Eleetar i yi Pool akiñje i bakate ku Rom 4:16 - Kwatay (Kuwaataay)

¹⁶ Náami b'Atambatun aane bu o kawunu, káyilen kíkinineŋe fu, kaanuku t'áami kawunu kite kásoniyan, abe ni kíyemi kite ku bakañi Aburaham kareyi fe. Kíteiit kéejeŋgine ku Eluwa i barebare, bare kite yooŋ kéeyilene ku káhabanein naane Aburaham. Akina faaf úne úreyi fe,

Eleetar i yi Pool akiñje i bakate ku Rom 4:16 ပူးပေါင်းရင်းမြစ်များ

Hirim Heetoofe hu hi Luk akiñje hu 19:9

Yesu n'aano: —Atambatun afakana úmiye butoŋ bonde aŋarkeyi naane ániine onde ite yooŋ tu hubukandin hite *Aburaham.

Eleetar i yi Pool akiñje i bakate ku Rom 15:8

Iisokuun bonde: Kiris abinabin éeyemi aroka bija t'Esuwif i. Áhinahin bondu kaanuku éereeŋinan b'Atambatun abine bu asok sifaafiin, aaniin o káhinu, éewufoor kaanuku Atambatun an ite bifeeneŋ.

Eleetar i yi Pool akiñje i bakate ku Rom 3:22

Kéejube ku t'Atambatun kaamo fu bakan ku fe kéeyilene ku ti Yesu *Kiris. Te o, kúŋgowulan ku kawayeit,

Eleetar i yi Pool akiñje i bakate ku Rom 3:30

ábuki Atambatun afeeneŋ taŋ abaje fu. Akina aja fu kajoku Esuwif i bakan kéejube ti káyilen kooniin, n'ajok yooŋ keenooto ku Esuwif bakan kéejube ti káyilen kooniin.

Eleetar i yi Pool akiñje i bakate ku Rom 4:11

Abe Atambatun n'abin áhino eetey karam: karam kondu keemo fu ékeetanuma yéewufoore i kaanuku Atambatun ajokojok an éejube iŋ'ite káyilen koone, abe kóŋkeyin o t'ateyoorut karam. Iyu i Aburaham aamo fu faaf ite bakan ku fe kéeyilene ku t'Atambatun ti kateyit karam. Abe bokondu Atambatun ajokiinjok bakan kéejube.

Eleetar i yi Pool akiñje i bakate ku Rom 5:1

Náami Atambatun ajoka úne bakan kéejube aŋarkeyi naane úyilenayilen, abe hahiye káasuumaay kibaja t'etut úne ne o, Anahaan ite úne Yesu *Kiris éekinineŋ.

Eleetar i yi Pool akiñje i bakate ku Rom 9:8

Aamo fíiit biñi bite Aburaham kaamo fu bakañi Atambatun kareyi. Bakañi Atambatun nu múniyo kaamo fu keebukee ku naane t'anoŋke du eesok.

Galasi 3:14

Iyu i bije fu kaanuku man kásoniyan k'Atambatun aane ku o kásoniyan Aburaham, keenooto ku Esuwif ni kabaj ko yooŋ ti Yesu Kiris, abe ti káyilen kite k'úne, n'úbaj yooŋ Búwejet Beenabe bu b'Atambatun aane bu o kawunu úne.

Galasi 3:16

Atambatun aanaan o káhinu bike bija *t'Aburaham n'añi u a aja u káyeki. *Míkiñjin mu meenut: «ni bakañio», kite bakan keehooje. Aaa, afeeneŋ i musoke fu. Meenaan: «n'añi u a a̱ja u káyeki», o aamo fu *Kiris.

Galasi 3:22

Bare *Míkiñjin mu meenaan kaahoofoor ku kihaŋahaŋ kúŋgowulan ku fe sembe, kaanuku man b'Atambatun aane bu o kawunu, *kéeyilene ku ni kabaj bo aŋarkeyi naane káyilenayilen ti Yesu *Kiris.

Efees 2:5

h'aamo hu te o úketa iŋi kájuumu kite k'úne, n'áhin úne núusooñ úroŋ ni *Kiris. Kajaku kite Atambatun kíkinineŋe fu n'arifak.

Efees 2:8

Múniyo iŋi kajaku kite k'Atambatun h'arifake fu, ábuki áriyilenayilen te o. T'áruuniit tu bondu búnuutina, Atambatun awunuun fu bo.

Eleetar i yi Pool akiñje i Tit 3:7

Náami makamu ti kajaku koone áhinahin úne núujub, úne káyini kabaju buroŋ béehabanaariit bu b'úyakare bu.

2 Piyeer 1:10

Kújakuwe, iŋ'ite ho aamo fu áriñiŋkaan ariijok alitee áriiwufoor kaanuku Atambatun aruwuunruw, abe n'ajifanuun yooŋ. Ábuki af'árihin iyu, at'ariney hikee ti kaahoofoor.