Eleetar i yi Pool akiñje i bakate ku Rom 16:26 - Kwatay (Kuwaataay)

²⁶ bare hahiye wuwiit *w'eyiŋana yite Atambatun kakiñje wu wúnuutanno ho t'ébaani i. Bondu bibajabaj naane t'Atambatun eeemo u buroŋ hiraanu afiye du asok. Siheet site t'etaam i fe sijama hirim hondu kaanuku man ni síyilen, abe ni síjeŋgin Atambatun.

Eleetar i yi Pool akiñje i bakate ku Rom 16:26 ပူးပေါင်းရင်းမြစ်များ

Mark 16:15

Ahaban n'aaniin: —Arija tánotan fe t'etaam i, abe n'ariwaare ésuk i fe Hirim Heetoofe hu.

Epotor i 10:43

*Eyiŋana yite Atambatun fe kasokasok uŋu hoone hu; kaanaan an fe éeyilene ti Yesu, ti sembe site huruwu hondu t'Atambatun aja fu kaboŋketo wuhoofoor wu.

Epotor i 6:7

Hirim hite Atambatun ti kahaŋu bijamo kep. Kéeyilene ku yooŋ ti kahaŋu kahooju Serusalem, abe keehooje *t'esaraha i ni kajok bítim bite *Kiris.

Eleetar i yi Pool akiñje i bakate ku Rom 1:2

Hirim hondu Heetoofe hu, afiyee naane Atambatun atiŋge i *eyiŋana yeene keesok ti *Míkiñjin Meenabe mu kaanuku o káboñina úne ho.

Eleetar i yi Pool akiñje i bakate ku Rom 1:20

Múniyo huta h'etaam i eŋ'ebin éwuwanee, béejukaariitee bite b'Atambatun, butum sembe soone séehabanaariit su, ni naane aamo i akina humuumo Atambatun, bondu fe uŋu bujukee féet kane újondoman tu buroon b'áwuwane bu. Náami bakan kondu iŋkut kabaj bi kaware bukuuso te bo hágila Atambatun,

Eleetar i yi Pool akiñje i bakate ku Rom 1:5

Akina ákinineŋe fu Atambatun n'ásoniyan uni éehin uni epotor, kaanuku man n'írihin biheet bu fe béeyilen te o, abe ni bíjeŋgino. Iyu if'írihin huruwu hoone heehaŋ bijamo.

Eleetar i yi Pool akiñje i bakate ku Rom 15:18

Ábuki ikañenut kasoku bike fe t'arkut bi Kiris áhine bu aŋaasan t'íñje. Bo beemo fu man keenooto ku Esuwif ni kájeŋgin Atambatun. Áhinahin bo ti kirim kiŋk'isok, ni manoŋkar múuma.

Eleetar i yi Pool akiñje i bakate ku Rom 15:4

Beesokee bu kóŋkeyin ti Míkiñjin mu fe, bo bite kaliiken úne, ni biyaŋganan úne kikaw, abe ni bíhin úne uŋ'úmuñ kaanuku man n'úbaj eyakar.

Eleetar i yi Pool akiñje i bakate ku Rom 3:21

Bare hahiye Atambatun áwufoorawufoor buŋ b'af'ajok húŋgowulan an éejube, abe bondu bukolut *n'Eluwa yite Moyis. Eluwa i bare esokasok bo, *n'eyiŋana yite Atambatun yooŋ.

Galasi 3:8

Míkiñjin mu mifiyafiya musok meene Atambatun kajoku keenooto ku Esuwif bakan kéejube iŋi káyilen kooniin. Iŋ'ite ho hu musoŋke fu busok Aburaham hirim heetoofe honde. Meenaan: «Atambatun kásoniyan siheet site t'etaam i fe uŋu húuwe hu.»

Efees 1:9

Áhinahin úne núumeyi boone béenuusee bu yéeni, b'afiye bu asiiŋan ti kajaku koone, abe n'áŋaasann bo ti Kiris.

Efees 2:20

Árimoomi naane súmuul site enuuf. Epotor i *n'eyiŋana yite Atambatun kaamo fu hiñaan hítiyar hu, abe Yesu Kiris humuumo aamo fu meeyane mite enuuf i.

Kolos 1:26

Hirim hondu heemo fu h'afiye hu ánuus ésuk i fe huta hu ti sifaaf, bare hahiye áwufoora ho bakan k'akino ku.

1 Timote 1:17

Úsokoroor Áyi ite u hiraanu, abe n'únikano bija bandoor, akina Atambatun afeeneŋ u taŋ, éeketaariit u, éejukaariitee u yooŋ! Amiin.

1 Timote 3:16

Béekoofaanie bu bite bítim bite b'úne bihahahah, abe an ayinaat kajeeŋan bo. Bo beemo fu bonde: Abinabin éehinooro naane húŋgowulan, Búwejet Beenabe bu nu búwufoor kaanuku ájubajub. Emalaka i kajukojuk, abe ésuk i ni kawaare uŋu hoone hu ti keenooto ku Esuwif. Bakate ku t'etaam i ni káyilen te o, abe Atambatun n'ayito t'etiir t'ánike du.

2 Timote 1:10

Hahiye kujukanaa ésuk i *h'Afakana ite úne Yesu Kiris áŋaasina hu. Akina ábuje fu sembe site eket i, abe n'aŋaas ti Hirim Heetoofe hu éewufoor úne buroŋ béeketaariit bu.

Esuwif i 13:8

Yesu *Kiris afeeneŋ u hukan, n'úmiye, bija yooŋ kuwaatu fe.

Esuwif i 9:14

Arko bondu bite toko, halan hite Kiris hihaŋe kame sembe! Ábuki ásikasik enio eesarah yo Atambatun kaasarah keekuure but, ti sembe site Búwejet Beenabe bu béeketaariit bu. Halan hoone kakuuran sihel site s'úne ti kinij keebajut ku éñjeriŋ kiŋki kibin n'eket i, kaanuku man n'úyini karoku bija t'Atambatun eeemo u buroŋ.

1 Saaŋ 5:20

Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.

Kafeeñal ku 1:17

H'ijuko hu, n'iney bite wuwoto naane an eekete. N'ásit emoŋio yaatos i t'íñje abe n'aanam: —Atum'á̱koleyi! Íñj'eemo fu átiyar u n'araan u toko.

Kafeeñal ku 19:10

Náami íjiŋgitana bite wuwoto kaanuku íisukaayo, bare n'aanam: —A̱was, atum'á̱hin bondu! Íñje aroka yooŋ naane awe, ni bakatii keejoke ku múniyo mi Yesu áwufoore mu. Á̱sukaay Atambatun! Múniyo mi Yesu áwufoore mu meemo fu búwejet beeemo bu *t'eyiŋana yite Atambatun.