Eleetar i yi Pool akiñje i bakate ku Rom 16:17 - Kwatay (Kuwaataay)

¹⁷ Kújakuwe, íñj'endu ti káwasiyanuun bonde: áriwasiyoor kiŋki kayeeñooran *kéeyilene ku. Iŋi kahiilaniin ni báhamin booniin bondu bite biteñeko bu buroon b'ariliikenee bu. Arikambiin,

Eleetar i yi Pool akiñje i bakate ku Rom 16:17 ပူးပေါင်းရင်းမြစ်များ

Májiye 18:17

N'afin ateñekeiin kajamu, a̱sok bo *kéeyilene ku fe. Af'ateñeko yooŋ kajamu kéeyilene ku, a̱joko naane an éemeyiit Atambatun, man yooŋ *asaa búhal.

Májiye 18:7

Átaañiee teereŋ tu kúŋgowulan ku naane aamo i abajeebaj bike beeyak kákinineŋ ni kahoofoor! Bibaa yooŋ kabaju, bare átaañi t'an eeja u kánuutanna bo!

Májiye 7:15

—Arinaŋ kikawuun ti kiŋki kajuus kaane boko kaamo *eyiŋana yite Atambatun. Iŋi káneenianooro naane bimetek, bare tu ñúwejet ñooniin, bindaafaan béefetie bi kaamo fu.

Hirim Heetoofe hu hi Luk akiñje hu 17:1

Yesu n'aane eriboora yeene: —Kabaju ko kireyi fe bike beeyak kákinineŋ ésuk i n'ehoofoor. Bare afin ayak buŋ kátaañi t'an eeja u kánuutanna bo!

Epotor i 15:24

Irijamajam kaanuku bakaake bakate t'uni kajauunja kábuju sihel ni kirim kooniin. Úniiit íriboñiniin.

1 Korent 11:18

Bítiyar bu beemo fu kaanamyen af'arikuukanooro áriiyemi ti kalawu Atambatun, aŋ'áriwaajinoor, abe ijaja bo káyilen.

1 Korent 3:3

ábuki buroŋ boonuun búmoomi naane bite bu bakate ku t'etaam ye. Naane aamo i aŋ'arihiñanoor abe yooŋ aŋ'ariheñjeŋoor, eeman aamo fu árimoomi naane bakate ku t'etaam ye, máhinar moonuun yooŋ naane mite bakate ku t'etaam ye?

Galasi 2:4

Abajeebaj ejuusa kéenuusee kéeŋaabeina uni, kaanuku keejuk naane iriwaayene i ariike, aŋarkeyi naane írihinahin t'afeeneŋ ni Yesu *Kiris. Kámaŋamaŋi káhinu uni íriiyemi búsukateen bite Eluwa yite Esuwif i.

Fílip 3:17

Kújakuwe, ariliikool n'íñje arireyi fe. Arijondoman tu buroŋ bite kiŋki kaneefan ti máhinar mite m'úne.

Kolos 2:8

Arinaŋ toko kikawuun an atum'abuutuun nu búwesinato bite húŋgowulan, beeemo bu bibajut éñjeriŋ. Búwesinato naane bondu iŋi kajam bo t'ejoosan ite kúŋgowulan ku, nu tu ñúwejet ñeebaje ñu sembe ñite ñu t'etaam ye. Búwesinato bondu búnuutinoot ti Kiris.

2 Tesalonik 3:6

Kújakuwe, uni bokondu ti kasokuuun bonde tu huruwu hite Anahaan u Yesu *Kiris: arikamb *kéeyilene ku keeemo ku biñek, abe n'iŋi kateñeko yooŋ káhinu b'iriliikeniin bu.

1 Timote 1:3

A̱riiko Efees naane ibine i isoki íñje ti bija bu Maseduwan. Bakaake bokondu baabu iŋi kaliiken ésuk i beenooto bite nu múniyo. Á̱haminiin ayanee man ni karaan.

2 Timote 3:5

Boko káhinu ni kite bayi kabajabaj káyilen, bare boko biteñeko sembe site te ko. A̱kamb bakan kondu!

Eleetar i yi Pool akiñje i Tit 3:10

An aŋ'ayeeñooran kéeyilene ku, a̱jab á̱yeegalo hifeeneŋ, bija kúsuba, abe n'a̱tik a̱nuutano.

1 Saaŋ 2:19

Bokondu bakan úneiit nu múniyo, iŋ'ite ho hi kanuute fu t'úne. Múniyo kane káyemi bakan úne, n'iŋi kariiko yéeni n'úne. Bare iyu i bije fu t'ahaŋ kakuuru kaanuku mayet afeeneŋ tu boko aamo n'úne.

Eleetar i yi Sud akiñje i 1:19

Bokondu ifi kayeeñooran *kéeyilene ku. Buroon bite kúŋgowulan ku beemo fu ti kikawiin; Búwejet bite Atambatun bunooto tu boko.