Eleetar i yi Pool akiñje i bakate ku Rom 3:25 - Kwatay (Kuwaataay)

²⁵ Atambatun aboñaboñ Kiris éeyemi *kaasarah kaanuku man halan hoone nu hunuutan wuhoofoor wute ésuk i kéeyilene ku te o. Atambatun áhinahin bondu kaanuku éewufoor ésuk i buŋ b'ájube fu ariike. Kóŋkeyin, wuhoofoor w'ésuk i wiwi káhinaani, aŋ'áhin kite ájukaariit wo aŋarkeyi naane aŋ'ámuñ.

Eleetar i yi Pool akiñje i bakate ku Rom 3:25 ပူးပေါင်းရင်းမြစ်များ

Saaŋ 6:47

Iisokuun bifeeneŋ bu: an éeyilene u abaja buroŋ béehabanaariit bu.

Epotor i 14:16

Kóyin sifaaf, awasawas biheet bu fe keejok bítim beetoofiin bu.

Epotor i 15:18

Íñje isoke fu bo, íñje Atemit, abe íhinahin ésuk i kéemeyi bo huta hu kóŋkeyin.»

Epotor i 17:30

Hítiyar hu, Atambatun aboŋketaboŋket bondu fe, ábuki ésuk i kámeyiit bimbi káhin. Bare hahiye áwufoora ésuk i fe bakate ku tánotan kaanuku kawarawar buwatanooro kinij kooniin keejakut ku.

Epotor i 2:23

Ániine ondu n'ásikee asaanuun naane Atambatun anoŋke i eesok, o eefiye u éemeyi bo. Abe aruun ariyoolo fu, aruun kéesiko ku arisaan ehoofoora i keetibo *t'ekuruwa.

Epotor i 3:18

Bare iyu i b'Atambatun abine bu asok kóŋkeyin, áŋaasann bo *t'eyiŋana yeene fe bibaje fu. Abinabina aane *Afakana oone awarawar kajuku sílaam.

Epotor i 4:28

Boko káhine b'a̱soŋke bu busok a̱ane bo kabaju, ti sembe súuwe ni kámaŋi kúuwe.

Eleetar i yi Pool akiñje i bakate ku Rom 2:4

Bare me á̱wiinianawiinian Atambatun aŋarkeyi naane ajakajak aa, aŋ'ámuñ yooŋ, abe amokenut ti kajoonan kúuwe? Á̱meyiit kaanuku kajaku kite Atambatun kuwarawar katiŋgii a̱awatanooro kinij kúuwe?

Eleetar i yi Pool akiñje i bakate ku Rom 3:26

Bare hahiye kaasarah kondu kúwufoorawufoor kájubu koone. Akina an éejube, abe n'ajok an fe éeyilene ti Yesu Kiris an éejube.

Eleetar i yi Pool akiñje i bakate ku Rom 5:1

Náami Atambatun ajoka úne bakan kéejube aŋarkeyi naane úyilenayilen, abe hahiye káasuumaay kibaja t'etut úne ne o, Anahaan ite úne Yesu *Kiris éekinineŋ.

Eleetar i yi Pool akiñje i bakate ku Rom 5:11

Abe bóndiiit barebare: kikaw úne uŋu kutoof t'Atambatun, o éehine u núubukan ne o, Anahaan ite úne Yesu Kiris éekinineŋ.

Eleetar i yi Pool akiñje i bakate ku Rom 5:18

Náami naane aamo i kaahoofoor kite Adam kifeeneŋ ku taŋ kuyoosane fu ésuk i fe ti kaayeen, burok yooŋ béejube bifeeneŋ taŋ bite bu Yesu Kiris bíhine fu Atambatun n'ajok kúŋgowulan ku fe bakan kéejube, abe nu buwuniin buroŋ.

Eleetar i yi Pool akiñje i bakate ku Rom 5:9

*Kaasarah koone kíkinineŋakinineŋ Atambatun n'ajok úne hahiye bakan kéejube. Buŋ b'atuf'afakan úne yooŋ ti kayiŋat kite Atambatun?

1 Korent 5:7

Náami arinuutan t'etutuun kaahoofoor kondu keeemo ku naane élefir yéewuute man n'áriyemi bakan *keekuure but. N'aŋ'áriyemi naane éfariŋ éyeni yeebajut élefir. Abe ariheekaheek áriiyemi bakan keekuure, ábuki *Kiris aketaket bija t'aruun. O aamo fu ametek *eesarahee u *t'efeet ite Kánuutina ku Esipt.

2 Korent 5:21

Kiris ámusut káhinu kaahoofoor, bare Atambatun asejanosejan wuhoofoor wute w'úne. Áhinahin bondu kaanuku man úne kéehine ku t'afeeneŋ ni Kiris n'úyini káyemi bakan kéejube t'Atambatun.

Efees 1:7

Ti halan hite Kiris t'Atambatun arame fu úne ti meejakut mu, abe n'aboŋket úne yooŋ wuhoofoor wute w'úne. Iyu a áwufoore fu úne kajaku koone keehahe-hahe ku, n'áhin úne yooŋ núuwesinato, abe n'úniyo.

Efees 2:13

Bare hahiye, naane aamo i árihina t'afeeneŋ ni Yesu Kiris, aruun kéekambaanie ku Atambatun aŋkut arikambo iŋ'ite halan hite Kiris héeyuusee hu.

1 Timote 1:15

Hirim h'ija hee kasokii héewoore, abe huruw fe awarawar ho kanaŋu ti hikawo: Yesu Kiris abinabin t'etaam ye kaanuku eefakan ehoofoora i. Íñje ihaŋiin fu kajakaate fe,

Esuwif i 10:4

Ábuki halan hite kúyond ku ni hite kíjigen ku hiyinaat hikee-kee kanuutan wuhoofoor wu.

Esuwif i 11:14

Kéehamine kii káwufoorawufoor akuur but kaanuku hikinu hi kaamo ti hiŋes bija tu boko.

Esuwif i 11:17

Káyilen kíkinineŋe fu Aburaham n'ásik Isak kaanuku yéeni eesaraho, h'Atambatun aŋese hu kajuku buŋ bi káyilen koone keemo fu ariike. Ásikasik añi oone afeeneŋ u kaanuku eesaraho, abe bare Atambatun káahinin koone eeyakar

Esuwif i 11:7

Káyilen kíkinineŋe fu *Nowe n'arok etara yómbombokun kaanuku eefakan butoŋo. Ajamatanajamatan h'Atambatun áyeegalo hu beeware bu bibin kabaju, b'an ajukoorut bu. Iyu i Nowe áhine fu éewufoor kaanuku bakate t'etaam i kajakut. Atambatun n'ajoko an éejube iŋi káyilen koone.

Esuwif i 9:28

Iyu yooŋ i Kiris ásike fu enio eesarah hifeeneŋ kaanuku eenuutan wuhoofoor wute bakan keehooje-hooj. Abe o kásooñina húsooboriyan, káanukiiit bibin kanuutan wuhoofoor wu, bare kaanuku eebin eefakan keeemo ku ti kanahan koone.

Esuwif i 9:5

N'abaj t'etiir ekees i muroon músuba meerokee munokoor naane emalaka. Mo múwufoore fu kaanuku Atambatun ondu toko. Síbend site te mo súkumbaloolakumbalool tand'aboŋket wuhoofoor wu. Bare háhiyeiit n'úja fu kájatinanoor bo bireyi.

1 Saaŋ 1:10

Uf'úene úbajut wuhoofoor, újoka Atambatun ajuusa, hirim hoone yooŋ hunooto t'úne.

1 Saaŋ 2:2

Akina awune fu enio *yeesarahee kaanuku man wuhoofoor wute w'úne nu wuboŋketee. Káanukiiit wute w'úne barebare, bare bija yooŋ nu wute bakaaku kúŋgowulan fe.

1 Saaŋ 4:10

Iye i kámaŋi aamo fu: káanukiiit man úne úmaŋie Atambatun, bare akina ámaŋie fu úne. N'áboñin Añio kaanuku man wuhoofoor wute w'úne nu wuboŋketee iŋ'ite *kaasarah koone.

Kafeeñal ku 1:5

Yesu *Kiris yooŋ, aseede éejube u aja ásoniyanuun, abe n'awunuun káasuumaay, akina eeemo u átiyar u dók ti karitanee t'eket i, akina eeemo u áyi ite bákayi ku t'etaam i. Kiris ámaŋamaŋi úne, abe n'aram úne tu wuhoofoor wu ni halan hoone héeyuusee hu.

Kafeeñal ku 13:8

Bakate ku t'etaam i fe kásukaay éndakakureŋ i; aamo fu bakan ku fe ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee. Kaawiit kondu kite Ametek eeyoolee u.

Kafeeñal ku 20:15

An fe eeemo huruwu hoone hikiñjutee ti kaawiit kite buroŋ bu, n'áfiitenee ti han hite sineemak su.

Kafeeñal ku 5:9

Ni kahooñ hunooñu híyeni iŋi kaane Ametek u: «Awe a̱reeŋe fu kásiku kaawiit ku, á̱akotin ko tu kukotanee du. Ábuki a̱mooteemoot yéeni, abe ni halan húuwe n'á̱joohenna fu bakan a̱bin a̱saan Atambatun: bakan bakate búsuk bánoban, ni bakate kíhaminiin kánokan, ni bakan kánokan, ni biheet bánoban.