Eleetar i yi Pool akiñje i bakate ku Rom 4:17 - Kwatay (Kuwaataay)

¹⁷ naane Atambatun asoke i ti *Míkiñjin mu. Aanaan: «Íhinihin á̱ayemi faaf ite biheet beehooje-hooj.» Aburaham aamo fu faaf úne t'Atambatun, ábuki áyilenayilen Atambatun. Akina Atambatun af'aritan keekete ku, abe n'asok yooŋ buroon béemusut bu káwuwina béewuwin.

Eleetar i yi Pool akiñje i bakate ku Rom 4:17 ပူးပေါင်းရင်းမြစ်များ

Májiye 3:9

Atum'ariene man kaanu kite: «Uni fu bakañi *Aburaham» kúnooni kákinineŋ n'arifak i? Íñje isok fee n'aruun: Atambatun áyinooni káhinu bujuju bondu béeyemi biñi Aburaham!

Saaŋ 5:21

Ábuki naane Faaf u aa aritan keekete ku, eesooñ eewuniin buroŋ, iyu yooŋ i Añi u af'awun buroŋ bu an a ámaŋie u.

Saaŋ 5:25

Iisokuun bifeeneŋ bu taŋ: bibin birko, abe areeŋee, keekete ku kajamu kaaji kite Añi ite Atambatun, abe keeyak ku kajamu ko karoŋu.

Saaŋ 6:63

Búwejet Beenabe bu ufu buwun buroŋ bu; húŋgowulan ayinaat káhinu bondu. Kirim k'isokuun ku ufu kuwun Búwejet bu nu buroŋ bu.

Epotor i 15:18

Íñje isoke fu bo, íñje Atemit, abe íhinahin ésuk i kéemeyi bo huta hu kóŋkeyin.»

Eleetar i yi Pool akiñje i bakate ku Rom 3:29

Bare fíya Atambatun, akina Atambatun ite Esuwif i barebare? Anooto yooŋ Atambatun ite keenooto ku Esuwif? Wala, akina Atambatun ooniin yooŋ,

Eleetar i yi Pool akiñje i bakate ku Rom 4:18

Aburaham ayakarayakar t'eyakar eŋkut ebaj, abe n'áyilen. Iyu a abine fu áyemi «faaf ite biheet beehooje-hooj», naane t'Atambatun asoko du aano: «Iye i bakañi kaja fu kahooju.»

Eleetar i yi Pool akiñje i bakate ku Rom 4:2

Arko Atambatun ajokojok an éejube uŋu buroon b'áhine bu, Aburaham n'aŋ'áyini kamaku. Bare abajut beeware kákinineŋ n'amak hágila Atambatun.

Eleetar i yi Pool akiñje i bakate ku Rom 8:11

Arko Búwejet bite Atambatun eeritane u Yesu t'eket i bikinakin t'aruun, Atambatun ondu eeritane u Kiris t'eket i kawunu buroŋ bu sini soonuun seeemo su iŋi siket. O káŋaasanna bo tu Búwejet boone beekine bu t'aruun.

Eleetar i yi Pool akiñje i bakate ku Rom 9:11

kabukoorutee, Atambatun n'aano: «Aŋgilij u kahaŋu aneemak u.» H'asoke hii, boko ti kátumboorut kaŋaaŋ káhinu meejake man yooŋ meejakut. Atambatun áhinahin ii éewufoor kaanuku aŋ'áhin naane hutoofo i. Aŋ'ajifan kúŋgowulan ku naane ámaŋie i, káanukiiit iŋi beejake bi káhine.

Eleetar i yi Pool akiñje i bakate ku Rom 9:26

Toko t'ibine du eeniin: “Arinooto bakan kúuma”, boko kaaniee toko biñi bite Atambatun eeemo u buroŋ.»

1 Korent 1:28

Bakan ku kúŋgowulan ku káwiiniane ku, ni kahuufiin, abe yooŋ kajokutiin doon fe, Atambatun ajifaniinjifan kaanuku éebuj keejokee ku bakan kómbokun.

1 Korent 15:45

Múniyo *Míkiñjin mu meenaan: «*Adam álokow átiyar u n'áyemi húŋgowulan heeroŋe.» Adam araan u n'áyemi búwejet bumbu buwun buroŋ bu.

1 Timote 6:13

Íñj'endu ti kasokii bonde hágila Atambatun aa awun dóonodoon fe buroŋ, ni Yesu *Kiris éehamine u atoof iya ti káyilen koone hágila Poons *Pilat:

Esuwif i 11:12

Iŋ'ite ho aamo fu butoŋ beehooje nu búnuutin t'ániine afeeneŋ taŋ, eeemo u Aburaham, eehaane húluj, abe kaketu taŋ kiŋeñeno fu yéeni. Butoŋ bondu buhoojahooj naane búloofiiloof beeemo bu t'etiir, abe kayinaatee kafinu naane an ayinaat i yooŋ kafinu baaliisiw beeemo bu ti katafa ku.

Esuwif i 11:3

Káyilen kíkinineŋe fu n'úmeyi kaanuku hirim hite Atambatun húwuwane fu doon areyi fe. Aamo fu buroon bumb'újuk fe, ti béejukaariitee bu tu búnuutina fu.

Esuwif i 11:7

Káyilen kíkinineŋe fu *Nowe n'arok etara yómbombokun kaanuku eefakan butoŋo. Ajamatanajamatan h'Atambatun áyeegalo hu beeware bu bibin kabaju, b'an ajukoorut bu. Iyu i Nowe áhine fu éewufoor kaanuku bakate t'etaam i kajakut. Atambatun n'ajoko an éejube iŋi káyilen koone.

1 Piyeer 2:10

Hítiyar hu áriyemiit bakan bakate Atambatun, bare hahiyu áriyemia bakan koone; hítiyar hu Atambatun ayubiyenutuun yéeni, bare hahiye ayubiyenuun.

2 Piyeer 3:8

Kújakuwe, aruun k'ímaŋie-maŋie ku, abajeebaj bare bike b'ariwarut kafiilu: t'Anahaan u, hunak hifeeneŋ húmoomi naane simit éñjune, abe simit éñjune ni síyemi naane hunak hifeeneŋ.