Eleetar i yi Pool akiñje i bakate ku Rom 16:18 - Kwatay (Kuwaataay)

¹⁸ ábuki bakan naane bokondu károkaariit bija ti *Kiris Anahaan ite úne; iŋi karok bija ti kariin! Nu ñutum ñooniin ñeetoofe ñaa, ni báhamin booniin yooŋ bite kásoŋotiyan ku n'ifi kabuut kéeniyeit ku.

Eleetar i yi Pool akiñje i bakate ku Rom 16:18 ပူးပေါင်းရင်းမြစ်များ

Májiye 24:11

Kabaju yooŋ keehooje keeyak kajuusu kaane boko kaamo *eyiŋana yite Atambatun, abe boko kabuutu bakan keehooje.

Májiye 24:24

Ábuki bakaake bibin, abe n'iŋi kajuus kaane boko kaamo fu Afakana u, man yooŋ eyiŋana yite Atambatun. Boko káhinu buroon úkaan beejahale ésuk i, kaanuku keebuut ti káyinie, humuum bakan k'Atambatun ajifane ku.

Májiye 6:24

—Abajut an éeyinie kájeŋgin kunahaan bákasuba y'afeeneŋ. O kahaŋu kámaŋi ake, o yooŋ kahaŋu kájeŋgin ake. Ariyinaat kajoku t'Atambatun, abe n'arijok yooŋ ti sírirem.

Májiye 7:15

—Arinaŋ kikawuun ti kiŋki kajuus kaane boko kaamo *eyiŋana yite Atambatun. Iŋi káneenianooro naane bimetek, bare tu ñúwejet ñooniin, bindaafaan béefetie bi kaamo fu.

Saaŋ 12:26

An af'ámaŋi karoku bija t'íñje, áseinam ti hiñaawu. Af'áhin ii, t'ija du káyemi, aroka úuma n'aŋ'áyemi yooŋ toko. An af'arok bija t'íñje, Faafam kasokorooro.

Eleetar i yi Pool akiñje i bakate ku Rom 14:18

An af'áhin burok bite Kiris naane iyu, o katoofu Atambatun, abe ésuk i yooŋ kasoku te o beejake.

Eleetar i yi Pool akiñje i bakate ku Rom 16:19

Aruun bare, ésuk i fe émoomi kaanuku árijeŋginajeŋgin Anahaan u. Hikawam hutoofa dómbokun uŋu hoonuun hu. Bare ímaŋamaŋi áriwesinato aŋ'aribin árihin meejake mu, abe atum'arikol ni meejakut mu.

2 Korent 11:3

Bare íkolakoleyi an atum'abin abuutuun éehinuun ariiwas kájeŋgin Kiris kájeŋgin keejoŋoore abe nu kukuur, naane yooŋ doon du dibine i dubuut Eef ni haajuus hu.

2 Korent 2:17

Irinooto naane bakaaku keehooje kaa kiŋki kájula Hirim hite Atambatun. Uni iŋ'írihamin boone bu ajoŋoor júl, abe yooŋ tu buhooŋio naane eroka bakate Kiris, ábuki akina Atambatun aboñe fu uni.

2 Korent 4:2

Iriteñekateñeko béefuñinanie bu bumbu búnuusee. Íribuutaariit an, abe írihosanaariit yooŋ Hirim hite Atambatun. Múniyo mu kep m'if'íriwufoor ésuk i akuur but, man huruw fe n'ámeyi t'ehelo hágila Atambatun kaanuku uni bakan kéejube.

Galasi 1:10

Íñje fíya eemo ti kaŋesu man ésuk i n'esokorooram? Aaa, Atambatun i ímaŋie fu asokorooram. Íñje fíya eemo ti kaŋesu man ésuk i kikawiin nu kutoof t'íñje? Kane isooñ iŋes man ésuk i kikawiin nu kutoof t'íñje, man íyemi aroka ite Kiris.

Fílip 2:21

Bakaaku fe uŋu hooniin hu h'ifi kayinoor, bare iŋ'ite híiit Yesu *Kiris.

Fílip 3:19

boko búmuje tu bútowuto, ábuki kariin keemo fu etambatun yeeniin, abe beewariin bu yéeni káhinu keefuño, ne bo n'ifi kasaŋgoor. Buroon bite bu t'etaam ye taŋ b'ifi kayinoor.

Kolos 2:4

Isokuunsok bonde kaanuku an atum'abin abuutuun ni báhamin beetoofe.

Kolos 3:24

Árimoomi kaanuku Anahaan u kasiibanuun ti biŋeñen b'anaŋe bu bija ti bakan koone. An éekiniuun u aa arirok bija te o, o aamo fu *Kiris Anahaan u.

2 Tesalonik 2:10

O káhinu buroon bánoban beejakut kaanuku eebuut keeemo ku tu bútowuto. Abe bokondu tu bútowuto ábuki múniyo meewariin mu yéeni kafakan, káfeŋginut mo ñúwejet ñooniin.

1 Timote 6:5

ni síjeeŋoor séehabanaariit su. Kiŋki káhin iyu, ñúwejet ñooniin ñíbaanabaani, abe iŋkut kámeyi yooŋ múniyo mu. Iŋi kaane man káyilen ku t'Atambatun efehe yite bisaanumato.

Saak 1:1

Íñje Saak ii irok bija t'Atambatun n'Anahaan u Yesu *Kiris ikiñje fee. Íñj'endu ti kasaafu bakan kite Atambatun kareyi fe keeyisaloolee ku t'etaam ye.

2 Piyeer 2:3

Émuse yendu, káfaŋi kooniin kite sírirem su káhinu ni kasokuun báhamin bi kanoŋke kéetuut, kaanuku man ni kahoohuun. Bare afiyee naane kajoonan kooniin kisiiŋee i, abe at'ahul bútowuto booniin ni bireeŋ!

Eleetar i yi Sud akiñje i 1:1

Íñje Sud aroka ite Yesu *Kiris, íñje at'ute Saak íkiñjinuun fee aruun k'Atambatun Faaf u aruwe ku. Ámaŋiuunmaŋi, abe Yesu Kiris af'ajukaruun.

Eleetar i yi Sud akiñje i 1:12

Áfuñinanieefuñinani kaanuku bokondu keeñoofo n'aruun t'afeeneŋ. Káfuñaariit yooŋ kane káyemi ti hiriy, abe uŋu hooniin hu taŋ h'ifi kayinoor. Kámoomi naane etiir yéebaaniina, eyam i n'eteyoor ne yo, abe enubut. Kámoomi naane ñunukanuk ñéebukaariit, hutoof ewahatu yite te ño ereeŋe, ñunukanuk ñeerondee, butum ñéetumbe ñiket.

Eleetar i yi Sud akiñje i 1:16

Bokondu burokiin kawatan ésuk i taŋ, kámusut hikee katoofan; beetoofiin bu taŋ b'ifi káhin. Báhamin booniin fe jímak, abe ñutum ñu aŋ'atoof naane kaanuku keebaj t'ésuk i doon.

Kafeeñal ku 1:1

Kaawiit konde kíyekie fu béenuusee bu bi Yesu *Kiris afeeñale bu. Atambatun n'áhino éemeyi bo kaanuku éewufoor bo kiŋki karok bija te o, man ni kámeyi beeware bu kabaju memee. Yesu Kiris n'áboñin amalaka oone eebin eesokam bo, íñje Saaŋ aroka oone.