun seeemo su iŋi siket. O káŋaasanna bo tu Búwejet boone beekine bu t'aruun.

Eleetar i yi Pool akiñje i bakate ku Rom 8:13

Af'aŋ'árihin beetoofe bu so, aruun kaketu. Bare af'ariwun Búwejet Beenabe bu bítim bite káyokunanuun ariiyool kunoŋk koonuun keejakut ku, aruun karoŋu.

2 Korent 4:11

Uni bokondu tu buroŋ, bare ko kireyi fe iŋ'íriheelin t'eket i iŋ'ite hu Kiris, kaanuku man buroŋ boone ni bifeeñ yooŋ ti sini site s'uni seeemo su iŋi siket.

2 Korent 5:4

Naane uŋ'úyak bifiyo ni sini site su t'etaam ye fe, uŋ'úriŋgan naane bakan keeniŋane. Káanukiiit man úne úmaŋie kaketu núunuut ti sini site s'úne, aaa. Úne úmaŋie kabaju sini site su t'etiir, man buroŋ béehabanaariit bu ni bimer doon deeemo du iŋi diket.

Galasi 5:16

Iisokuun bonde: ariwas Búwejet Beenabe bu beejoŋooran buroŋ boonuun. Af'árihin ii, man arinaban wúfaŋi woonuun weejakut wu.

Galasi 5:24

Bakan ki Yesu *Kiris akino ku kayoolayool *t'ekuruwa i wúfaŋi wooniin weejakut wu.

Efees 2:3

Hítiyar hu, úne fe kaafeeneŋ ku nu boko, ábuki wúfaŋi wute w'úne taŋ w'uf'úŋes, katoofu kite k'úne yooŋ k'uf'úyinoor. Makamu iye u úyemiaanie fu, Atambatun yooŋ ayiŋatayiŋat t'úne naane ayiŋate i ti bakaaku.

Efees 4:22

Náami ariwarawar kawasu manoŋkar moonuun mítiyar mu. Manoŋkar mondu mummu múyoosanaaniuun tu wúfaŋi wuwu wubuutuun múbujuunbuj fu yéeni.

1 Tesalonik 4:5

abe atum'awas wúfaŋi weejakut wu weehaŋo sembe, naane *kéemeyiit ku Atambatun ii káhin.

2 Timote 2:22

A̱tey wúfaŋi wute hiñiaate hu. A̱ŋes kajoŋoor ku, ni káyilen ku, ni kámaŋioori ku, ni káasuumaay ku. A̱ŋes bondu fe ni kiŋki kalaw Anahaan u nu suhol seekuure.

Eleetar i yi Pool akiñje i Tit 2:12

Kajaku koone kiliikenaliiken úne kawasu buroŋ beejakut, nu wúfaŋi wute t'etaam ye, kaanuku man n'úyinoor ajakee hahiye, n'úbaj yooŋ buroŋ beejoŋoore, abe nu bújub t'Atambatun.

Eleetar i yi Pool akiñje i Tit 3:3

Ábuki hítiyar hu, úne yooŋ úbajut kikaw, újeŋginaariit an, abe úmoomi naane bakan keehiile. Úne yéeni búsukateen bite wúfaŋi weejakut wánowan, ni katoofu kánokan. Úkinaanakinaani ti bánafut ni bíhiñanoor. Uŋ'úhuuf bakaaku, ni kahuuf úne yooŋ.

1 Piyeer 1:14

Árijeŋgin Atambatun, abe atum'aribatikan siheluun tu wúfaŋi woonuun wute wu ti hítiyar hu t'árimeyioorut múniyo mu.

1 Piyeer 2:11

Kújakuwe, aruun k'ímaŋie-maŋie ku, aruun keeemo ku emoosoora t'etaam ye abe yooŋ at'arifiyo, waasuun, ariwas wúfaŋi weejakut wu, ábuki uŋu wutiik n'aruun.

Eleetar i yi Sud akiñje i 1:16

Bokondu burokiin kawatan ésuk i taŋ, kámusut hikee katoofan; beetoofiin bu taŋ b'ifi káhin. Báhamin booniin fe jímak, abe ñutum ñu aŋ'atoof naane kaanuku keebaj t'ésuk i doon.

Eleetar i yi Sud akiñje i 1:18

Kaanuunyen: «Tu kunak kiraanu ku, kabaju bakan keeyakuun kásuwu, abe wúfaŋi wooniin weejakut wu taŋ wi kaja fu káhinu.»