Eleetar i yi Pool akiñje i bakate ku Rom 16:7 - Kwatay (Kuwaataay)

⁷ Arisaafam ebukaam Andironikus nu Suniyas k'iribine ku irikulee t'afeeneŋ. Kajamajamo faa tu *hupotoraate hooniin, abe boko kajabe kayoosaam hikarjenaate hu.

Eleetar i yi Pool akiñje i bakate ku Rom 16:7 ပူးပေါင်းရင်းမြစ်များ

Saaŋ 14:20

Hunak hondu ifi hireeŋ, n'aŋ'árimeyi kaanuku íñj'endu ti Faafam, aruun bokondu t'íñje, íñj'endu yooŋ t'aruun.

Saaŋ 15:2

Biland búuma béebukaariit bu, aŋ'afiit bo, abe bumbu bubuk, n'aŋ'abend bo kaanuku beehaŋ kabuku.

Saaŋ 6:56

An eeteŋe u eni íima, abe n'áhujo halan húuma, o káyemi n'íñje, n'íyemi yooŋ ne o.

Eleetar i yi Pool akiñje i bakate ku Rom 16:10

Arisaafam Apeles éewufoore u akuur but kaanuku áyilenayilen ti Kiris. Arisaafam yooŋ bakate ku t'Aristobul.

Eleetar i yi Pool akiñje i bakate ku Rom 16:11

Arisaafam abukaam Erojoŋ. Arisaafam bakate ku ti Naasiis kéeyilene ku t'Anahaan u.

Eleetar i yi Pool akiñje i bakate ku Rom 16:21

Timote ii irirok, n'ebukaam Lusiyus, ni Saason, nu Sosipater kasaafuun.

Eleetar i yi Pool akiñje i bakate ku Rom 16:3

Arisaafam Pirisil n'Akilas keeemo ku burok uni bifeeneŋ ti Yesu *Kiris.

Eleetar i yi Pool akiñje i bakate ku Rom 16:6

Arisaafam Mari éelaame aa tu burok bu bija t'aruun.

Eleetar i yi Pool akiñje i bakate ku Rom 16:8

Arisaafam áwiyam Ampiliyatus i írihine u t'afeeneŋ t'Anahaan u.

Eleetar i yi Pool akiñje i bakate ku Rom 16:9

Arisaafam Urbeŋ, eeemo u burok uni bifeeneŋ ti Kiris, n'áwiyam yooŋ Sitakis i ímaŋie-maŋie u.

Eleetar i yi Pool akiñje i bakate ku Rom 8:1

Náami hahiye kéehine ku t'afeeneŋ ni Yesu *Kiris iŋkut káyiniee kajoloŋan ti kaayeen.

Eleetar i yi Pool akiñje i bakate ku Rom 8:11

Arko Búwejet bite Atambatun eeritane u Yesu t'eket i bikinakin t'aruun, Atambatun ondu eeritane u Kiris t'eket i kawunu buroŋ bu sini soonuun seeemo su iŋi siket. O káŋaasanna bo tu Búwejet boone beekine bu t'aruun.

1 Korent 1:30

Atambatun áhinuunhin t'afeeneŋ ni Yesu Kiris, abe akina Kiris ákinineŋe fu n'úmeyi búwesinato béenuutina bu t'Atambatun. Akina ákinineŋe fu yooŋ Atambatun n'ajok úne bakan kéejube, n'ajifan úne núuyemi bakan koone, abe n'áhin úne núufak tu wuhoofoor wu,

2 Korent 11:23

Boko eroka bakate *Kiris? Íihamin fu naane an éetumbe awen: ihaŋiinhaŋ káyemi aroka ite Kiris. Af'arko karokarok, ihaŋiinhaŋ; ihaŋiinhaŋ kámeyi ekulu; bímiñ bu t'íñje ti bihaŋe; ihaŋiinhaŋ yooŋ káheelin t'eket i.

2 Korent 12:2

Ímoomi ake ániine Akarjen, abe abajee simit sumoŋu ni sibaakiir, Atambatun n'ayito bija t'etiir-t'etiir tu bufor bu bíraanna du. (Ímeyiit man Atambatun átumbe fu ayito, man yooŋ bibajabaj an ondu naane ti híyawutu; Atambatun unoono taŋ ámeyie fu.)

2 Korent 5:17

An af'áhin ni Kiris t'afeeneŋ, an ondu áyemia húŋgowulan híyeni; beehaane bu bútowutaa, bíyeni bisiiŋee fu.

2 Korent 5:21

Kiris ámusut káhinu kaahoofoor, bare Atambatun asejanosejan wuhoofoor wute w'úne. Áhinahin bondu kaanuku man úne kéehine ku t'afeeneŋ ni Kiris n'úyini káyemi bakan kéejube t'Atambatun.

Galasi 1:22

Bare bakate ku *Súde kéeyilene ku ti Kiris kámusut káheelin t'íñje.

Galasi 2:2

Ijaja bo aŋarkeyi naane Atambatun afeeñafeeñ t'íñje eeenam iwarawar bija bo. N'irijukoor ni *sifaaf site *kéeyilene ku job, abe n'íwufooriin Hirim Heetoofe hu hih'iwaare keenooto ku Esuwif, ábuki ímaŋiit kaanuku t'áami burok b'iroke bu, man yooŋ b'ija bu karoku ni bíyemi bite fuufu.

Galasi 2:6

Keehaŋe ku kájeŋginee ti kéeyilene ku (naane káyemie i fe butumam bunooto toko, ábuki t'Atambatun ésuk i fe erare), bokondu káwutiyenut bike ti b'isoke bu.

Galasi 5:6

Ábuki uf'úhin t'afeeneŋ ni Yesu Kiris, kateyi karam man yooŋ kateyaate karam, bondu fe bibajut éñjeriŋ. Beebaje bu éñjeriŋ beemo fu káyilen ku kiŋki kíhin úne núumaŋioori.

Galasi 6:15

Kateyi karam man yooŋ kateyaate karam, bondu bibajut éñjeriŋ; beeemo bu toko beemo fu Atambatun awun úne buroŋ bíyeni.

Efees 2:10

Ábuki Atambatun aroke fu úne. Naane úhine i t'afeeneŋ ni Yesu Kiris híkinineŋe fu n'áwuwan úne kaanuku ko kireyi fe n'uŋ'úhin kunoŋk keejake. Kunoŋk kondu, Atambatun afiyafiya afare ko kaanuku uŋ'úbin úhin ko.

Kolos 4:10

Aristarik eeemo ee n'íñje t'ekulu i asaafuun. Mark yooŋ at'ute Barnabas asaafuun. (Af'abin t'aruun, arijoko áwariee naane ibine i isokuun.)

Filemoŋ 1:23

Epafuras eeemo u n'íñje t'ekulu i iŋ'ite hu Yesu *Kiris asaafi.

1 Saaŋ 4:13

Iye u úmeyie fu kaanuku úhinahin t'afeeneŋ n'Atambatun, abe akina yooŋ n'áhin n'úne t'afeeneŋ: awunawun úne Búwejet boone.

1 Saaŋ 5:20

Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.

Kafeeñal ku 1:9

Íñje Saaŋ atuuun iŋi naane úhine i t'afeeneŋ ni Yesu *Kiris. Úne bakate ti Jáyi jite Atambatun, abe íñj'endu ti kajuku sílaam naane aruun, íñj'endu yooŋ ti kámuñu kep naane aruun. Kajokamjok kabin káfiiten t'ekiŋk yende yiyi kaane Patmos aŋarkeyi naane iŋ'iwaare hirim hite Atambatun, nu múniyo mi Yesu áwufooram mu.