Eleetar i yi Pool akiñje i bakate ku Rom 3:23 - Kwatay (Kuwaataay)

²³ ábuki ésuk i ereyi fe ehoofoore fu, abe ni kábuur kániku kite Atambatun.

Eleetar i yi Pool akiñje i bakate ku Rom 3:23 ပူးပေါင်းရင်းမြစ်များ

Eleetar i yi Pool akiñje i bakate ku Rom 1:28

Naane aamo i kateñekateñeko kámeyi Atambatun, Atambatun n'awasiin nu búwesinato booniin beeñunut bu kaanuku iŋi káhin buroon bi kawarut bu káhinu.

Eleetar i yi Pool akiñje i bakate ku Rom 11:32

Náami Atambatun akulakul ésuk i ereyi fe iŋi kájeŋginaate kooniin, kaanuku man n'áyiniiin kayubiyen kareyi fe.

Eleetar i yi Pool akiñje i bakate ku Rom 3:19

Abe bare úmoomi kaanuku b'Eluwa yite Esuwif i esoke bu fe, esokasok bo bakan k'ékinie ku, kaanuku man ñutum ñu fe nu ñukoowan, abe Atambatun n'ajoonan ésuk i kareyi fe.

Eleetar i yi Pool akiñje i bakate ku Rom 3:9

Náami naŋ? Uni Esuwif i irihaŋahaŋ fíya keenooto ku Esuwif? Mayet fu! Iheeka íiwufoor kaanuku kaahoofoor ku kihaŋahaŋ sembe Esuwif i ni keenooto ku Esuwif.

Eleetar i yi Pool akiñje i bakate ku Rom 5:2

Akina áfeŋgine fu úne bítim bu, kaanuku núumeyi kajaku k'Atambatun kaŋk'áwufoor úne aŋarkeyi naane úyilenayilen. Hahiye úsiiŋaa ti kajaku kondu jirib. Abe béekinineŋe bu kikaw úne n'uŋu kutoof beemo fu eyakar y'úbaje i yite kamaatu ku ti kániku kite Atambatun.

Galasi 3:22

Bare *Míkiñjin mu meenaan kaahoofoor ku kihaŋahaŋ kúŋgowulan ku fe sembe, kaanuku man b'Atambatun aane bu o kawunu, *kéeyilene ku ni kabaj bo aŋarkeyi naane káyilenayilen ti Yesu *Kiris.

1 Tesalonik 2:12

Iririmuunrim, n'iriyaŋgananuun kikaw, n'irilawuun yooŋ abe n'irisooñoor, kaanuku man buroŋ boonuun ni biriib naane t'Atambatun ámaŋie du, akina eeruwuun u kaanuku ariiyooso ti Jáyi joone ariijuk kániku koone.

2 Tesalonik 2:14

Bondu b'Atambatun aruwuun fu, éeŋaasann bo ti Hirim Heetoofe h'irisokuun hu, kaanuku man kikawuun nu kutoof yooŋ iŋi kániku kite Anahaan ite úne Yesu *Kiris. Bondu bibajabaj aŋarkeyi naane áriyilenayilen tu múniyo mu; bibajabaj yooŋ ti sembe site Búwejet Beenabe bu, béehinuun bu áriiyemi bakan kite Atambatun.

Esuwif i 4:1

Atambatun asokasok úne aane úne buyooso t'afaree du kaanuku núubin úuyih toko. Náami makamu bondu b'asoke bu buroŋa ni bisiiŋo bija t'úmiye, arinaŋ toko kikawuun, ake t'aruun atum'abin áhuunan, éeriikein inde hiñaawu.

1 Piyeer 4:13

Kikawuun kutoof kep aŋarkeyi naane aŋ'arimaat ti sílaam site *Kiris, man hunak h'ésuk i eja hu kajuku kániku koone, n'aritoofan árihabanein.

1 Piyeer 5:1

Hahiye *sifaaf soonuun k'ijonde fu. Íñje humuumam faaf naane aruun; ijukajuk ni ñíkinam *Kiris o ti sílaam su, abe íñje kabaju yooŋ húrub ti kániku keeja ku káwufooree memee. Bonde b'ilaw fu n'aruun:

1 Piyeer 5:10

Sílaam soonuun iti sifiyo dómbokun. Atambatun eehaŋe u émaŋia úne, aruwuunruw bite kániku koone kéehabanaariit ku aŋarkeyi naane árihinahin ni Yesu Kiris t'afeeneŋ. O humuumo karitanuun ariisiiŋo, n'ayaŋgananuun yooŋ ti kawunuuun sembe, abe n'asiiŋanuun t'ayane.