Eleetar i yi Pool akiñje i bakate ku Rom 15:16 - Kwatay (Kuwaataay)

¹⁶ íiyemi aroka ite Yesu *Kiris bija ti keenooto ku Esuwif. Burok b'eemo bee te bo bite kawaare kite Hirim Heetoofe hu búmoomi naane bite *asaraha, kaanuku man keenooto ku Esuwif ni káyini káyemi kaasarah keetoofe Atambatun, ku Búwejet Beenabe bu bíkajine bija te o.

Eleetar i yi Pool akiñje i bakate ku Rom 15:16 ပူးပေါင်းရင်းမြစ်များ

Epotor i 13:2

Hike hunak, ni káyemi ti kasokoroor Atemit, abe yooŋ ni *kawoor. Búwejet Beenabe bu ni beene: —Árikajinam Barnabas nu Sóol bija tu burok b'iruwiin bu.

Epotor i 20:24

Bare t'íñje, buroŋ búuma bijarut doon tus. Ímaŋamaŋi kep kareeŋan doon d'eemo du te do, nu burok b'Anahaan u Yesu asaanam bu: bo beemo fu kawaare kite Hirim Heetoofe hite kajaku kite Atambatun.

Epotor i 20:32

«Hahiyu iiwasuun tu sumoŋu Atambatun, ni hirim hite kajaku koone. Ho híyiniuun fu káwutiyen sihel, abe nu huwunuun yooŋ t'ebaj y'anaŋe i bija ti bakan k'akino ku.

Epotor i 22:21

Bare Anahaan u n'aanam: «A̱ja, ábuki íñje kaboñii t'akambe, ti keenooto ku Esuwif.»

Epotor i 9:15

Bare Anahaan u n'aano: —A̱ja, ábuki ijifanajifan ániine ondu kaanuku eebin éewufoor keenooto ku Esuwif, ni bákayi kooniin, ni bakate ku *Israyel íñj'eemo fu aañ.

Eleetar i yi Pool akiñje i bakate ku Rom 1:1

Íñje Pool aroka ite Yesu *Kiris ikiñje fee eleetar yende. Atambatun aruwamruw kaanuku íiyemi *apotor, abe n'ákajinam kaanuku iŋ'iwaare Hirim hoone Heetoofe hu.

Eleetar i yi Pool akiñje i bakate ku Rom 11:13

Hahiyu aruun k'ifine fu ijond, aruun keenooto ku Esuwif: íñj'eemo fu *apotor ite *Kiris t'aruun keenooto ku Esuwif, abe iŋ'isaŋgoor nu burok b'Atambatun asaanam bu.

Eleetar i yi Pool akiñje i bakate ku Rom 15:18

Ábuki ikañenut kasoku bike fe t'arkut bi Kiris áhine bu aŋaasan t'íñje. Bo beemo fu man keenooto ku Esuwif ni kájeŋgin Atambatun. Áhinahin bo ti kirim kiŋk'isok, ni manoŋkar múuma.

Eleetar i yi Pool akiñje i bakate ku Rom 15:19

Áhinahin bo ni sembe ti beehaŋe bu ésuk i kikaw, ni ti sembe site Búwejet Beenabe bu. Iye i iwaare fu fe Hirim Heetoofe hite hu Kiris tánotan fe, huta hu Serusalem bija yooŋ Iliri.

Eleetar i yi Pool akiñje i bakate ku Rom 15:20

Abe íhabaneinohabanein kaanuku iŋ'iwaare Hirim Heetoofe hu tu búsuk bu t'an ajamoorut du huruwu hite Kiris, kaanuku man itim'ibin isiiŋan kiñaan kúuma ti kite ake.

Eleetar i yi Pool akiñje i bakate ku Rom 15:29

Abe bukuuramkuur kaanuku if'ija ibin t'aruun, kásoniyan kómbokun kéenuutina ti Kiris k'ibin fu ne ko.

Eleetar i yi Pool akiñje i bakate ku Rom 5:5

Abe eyakar yendu ébuutaariit, ábuki Atambatun ásikasik ti kámaŋi koone áyuus tu suhol site s'úne, áŋaasann ko tu Búwejet Beenabe b'awune bu úne.

1 Korent 3:5

Náami aañ aamo fu Apolos, aañ yooŋ aamo fu Pool? Uni eroka yite Atambatun barebare taŋ, aruun ariŋaase t'uni áriiyilen. Iŋ'írihin huruw fe burok b'Atambatun asaano bu:

1 Korent 4:1

Náami ariwarawar kajoku uni naane eroka barebare bakate *Kiris, bakan keesaanee kaanuku iŋi kawaare múniyo méenuusee mite m'Atambatun.

1 Korent 6:19

Árimeyiit kaanuku sini soonuun seemo fu enuuf ite Búwejet Beenabe bu, Búwejet beeemo bu t'aruun b'Atambatun awunuun bu? Árikiniit sini soonuun:

2 Korent 11:23

Boko eroka bakate *Kiris? Íihamin fu naane an éetumbe awen: ihaŋiinhaŋ káyemi aroka ite Kiris. Af'arko karokarok, ihaŋiinhaŋ; ihaŋiinhaŋ kámeyi ekulu; bímiñ bu t'íñje ti bihaŋe; ihaŋiinhaŋ yooŋ káheelin t'eket i.

2 Korent 5:20

Náami uni bakan ki Kiris aboñe, abe ti sembe soone t'if'írihamin, anokoor naane Atambatun humuumo af'áhaminuun. Uni bokondu ti káwasiyanuun bonde tu huruwu hite Kiris: waasuun, atum'ariteñeko kabukan ku n'Atambatun.

2 Korent 8:5

Bi káhine bu bihaŋahaŋ b'iriyakare bu yéeni. Kajabajaba kásik ñúwejet ñooniin kasaan Anahaan u; kahaban, ni kájeŋgin uni káhabanein naane t'Atambatun ámaŋie du.

Galasi 3:5

H'Atambatun hah'awunuun Búwejet boone, abe n'aŋ'áhin t'aruun beehaŋuun kikaw, aŋarkeyi me naane aruun árijeŋgine Eluwa yite Moyis, bare me? Aaa, áhinahin bo aŋarkeyi naane aŋ'arijam Hirim Heetoofe hu abe n'áriyilen ho.

Efees 2:18

Ti Kiris t'úyino fu kaŋaasu úreyi fe, Esuwif i ni keenooto ku Esuwif, núusiiŋo hágila Faaf u ti sembe site Búwejet bifeeneŋ Beenabe bu.

Efees 2:22

Abe naane árihine i t'afeeneŋ ni Kiris, aruun yooŋ árigiilooleegiilool ni bakaaku *kéeyilene ku fe tu kunut kondu tu Búwejet bite Atambatun bikine du.

Efees 5:2

Árimaŋioori ko kireyi fe tu buroŋ boonuun naane *Kiris ámaŋie i úne. Ámaŋamaŋi úne, abe n'ásik buroŋ boone eesaan bo bija t'úne naane *kaasarah keehunde-hund t'Atambatun.

Fílip 2:17

Naane áriyilene i t'Atambatun, anokooreenokoor naane *kaasarah. Maske boko kayooliam, bare ifi bibaj, halan húuma káwutiyenee ti kaasarah kondu, abe hikawam n'uŋu hutoof dómbokun. Abe katoofu keeemo ku t'íñje, ímaŋamaŋi aribaj ko.

Fílip 4:18

Ijukajuk buroon b'áriboñinam bu fe, abe ahaheehah. Makamu Épafurodit abinambin nu buroon b'áriboñinam bu, hahiyu ibaja doon d'isawulee du fe. Buroon b'ariwunam bu búmoomi naane *kaasarah keehunde, kaasarah k'Atambatun ase, abe nu kutoofo.

1 Tesalonik 2:2

Árimoomi yooŋ kaanuku h'íriyemie hu Fílip, bakate ku bo káhihinoorahihinoor uni, abe ni kálafatin uni. Bare h'írireeŋina hu t'aruun, naane átaañie i fe, Atambatun ayaŋgananayaŋganan uni kikaw iriisokuun Hirim Heetoofe hu héenuutina hu te o.

1 Tesalonik 2:9

Kújakuwe, áribaŋinabaŋino naane ii irirok aniŋee. Iŋ'irirok kaajiŋgan ni káajiim kaanuku an t'aruun atum'álaam t'uni, uni ti kasoku koonuun Hirim Heetoofe hite h'Atambatun.

1 Tesalonik 5:23

Atambatun humuumo aa awun káasuumaay ku, áhin áriiyemi bokoone ku árihabanein. Aja ajukaruun yooŋ búwejet bu, yaan i, n'eni i fe, atum'aribin ariwatanee tu doon hunak h'Anahaan ite úne Yesu Kiris ábatikein hu te ho.

1 Timote 1:11

Beeliikenee bondu, bondu ti Hirim Heetoofe hu h'isaanee hu, heesoke hu bite b'Atambatun éenike u, abe n'ajak.

1 Timote 2:7

Bondu bíkinineŋe fu Atambatun n'áhinam íiyemi *apotor. Aanamyen iwaare abe n'iliiken keenooto ku Esuwif bite káyilen ku, ni bite múniyo mu. Íñjeiit ijuuse, bifeeneŋ taŋ b'if'isok.

2 Timote 1:11

Atambatun áhinamhin íiyemi *apotor kaanuku iŋ'ibin iwaare ésuk i Hirim hondu Heetoofe hu, abe n'iliikeniin ho.

Esuwif i 13:16

Atum'aŋ'arifiil káhinu kite meejake mu, abe n'aŋ'áriyokunanoor yooŋ, ábuki wusarah naane wondu ufu wutoof Atambatun.

1 Piyeer 1:12

Atambatun n'áwufoor eyiŋana yeene aaniin hirim h'asaaniin hii bíjaiit tu boko, bare bija t'aruun. Hahiyu kiŋki kawaare Hirim Heetoofe hu kasokuunsok hirim hondu ti sembe site Búwejet Beenabe bu béeboñinee bu huta hu t'etiir. Abe humuum emalaka i kámaŋamaŋi kámeyi bondu.

1 Piyeer 2:5

Áritofin man aruun yooŋ n'ariyitee naane bujuju beeroŋe, bija tu kunut kite enuuf ite Búwejet Beenabe bu. Aruun káyemi toko eja yite *esaraha keenabe, aŋ'aribin arisarah naane Búwejet bu busokuun i, abe Atambatun n'aŋ'asa wo iŋ'ite hu Yesu *Kiris.