Eleetar i yi Pool akiñje i bakate ku Rom 2:13 - Kwatay (Kuwaataay)

¹³ Káanukiiit kiŋki kajamatan Eluwa i abe araanee toko kaamo fu kéejube ku t'Atambatun; aaa, kéejube ku te o kaamo fu kiŋki káhin naane esoke i.

Eleetar i yi Pool akiñje i bakate ku Rom 2:13 ပူးပေါင်းရင်းမြစ်များ

Hirim Heetoofe hu hi Luk akiñje hu 18:14

Yesu n'áwutiyen aane: —Íñje isok fee n'aruun: h'asaa ite búhal bu áwaneina hu eeyeet, wuhoofoor woone wuboŋketee fu, bare wute wíiit Afarisiyeŋ u. Ábuki an fe eeyitooree, o kawananee, abe an fe eewananooree, o kayitiee.

Hirim Heetoofe hu hi Luk akiñje hu 8:21

Bare Yesu n'aaniin kareyi fe: —Kiŋki kajamatan hirim hite Atambatun, abe ni káhin naane husoke i, bokondu kaamo fu íñaayam ni bakat'am.

Saaŋ 13:17

Makamu árimoomi bo, af'árihin bo, kikawuun katoofu naane.

Epotor i 13:39

Te o t'an fe éeyilene ayino fu karamiee tu wuhoofoor woone, bare Eluwa yite Moyis eyinaatuun karamu tu wuhoofoor wu.

Eleetar i yi Pool akiñje i bakate ku Rom 10:5

Bonde bi *Moyis asoke fu t'an éemaŋie kaŋaasu t'Eluwa i éejub t'Atambatun. Aanaan: «An af'áhin b'Eluwa i esoke bu bireyi fe, o kabaju buroŋ bu.»

Eleetar i yi Pool akiñje i bakate ku Rom 2:25

Af'á̱hin naane Eluwa i esoke i, *kateyi karam ajakajak. Bare afut'á̱jeŋgin Eluwa i, anokooreenokoor kite a̱teyit karam.

Eleetar i yi Pool akiñje i bakate ku Rom 3:20

Ábuki abajut an a Atambatun ayak kajoku an éejube aŋarkeyi naane an ondu áhinahin naane Eluwa i esoke i. Aaa, Eluwa i eŋ'éwufoor an kaanuku ahoofoorahoofoor.

Eleetar i yi Pool akiñje i bakate ku Rom 3:23

ábuki ésuk i ereyi fe ehoofoore fu, abe ni kábuur kániku kite Atambatun.

Eleetar i yi Pool akiñje i bakate ku Rom 3:30

ábuki Atambatun afeeneŋ taŋ abaje fu. Akina aja fu kajoku Esuwif i bakan kéejube ti káyilen kooniin, n'ajok yooŋ keenooto ku Esuwif bakan kéejube ti káyilen kooniin.

1 Korent 4:4

Iwatanooreit tu doon fe, bare hóiit heemo fu ikuurakuur tu buroon bireyi fe. Ajoonana úuma aamo fu Anahaan u.

Galasi 2:16

Bare írimoomi kaanuku húŋgowulan, káanukiiit man áhinahin naane *Eluwa yite Moyis esoke i h'Atambatun ajoko fu an éejube. Aaa, káyilen koone ti Yesu *Kiris taŋ kíkinineŋe fu Atambatun n'ajoko an éejube. Bondu bíkinineŋe fu uni yooŋ n'íriyilen ti Yesu Kiris, kaanuku man Atambatun n'ajok uni bakan kéejube iŋi naane íriyilene i ti Kiris; atum'ajok uni bakan kéejube aŋarkeyi naane man uni írihine naane t'Eluwa yite Moyis esoke du. Ábuki káhinu ku naane t'Eluwa yite Moyis esoke du kíkinineŋut hikee-kee Atambatun n'ajok ake an éejube.

Galasi 5:4

Aruun keeŋes ku kaanuku man Atambatun n'aane árijubajub iŋi naane árijeŋgine i Eluwa yite Moyis, ariwasoora ni Kiris, kajaku kite Atambatun n'áruuniit.

Saak 1:27

T'Atambatun Faaf úne, bítim bite bu nu múniyo abe nu bukuur, iye i bije fu: biñi bu éfiiten i, ni haare hu ki bákayiniin kakete ku, úyokunaniin kane káyemi ti sílaam, abe utum'úwas buroon beekuurut bu bite bu t'etaam ye béetifen úne.

1 Saaŋ 2:29

Árimoomi kaanuku Kiris ájubajub. Náami ariwarawar yooŋ kámeyi kaanuku an fe aŋ'áhin beejoŋoore, akina añi ite Atambatun.

1 Saaŋ 3:7

Kúñuumo, atum'ariwas an fe eebuutuun! An aŋ'áhin béejube, ájubajub naane Yesu Kiris ájube i.