Eleetar i yi Pool akiñje i bakate ku Rom 15:2 - Kwatay (Kuwaataay)

² Huruw fe t'úne aŋes káhinu beetoofe bu áwiyo bite káñjeriŋo, man káyilen kite an ondu ni kihaŋ kayanu.

Eleetar i yi Pool akiñje i bakate ku Rom 15:2 ပူးပေါင်းရင်းမြစ်များ

Eleetar i yi Pool akiñje i bakate ku Rom 14:19

Náami úŋes bimbi bíkinineŋ núuriiko t'afeeneŋ ti káasuumaay, abe ni bilitan yooŋ káyilen kite bakan úne.

1 Korent 10:23

Bakaake t'aruun iŋi kaane: «Íriyinooni káhinu beetoofe bu uni.» Nu múniyo, bare bíreyiiit bijake fu t'úne. Iŋi kasok kaane: «Íriyinooni káhinu beetoofe bu uni.» Nu múniyo, bare bíreyiiit biyino fu kákinineŋ n'úhaŋ kayanu ti káyilen ku.

1 Korent 10:24

An atum'ayinoor uŋu hoone hu, bare ayinoor iŋ'ite h'ésuk i.

1 Korent 10:33

Árihin naane íñje ii iŋes katoofu ésuk i ereyi tu buroon bu fe bimb'íhin. Iŋesut beejake bu bija t'íñje, bare beejake bu bija t'ésuk i ereyi b'iŋese fu kaanuku man ni kafak.

1 Korent 13:5

áhinaariit doon déefuñinanie, áyinooraariit uŋu hoone hu barebare, áyiŋataariit, ájokaariit an t'eholo.

1 Korent 14:26

Náami hahiyu buŋ kújakuwe? Af'arikuukanooro, ake n'aŋ'ahooñ Atambatun, ake n'aliiken ésuk i bike, ake n'asok bike b'Atambatun áwufooro, ake n'áhamin ti kíhaminiin kuway, ake n'áhandin bo ésuk i. Bondu fe buwarawar káyokunan *kéeyilene ku keehaŋ kayanu ti káyilen ku.

1 Korent 14:3

An af'aŋ'ayiŋan báhamin bite Atambatun, nu kúŋgowulan ku n'af'áhamin, abe aŋ'ayaŋgananiin kikaw, n'abeetooriin, abe n'áhiniin keehaŋ kayanu ti káyilen ku.

2 Korent 12:19

Hahiyu tíme ariena man uni írihaminuun atoof iye kaanuku iriiŋes ekooŋ t'aruun, bare me? Aaa kújakuwe, aruun k'írimaŋie-maŋie ku, írihaminuunhamin hágila Atambatun naane eroka bakate *Kiris, abe irisokuunsok bonde fe kaanuku man n'arihaŋ kayanu ti káyilen ku.

2 Korent 13:9

Arko kabajaate kite k'uni kite sembe su iŋi kíkinineŋ n'áriyemi bakan kómbokun, kikaw uni yooŋ uŋu kutoof dómbokun. Náami iŋ'irilaw bija t'aruun kaanuku áriiyemi bakan keekuure but.

Efees 4:12

Awunawun bondu bakan k'Atambatun akino ku kaanuku man ni káyini káhinu burok bite káyokunan bakaaku kéeyilene ku. Iyu, keeemo ku eni yite *Kiris, abe ni káyilen kareyi fe n'iŋi kahaŋ kayanu ti káyilen ku.

Efees 4:29

Atum'árihamin báhamin beejakut; arisok kep báhamin beebaje éñjeriŋ bite káyokunan ésuk i ti bisawula booniin keehaŋ kayanu ti káyilen ku, abe nu butoof yooŋ kiŋki kajamatanuun.