Eleetar i yi Pool akiñje i bakate ku Rom 2:8 - Kwatay (Kuwaataay)

⁸ Bare kiŋki kárahan te o, kájeŋginaariit yooŋ múniyo mu, abe n'iŋi kawas meejakut mu méekiniiin, o káwufooriin kaanuku ayiŋatayiŋat ni sembe.

Eleetar i yi Pool akiñje i bakate ku Rom 2:8 ပူးပေါင်းရင်းမြစ်များ

Eleetar i yi Pool akiñje i bakate ku Rom 1:18

Atambatun áwufoorawufoor huta hu t'etiir bufor bu kaanuku ayiŋatayiŋat tu kúŋgowulan ku iŋi naane ii kahoofoor, abe ni káhin yooŋ meejakut. Ni kinij kooniin keejakut ku n'ifi kahokan múniyo mu.

Eleetar i yi Pool akiñje i bakate ku Rom 10:16

Bare ésuk íiit ereyi éjeŋgine fu Hirim Heetoofe hu. Múniyo *Esayi aanaan: «Atemit, aañ áyilene fu báhamin bite b'uni?»

Eleetar i yi Pool akiñje i bakate ku Rom 15:18

Ábuki ikañenut kasoku bike fe t'arkut bi Kiris áhine bu aŋaasan t'íñje. Bo beemo fu man keenooto ku Esuwif ni kájeŋgin Atambatun. Áhinahin bo ti kirim kiŋk'isok, ni manoŋkar múuma.

Eleetar i yi Pool akiñje i bakate ku Rom 6:17

Bare úene Atambatun eyeehen: aruun kéeyemie ku hítiyar hu búsukateen bite kaahoofoor ku, arijokajok hahiye árihabanein tu múniyo m'ariliikenee mu.

Eleetar i yi Pool akiñje i bakate ku Rom 9:22

Atambatun ámaŋamaŋi káwufoor kaanuku ayiŋatayiŋat ti bakan kéesufano ku ehol, abe ni kajar kayooliee, kaanuku man sembe soone nu sujukee tu boko. Bare áhinut bo, ámuñaliinmuñal dómbombokun.

1 Korent 11:16

An af'asooñ ámaŋi síjeeŋoor tu bondu, ámeyi bonde: iyu if'írihin, uni ni bakate ku Atambatun *kéeyilene ku.

2 Korent 12:20

Íkolakoleyi n'ija ibin, n'íŋaabeinuun tu buroŋ beetoofutam, aruun yooŋ n'arijamam ti kasokuuun beetoofutuun. Íkolakoleyi bíŋaabeina t'aruun síheñjeŋoor, ni bíhiñanoor, ni kayiŋatoor, ni kabatikanoor, ni bílafatinool, nu búsokoor meejakut, ni biyitooro, ni kajoŋooraate.

Galasi 5:20

kájeŋgin kite ñúwisenum ñu, mayaaf mu, kahuufoor ku, síheñjeŋoor su, bíhiñanoor bu, kayiŋatoor ku, kabatikanoor ku, káwaajinoor ku,

Fílip 1:17

K'ijabe ku isok, nu búwejetiit beekuure n'ifi kawaare bite bu Kiris, bare ni baabet; iŋi kaane man boko káhiniam iihaŋ kálaamu t'ekulu i.

Fílip 2:3

Atum'árihin doon fe ni sihel site baabet, atum'ariŋes yooŋ bíhinooro kuruwu, bare ariwananooro hágila bakaaku, abe huruw fe n'ajok bakaaku ahaŋ naane ajokooree i akina humuumo.

2 Tesalonik 1:8

O bibin ti kaañen kómbokun kaanuku eenij ásuf ti kéemaŋiit ku kámeyi Atambatun, abe n'iŋi kateñeko káhinu naane Hirim Heetoofe hite h'Anahaan ite úne Yesu *Kiris husoke i.

Eleetar i yi Pool akiñje i Tit 3:9

Bare a̱tey síjeeŋoor seeñunut su, ni báhamin bu uŋu kuruwu kite sifaaf site kóŋkeyin, ni síheñjeŋoor su, man yooŋ síñakoor su tu buroon bite *Eluwa yite Moyis. Bondu fe bijarut, abe bibajut éñjeriŋ.

Esuwif i 10:27

Beeyak bu kaŋeñen úne beemo fu biriiko núunahan n'ekoloowe yómbokun beeware bu kabaju; aamo fu hunak h'Atambatun aja hu kajoonan enatoora yeene ti sineemak sómbombokun su seeja su kásufiiin.

Esuwif i 11:8

Káyilen kíkinineŋe fu *Aburaham n'ájeŋgin h'Atambatun aruwo hu eeeno aja t'ésuk y'aware i bibin kawunio. N'anuut b'áyemie bu eeja t'ámeyiit yooŋ t'aja du.

Esuwif i 5:9

H'aamo hu *akuuranee but ahaban, n'áyemi ti kiŋki kájeŋgino kareyi fe an u aa afakaniin hiraanu.

Saak 3:14

Bare arko suhol soonuun suhoojahooj ni bíhiñanoor béetike, ni biyinoor yooŋ bite bíhaŋoor, atum'aŋ'arisambooro, atum'arijuus yooŋ arisaan múniyo mu.

Saak 3:16

Ábuki ti bíhiñanoor beemo, ni biyinoor bite bíhaŋoor, kajoŋooraate kondu toko, ni kinij kánokan keejakut.

1 Piyeer 3:1

Aruun yooŋ haare hu árijeŋgin bákayinuun. Af'árihin ii, bakaake tu boko, hutoof yooŋ káyilenut hirim hite Atambatun, ifi kajuk tu kunoŋk koonuun, n'iŋi káyilen. Abe bondu fe t'arisokutiin hirim,

1 Piyeer 4:17

Hunak hite Kajoonan ku hireeŋa, abe t'ajab ti bakan kite Atambatun. Abe arko keejab t'úne, buŋ fíya bi bija fu búmuje ni keeteñekee ku káyilen Hirim Heetoofe hite h'Atambatun?

Kafeeñal ku 14:10

o yooŋ búhujo ébiñ ite Atambatun yite i kane ayiŋat! Ébiñ yendu káyunanee t'ejoofutee t'ekot ite Atambatun yite i kane ayiŋat. Kiŋki kanij ii fe káhihinooree ti sineemak su n'efor yéesufe i tu buhooŋu emalaka i keenabe ku n'Ametek u.

Kafeeñal ku 16:19

Hikinu hómbokun hu ni hijeho héehin sifej síhaaji, abe kikinu kite tu búsuk bu fe nu kúbujo. Atambatun n'ábaŋino *Babilon yómbokun i. N'áhujan yo ébiñ ite ekot ite kayiŋat koone kómbokun ku.