Eleetar i yi Pool akiñje i bakate ku Rom 2:4 - Kwatay (Kuwaataay)

⁴ Bare me á̱wiinianawiinian Atambatun aŋarkeyi naane ajakajak aa, aŋ'ámuñ yooŋ, abe amokenut ti kajoonan kúuwe? Á̱meyiit kaanuku kajaku kite Atambatun kuwarawar katiŋgii a̱awatanooro kinij kúuwe?

Eleetar i yi Pool akiñje i bakate ku Rom 2:4 ပူးပေါင်းရင်းမြစ်များ

Eleetar i yi Pool akiñje i bakate ku Rom 10:12

Náami Asuwif u n'eenooto u Asuwif, boko k'afeeneŋ ku. Anahaan afeeneŋ i kabaje fu aa ásoniyan dómbokun kiŋki karuwo fe.

Eleetar i yi Pool akiñje i bakate ku Rom 11:22

Náami arijondoman fee ti kajaku kite Atambatun ni naane atoofut i yooŋ nu hoone: atoofut nu hoone ti kéejeŋginaariito ku, abe o kajaku t'aruun, kane arko aririiko ti kajaku koone. Káhinaate iyu, n'aŋ'arifiitee yooŋ naane biland.

Eleetar i yi Pool akiñje i bakate ku Rom 11:33

Kajaku kite Atambatun kihahahah, ni káwasi koone, nu búwesinato boone! Kaayinoor koone, aañ ayino kámeyi ko? Manoŋkar moone, aañ ayino kánandin mo?

Eleetar i yi Pool akiñje i bakate ku Rom 3:25

Atambatun aboñaboñ Kiris éeyemi *kaasarah kaanuku man halan hoone nu hunuutan wuhoofoor wute ésuk i kéeyilene ku te o. Atambatun áhinahin bondu kaanuku éewufoor ésuk i buŋ b'ájube fu ariike. Kóŋkeyin, wuhoofoor w'ésuk i wiwi káhinaani, aŋ'áhin kite ájukaariit wo aŋarkeyi naane aŋ'ámuñ.

Eleetar i yi Pool akiñje i bakate ku Rom 6:1

N'úene yooŋ buŋ? N'úboo fíya kakinu tu wuhoofoor wu kaanuku man kajaku k'Atambatun kaŋk'áwufoor úne ni kihaŋ?

Eleetar i yi Pool akiñje i bakate ku Rom 6:15

*Eluwa yite Moyis eŋkut ékini úne, bare kajaku k'Atambatun kaŋk'áwufoor úne kíkinie fu úne. Náami naŋ? Bondu buwarawar fíya kákinineŋ n'uŋ'úhoofoor? Mánoman aaa!

2 Korent 8:2

Kajukajuk bo sílaam sómbokun, bare kikawiin kútumbatumba kutoof kasooñen naane aamo i kabajut doon fe-fe-fe, doon di kawune du dihahahah.

Efees 1:18

Iŋ'ilaw Atambatun kaanuku eejaaŋan ñúwejet ñoonuun, man n'árimeyi eyakar yómbokun y'aruwuun i bite te yo, n'ebaj yéewarie-warie i y'anaŋe i bija ti bakan k'akino ku.

Efees 1:7

Ti halan hite Kiris t'Atambatun arame fu úne ti meejakut mu, abe n'aboŋket úne yooŋ wuhoofoor wute w'úne. Iyu a áwufoore fu úne kajaku koone keehahe-hahe ku, n'áhin úne yooŋ núuwesinato, abe n'úniyo.

Efees 2:4

Bare Atambatun aŋ'ayubiyen úne dómbokun, abe n'átumb ámaŋi úne naane, asooñen

Efees 2:7

Náami h'áwufoore hu úne ti Yesu Kiris kajaku koone, am aamo yooŋ ti káwufoor bakate ku kuwaatu kaanuku aŋ'ayubiyen ahahee.

Efees 3:16

Ánikanik areeŋ ñaaj, abe abajabaj yooŋ doon areyi fe. Náami íñj'endu ti kalawio kaanuku man n'áhin Búwejet boone beewun siheluun sembe.

Efees 3:8

Íñj'eemo fu araan u tej ti bakan kite Atambatun. Bare íñje a ajuke fu ti kajaku koone, kaanuku iŋ'ibin iwaare keenooto ku Esuwif Hirim Heetoofe hu, hite ebaj yéehabanaariit i yéenuutina i ti Kiris.

Fílip 4:19

Atambatun ite úne abajabaj ebaj yeehahe. Akina kanuutan bisawula boonuun fe, abe o káhinu bondu áŋaasann bo ti Yesu Kiris.

Kolos 1:27

Ábuki Atambatun ámaŋamaŋi káwufooriin ebaj yéenike i y'ánuusaanie i, yeeemo i ti b'afaree bu bija ti keenooto ku Esuwif. B'ánuusaanie bu beemo fu bonde: Kiris ondu t'aruun. Te o t'ariyakare fu kaanuku ariibin arimaat ti *Jáyi jite Atambatun.

Kolos 2:2

Iŋ'ítuum iyu uŋu hoonuun hu arireyi kaanuku man kikawuun ni kiyaŋg, abe n'árimaŋioori áriihin t'afeeneŋ. Ímaŋamaŋi yooŋ Atambatun ásoniyanuun man n'áriyini kahooju bib nu búwesinato. Iyu, n'aŋ'áriyini kámeyi béenuusee bite b'Atambatun, bo beemo fu Kiris.

1 Timote 1:16

bare Atambatun ayubiyenamyubiyen. Ámaŋamaŋi kaanuku Yesu Kiris éewufoor t'íñje, íñje eeemo u átiyar ite ehoofoora i, buŋ b'af'ámuñ ariike. Áhinamhin bondu kaanuku man bakaaku ni kabin káyilen te o, abe ni kabaj buroŋ béehabanaariit bu.

1 Timote 6:17

A̱ane kusaanum kite t'etaam ye itim kayitooro, itim kanaŋ yooŋ eyakar yeeniin t'ebaj yéefiyaariit. A̱aniin kanaŋ yo t'Atambatun aa awun úne areyi fe ahahan kaanuku núutoofan.

1 Piyeer 3:20

Keekete ku bokondu kaamo fu bakate ku kóŋkeyin kéejeŋginut ku Atambatun o ti kanahan kooniin ni kámuñu, kóyin ki *Nowe áyemie ku tu burok bite esahar i. Bakan keefamut, kaamo hutok ni bákahaaji barebare ni kayooso t'esahar i, abe ni kafakanee tu móhujo mu.

2 Piyeer 1:11

Iyu a Atambatun aja fu káfeŋginuun tay wuruŋ wute Jáyi jéehabanaariit ju. Jo jeemo fu jite ju Yesu Kiris Anahaan ite úne, *n'Afakana ite úne yooŋ toko.

2 Piyeer 3:15

Abe n'arinaŋ bonde ti kikawuun: Anahaan u ondu ti kámuñu kep kaanuku man n'áriyini kafaku. Bondu b'ati úne Pool, nu búwesinato b'Atambatun awuno bu asokuun fu t'eleetar yeene.

2 Piyeer 3:3

Arijab árimeyi bonde: tu kunak kiraanu ku, bakan bibin, abe wúfaŋi wooniin weejakut wu taŋ wi kaja fu káhinu. Boko kásuwuuun,

2 Piyeer 3:9

Bakaake iŋi kaane Atemit ákurakuri ti káhinu b'asoke bu, bare tókoiit. Am aŋ'ámuñ n'aruun kep, ábuki ámaŋiit mayet afeeneŋ átowuto. Aaa, b'ámaŋie bu beemo fu huruw fe n'awatanooro wuhoofoor woone.

Kafeeñal ku 2:21

Iwasowas ewaaŋ, akina Sesabel, kaanuku man n'awatanooro, bare ateñekateñeko karaan bufurukato bu.

Kafeeñal ku 3:20

A̱jam, iŋ'isiiŋo ti karuŋ ku, abe n'ikoŋkoŋan. An af'ajam kaajiam abe n'áfeŋgin, íñje buyooso te o iriiñoofo t'afeeneŋ.