Eleetar i yi Pool akiñje i bakate ku Rom 2:10 - Kwatay (Kuwaataay)

¹⁰ Bare kiŋki káhin meejake mu kareyi fe, Atambatun kánikaniin, n'asokorooriin, abe n'awuniin káasuumaay, éejabin t'Esuwif i, abe n'ahabanoor ti keenooto ku Esuwif.

Eleetar i yi Pool akiñje i bakate ku Rom 2:10 ပူးပေါင်းရင်းမြစ်များ

Májiye 10:13

Ifi kajokuun áwariee, kañaanu koonuun kite káasuumaay ku kajoku. Bare if'iti kajokuun áwariee, arinuutan kañaanu koonuun.

Hirim Heetoofe hu hi Luk akiñje hu 1:79

O bibin kajaaŋan keeemo ku t'ébaani i, ni bakan k'eket i eŋolool ku, éehin úne núuja ti bítim bite káasuumaay ku.

Hirim Heetoofe hu hi Luk akiñje hu 12:37

Atoof t'eroka yendu kane áreeŋin, n'áŋaabeiniin ti káheeline káw! Iisokuun bifeeneŋ bu: o biŋañjo, éehiniin keeriiko, abe n'asaaniin keeñoofo.

Hirim Heetoofe hu hi Luk akiñje hu 19:42

aŋ'aane: —Kane arko fu yéeni awe á̱meyie fu úmiye naŋ níyinii fu kawunu káasuumaay! Bare hahiye, a̱yinaat bo kajuku!

Hirim Heetoofe hu hi Luk akiñje hu 22:14

Ewahatu yite buñoofo bu ereeŋa, Yesu *n'epotor i ni kariiko buñoofo.

Hirim Heetoofe hu hi Luk akiñje hu 9:48

abe n'aaniin: —An af'ajok áwariee añi naane onde uŋu húuma hu, íñje humuumam a ajoke fu áwariee. Abe an af'ajokam áwariee, ajoka yooŋ áwariee an éeboñinam u. Ábuki an eeemo u biraanu boonuun tej, an ondu aamo fu átiyar u.

Saaŋ 12:26

An af'ámaŋi karoku bija t'íñje, áseinam ti hiñaawu. Af'áhin ii, t'ija du káyemi, aroka úuma n'aŋ'áyemi yooŋ toko. An af'arok bija t'íñje, Faafam kasokorooro.

Saaŋ 14:27

«Káasuumaay k'iwas fee n'aruun; káasuumaay kúuma k'iwunuun fu. Iwunutuun ko aliik naane bakate ku t'etaam ye ii kawun. Atum'ariyinoor doon fe, atum'árikoleyi yooŋ.

Saaŋ 16:33

Isokuunsok bonde kaanuku ariibaj t'íñje káasuumaay. Aruun kajuku sílaam t'etaam i. Bare arijok alitee! Iheekaheek etaam i!

Epotor i 10:35

Tánotan fe t'etaam ye, an af'ájeŋgino abe n'aŋ'áhin beejake bu, atoofotoof.

Eleetar i yi Pool akiñje i bakate ku Rom 14:17

Ábuki *Jáyi jite Atambatun buroon bíteiit buñoofo bu man yooŋ búhujo bu; jo jite kájubu, ni káasuumaay, ni katoofu, abe bondu fe tu Búwejet Beenabe bu t'ufu búnuutin.

Eleetar i yi Pool akiñje i bakate ku Rom 15:13

Yala Atambatun aa áhin ésuk i ni kayakar te o, n'áhinuun ariitoofan dómbokun, abe n'áhinuun ariibaj káasuumaay iŋi naane áriyilene i te o. Káhinu iyu, sembe site Búwejet Beenabe bu n'iŋi síhinuun ariihaŋ kabaju eyakar.

Eleetar i yi Pool akiñje i bakate ku Rom 2:7

Atambatun kawunu buroŋ béehabanaariit bu kiŋki káñiŋkaan ti káhinu kite meejake mu. Tu bondu t'ifi kaŋes kániku ku, nu kusokorooru ku, nu buroŋ béehabanaariit bu.

Eleetar i yi Pool akiñje i bakate ku Rom 2:9

Kiŋki káhin meejakut mu kareyi fe, boko kajuku sílaam nu wútaañi, ájabin t'Esuwif i, abe n'ahabanooro ti keenooto ku Esuwif.

Eleetar i yi Pool akiñje i bakate ku Rom 5:1

Náami Atambatun ajoka úne bakan kéejube aŋarkeyi naane úyilenayilen, abe hahiye káasuumaay kibaja t'etut úne ne o, Anahaan ite úne Yesu *Kiris éekinineŋ.

Eleetar i yi Pool akiñje i bakate ku Rom 8:6

Kayinoor kite beetoofe bu an u humuumo iŋi kibin n'eket i. Bare kayinoor kite beetoofe bu Búwejet Beenabe bu iŋi kibin nu buroŋ bite bu nu múniyo, ni káasuumaay yooŋ.

Eleetar i yi Pool akiñje i bakate ku Rom 9:21

Aroka bíndiis áyinooni káhinu doon deetoofo du n'ekaf yeene: áyinooni karoku éndiis yéewarie bija ti bifeet bu, n'eke yooŋ bija t'enuuf te o.

Eleetar i yi Pool akiñje i bakate ku Rom 9:23

Ámaŋamaŋi káwufoor diyu buŋ bi kániku koone kibaje fu yooŋ éñjeriŋ ti bakan k'ayubiyene ku, bokondu k'asoŋke ku bifare kaanuku keebin keemaat ti kániku kondu.

Galasi 5:22

Bare doon du Búwejet Beenabe bu dundu dubuk tu buroŋ bite b'úne deemo fu: kámaŋioori ku, ni katoofu ku, ni káasuumaay ku, ni kámuñu ku, ni kajaku ku, ni káyokunan kite bakaaku, ni káyemi an ite bifeeneŋ,

Galasi 5:6

Ábuki uf'úhin t'afeeneŋ ni Yesu Kiris, kateyi karam man yooŋ kateyaate karam, bondu fe bibajut éñjeriŋ. Beebaje bu éñjeriŋ beemo fu káyilen ku kiŋki kíhin úne núumaŋioori.

Fílip 4:7

Abe káasuumaay kite Atambatun, keejaaŋee ku búwesinato bite húŋgowulan kajukar suhol soonuun, nu ñúwejet ñoonuun aŋarkeyi naane árihinahin t'afeeneŋ ni Yesu *Kiris.

1 Timote 1:17

Úsokoroor Áyi ite u hiraanu, abe n'únikano bija bandoor, akina Atambatun afeeneŋ u taŋ, éeketaariit u, éejukaariitee u yooŋ! Amiin.

Esuwif i 2:7

A̱wananowanan kawanan keefiyeit emalaka i keehaŋo. Á̱nikanonikan yooŋ dómbombokun naane áyi,

Saak 2:22

A̱juka kaanuku káyilen koone kiriboorariboor ni manoŋkar moone, abe káyilen koone nu kurum tak iŋi manoŋkar moone.

Saak 3:13

Abajeebaj fíya t'aruun an éewesinatee abe yooŋ n'áwasi? Áwufoor bo ésuk i ti manoŋkar moone meejake mu mamm'áhin, ti káneeni koone, nu búwesinato boone.

1 Piyeer 1:7

Sílaam sondu site kajuku man káyilen koonuun kite nu múniyo man yooŋ. Éwurus áyinooniee kábuju, bare ti sineemak t'af'ajukee man ejakajak. Iyu yooŋ i káyilen koonuun keehaŋe ku éwurus ifi kiŋesee ti sílaam sánosan, t'ajuk man kiyanayan. Náami hunak hi Yesu Kiris áŋaasin hu, Atambatun kasokorooruun, n'ánikanuun, abe n'asaluun.

1 Piyeer 5:4

Abe Kiris Aseef ite ehaawa i af'aja áŋaasin, n'aŋ'awunuun hisiibanu héenike, abe utu húbujo hikee.