Eleetar i yi Pool akiñje i bakate ku Rom 3:22 - Kwatay (Kuwaataay)

²² Kéejube ku t'Atambatun kaamo fu bakan ku fe kéeyilene ku ti Yesu *Kiris. Te o, kúŋgowulan ku kawayeit,

Eleetar i yi Pool akiñje i bakate ku Rom 3:22 ပူးပေါင်းရင်းမြစ်များ

Hirim Heetoofe hu hi Luk akiñje hu 15:22

Bare faafo n'aane eroka yeene: “Arimoken áriisikin éfartuus yeehaŋe i káwari fe, abe n'arisolo yo. Arisolo yooŋ emeŋk ni sikaku.

Epotor i 11:12

Búwejet Beenabe bu ni beenam iriboor nu boko, hikawam itim hiteyoor. Bokonde hutok n'afeeneŋ u kéeyilene ku ni kásilimbanam, abe n'iriyooso t'enuuf ite ániine éeboñiniin u.

Epotor i 15:9

Te o úwayeit nu boko: akuuranakuuran ñúwejet ñooniin aŋarkeyi naane káyilenayilen.

Epotor i 3:16

Huruwu hite Yesu ni káyilen ku te ho, bondu bíkinineŋe fu ániine ondu aa arijuk ii abe n'árimeyio yooŋ n'áyini bisiiŋo. Káyilen ku ti Yesu kíhine fu n'ákoyi fe naane aa arijuk ii arireyi.

Eleetar i yi Pool akiñje i bakate ku Rom 1:17

Múniyo Hirim Heetoofe hu húwufoorawufoor buŋ b'Atambatun af'ajok húŋgowulan an éejube: ti káyilen ku taŋ. Ti káyilen ku tu bondu bíjabina fu, ni biraan yooŋ te ko, naane busokee i ti *Míkiñjin mu. Meenaan: «An éejube, buroŋ boone káyemi bite káyilen.»

Eleetar i yi Pool akiñje i bakate ku Rom 10:12

Náami Asuwif u n'eenooto u Asuwif, boko k'afeeneŋ ku. Anahaan afeeneŋ i kabaje fu aa ásoniyan dómbokun kiŋki karuwo fe.

Eleetar i yi Pool akiñje i bakate ku Rom 10:4

Ábuki Kiris ahabanoore fu *Eluwa yite Moyis, kaanuku man kéeyilene ku te o fe, Atambatun n'ajokiin bakan kéejube.

Eleetar i yi Pool akiñje i bakate ku Rom 2:1

Náami awe aa a̱joonan bakaaku, hutoof á̱yemi aañ, aŋkut a̱baj b'a̱ware bukuuso te bo hágila Atambatun. Af'aŋ'a̱joonan bakaaku, a̱yoosanooraa ti kaayeen awe humuumi, ábuki aŋ'á̱hin yooŋ buroon bimbi káhin.

Eleetar i yi Pool akiñje i bakate ku Rom 3:30

ábuki Atambatun afeeneŋ taŋ abaje fu. Akina aja fu kajoku Esuwif i bakan kéejube ti káyilen kooniin, n'ajok yooŋ keenooto ku Esuwif bakan kéejube ti káyilen kooniin.

Eleetar i yi Pool akiñje i bakate ku Rom 4:16

Náami b'Atambatun aane bu o kawunu, káyilen kíkinineŋe fu, kaanuku t'áami kawunu kite kásoniyan, abe ni kíyemi kite ku bakañi Aburaham kareyi fe. Kíteiit kéejeŋgine ku Eluwa i barebare, bare kite yooŋ kéeyilene ku káhabanein naane Aburaham. Akina faaf úne úreyi fe,

Eleetar i yi Pool akiñje i bakate ku Rom 8:1

Náami hahiye kéehine ku t'afeeneŋ ni Yesu *Kiris iŋkut káyiniee kajoloŋan ti kaayeen.

Eleetar i yi Pool akiñje i bakate ku Rom 9:30

Náami uŋ'úene yooŋ buŋ? Keenooto ku Esuwif kaŋesut káyemi bakan kéejube t'Atambatun, bare Atambatun ajokiinjok bakan kéejube iŋi naane káyilene i ti *Kiris.

1 Korent 12:13

Bakaake t'úne Esuwif, bakaaku kanooto Esuwif, bakaake búsukateen, bakaaku kanooto búsukateen, bare úreyi fe *úbostee fu tu Búwejet Beenabe bu bifeeneŋ bu kaanuku núuhin eni efeeneŋ. Abe Búwejet Beenabe bu bifeeneŋ bu bibine fu t'úne úreyi fe.

1 Korent 4:7

Kame aañ áhinuun fu ariihaŋ bakaaku? Átambatuniit awunuun fu doon d'aribaje du fe? Makamu iyu i bije fu, iŋi naŋ n'af'arisaŋg nu doon d'aribaje du kite áruuniit ariwunee do?

Galasi 2:16

Bare írimoomi kaanuku húŋgowulan, káanukiiit man áhinahin naane *Eluwa yite Moyis esoke i h'Atambatun ajoko fu an éejube. Aaa, káyilen koone ti Yesu *Kiris taŋ kíkinineŋe fu Atambatun n'ajoko an éejube. Bondu bíkinineŋe fu uni yooŋ n'íriyilen ti Yesu Kiris, kaanuku man Atambatun n'ajok uni bakan kéejube iŋi naane íriyilene i ti Kiris; atum'ajok uni bakan kéejube aŋarkeyi naane man uni írihine naane t'Eluwa yite Moyis esoke du. Ábuki káhinu ku naane t'Eluwa yite Moyis esoke du kíkinineŋut hikee-kee Atambatun n'ajok ake an éejube.

Galasi 2:20

Náami aŋkut áami íñj'eemo fu tu buroŋ bu, bare Kiris aamo fu tu buroŋ bu t'íñje. Buroŋ bite t'etaam ye b'eemo bee te bo hahiye, íñj'endu te bo ti káyilen ku t'Añi ite Atambatun éemaŋiam u, abe n'ásik síhiinio asaan bija t'íñje.

Galasi 3:22

Bare *Míkiñjin mu meenaan kaahoofoor ku kihaŋahaŋ kúŋgowulan ku fe sembe, kaanuku man b'Atambatun aane bu o kawunu, *kéeyilene ku ni kabaj bo aŋarkeyi naane káyilenayilen ti Yesu *Kiris.

Galasi 3:28

Náami Asuwif man yooŋ an eenooto Asuwif, ásukateen man yooŋ an eenooto ásukateen, ániine man yooŋ anaare, arireyi fe ariwayeit: arirare iŋi naane árihine i t'afeeneŋ ni Yesu Kiris.

Efees 3:12

Naane úhine i t'afeeneŋ ni Kiris, abe n'úyilen yooŋ te o, úbaja bítim bite bisiiŋo hágila Atambatun n'eyakar, kikaw úne káayaŋgin.

Fílip 3:9

abe n'íhin ne o t'afeeneŋ íhabanein. Iŋkut eene íñj'eemo an éejube aŋarkeyi naane iŋ'íhin naane Eluwa i esoke i. Iŋ'ite káyilen kúuma ti Kiris h'eemo fu an éejube. Kájubu ku, t'Atambatun tu kúnuutina fu, abe aŋ'awun ko an fe éeyilene te o.

Kolos 3:11

Hahiyu aŋkut abaj bokonde Esuwif, bokonda kanooto Esuwif; bokonde *kateyatey karam, bokonda kateyit karam; bokonde kániyeit, bokonda baataaŋaat; bokonde búsukateen, bokonda kanooto búsukateen. Bare *Kiris taŋ abaje fu, o eeemo u doon areyi fe, abe n'áyemi ti bakan koone kareyi fe.

Saak 2:23

Iyu i bonde bi *Míkiñjin mu musoke mu bibaje fu. Meenaan: «Aburaham áyilenayilen Atambatun, abe Atambatun n'ajuk ti káyilen koone n'ajoko an éejube.» Abe Atambatun n'aŋ'aano áwiyo.