Eleetar i yi Pool akiñje i bakate ku Rom 15:14 - Kwatay (Kuwaataay)

¹⁴ Kújakuwe, bukuuramkuur kaanuku áritumbatumba arijak, árimoomi yooŋ beeware bu kámeyiee arihaban, abe árinooni yooŋ karimoor.

Eleetar i yi Pool akiñje i bakate ku Rom 15:14 ပူးပေါင်းရင်းမြစ်များ

1 Korent 1:5

Múniyo naane árihine i ne o t'afeeneŋ, arihoojaneehoojan bib n'ebaj yánoyan, áhaŋum yite kámeyi kite múniyo mu, ni kawaare kite te mo.

1 Korent 12:8

Búwejet bu uŋu buwun ake káwasi ti báhamin; bo Búwejet bifeeneŋ bu nu buwun ake kámeyi báhamin.

1 Korent 13:2

If'iŋ'iyiŋan báhamin bite Atambatun, n'ínandin béenuusee bu, n'ímeyi doon areyi fe, n'ibaj káyilen keefame k'íyinie katofan ne ko kirij, abe bare kámaŋi an kunooto t'eholam, inooto doon tus.

1 Korent 8:1

Hahiyu útif ti bite efuwa *yeesarahee i ti ñájiim ñu. T'eleetar yeenuun arienaan arireyi fe árimoomi doon tu bondu. Nu múniyo, bare kámeyi af'ákinineŋ an n'ayitooro; kámaŋi n'afin ákinineŋ *kéeyilene ku ni kahaŋ kayanu ti káyilen ku.

1 Korent 8:10

An eebajut káyilen keeyane af'ajuki ti kateŋu efuwa yeesarahee ti bájiim, awe éemeyie u kaanuku á̱yinooni káhinu iyu, bondu fíya man bitiŋgo akina yooŋ eeteŋ efuwa yeesarahee ti bájiim?

1 Korent 8:7

Bare ésuk íiit ereyi émeyie fu múniyo mondu. Bakaake kéeyilene ku kahaŋahaŋ kafunu ñájiim ñu kasooñen náami ifi kateŋ efuwa yeesarahee te ño, n'iŋi kaane esaraheesarah etambatun bakate nu múniyo. Káyilen kooniin kiyanut, abe ifi kateŋ yo, iŋi kayinoor ni kaane káhina doon *deekuurut t'Atambatun.

2 Korent 8:7

Aruun kusaanum tu buroon bu fe: ti káyilen ku, ni kámeyi kite múniyo mu, ni kawaare kite te mo, ni bíhabaneina bu t'Atambatun, ni kámaŋi k'árimaŋie ku uni. Náami írimaŋamaŋi áriyemi yooŋ naane kusaanum tu burok bondu beejake bii bite bateg bu.

Efees 5:9

ábuki meejaaŋe mu uŋu mubuk doon fe deejake, ni deejoŋoore, ni dite múniyo.

Fílip 1:11

Yala kunoŋk koonuun fe ni kíyemi keejake ti sembe site Yesu Kiris, bija ti kánikan kite Atambatun, ni kasokoroor koone.

Fílip 1:7

Ajakeejak naane ibaje ee biyinoor bonde beejake bee bija t'aruun arireyi fe, ábuki ímaŋiuunmaŋi t'eholam. Múniyo áriyokunanamyokunan tu burok bonde b'Atambatun asaanam bu ti kajaku koone. Árihinahin bo h'eemo hee t'ekulu i. T'ikuloorutee yooŋ, hih'ísafin kiŋki kásokum Hirim Heetoofe hu, hih'iwaare ésuk i eeeniin hite nu múniyo, áriyokunanamyokunan yooŋ.

Kolos 3:16

Hirim hite Kiris hija hikin t'aruun, n'ebaj ite te ho fe. Ariliikenool, abe n'aririmoor nu búwesinato boonuun bireyi fe. Arihooñ kuhooñu kánokan kite k'Atambatun, abe n'arihooñ ko suhol soonuun síhabanein ariieno eyeehen.

1 Tesalonik 5:11

Náami ariyaŋgananoor kikaw, abe n'áriwutiyenoor káyilen naane aa arifiy árihin.

1 Tesalonik 5:14

Kújakuwe, uni bokondu ti kalawuuun yooŋ bonde: árihamin ayanee biñek bu; ariyaŋganan kikaw kiŋki kañako ni hiñaawu; áriyokunan keebajut ku sembe, abe n'aŋ'árimuñ n'ésuk i ereyi fe.

2 Tesalonik 1:11

Iŋ'ite ho h'if'irilaw ko kireyi fe bija t'aruun. Iŋ'irilaw Atambatun ite úne kaanuku man n'áhinuun áriiyemi bakan bakate nu múniyo, buroŋ boonuun beeriib ni naane ámaŋie i h'aruwuun hu. Áyokunanuun yooŋ ni sembe soone áriiyini káhinu meejake m'árimaŋie mu, nu burok b'ariemo bu te bo aŋarkeyi naane áriyilenayilen te o.

2 Timote 1:5

Iŋ'íbaŋino káyilen keeyane keeemo ku t'awe. Káyilen kondu k'íñaayi ómbokun Loyis, n'íñaayi Enis kajabe ku kabaj, abe bukuuramkuur kaanuku a̱bajabaj ko yooŋ.

Filemoŋ 1:21

Bukuuramkuur h'íkiñjin hee n'awe kaanuku awe káhinu b'ilawi bu; ímoomi yooŋ kaanuku awe káhinu ahaŋ diyu.

Esuwif i 5:12

Afiyee naane ariware i yéeni kaliiken bakaaku buroon bite Atambatun, bare arisawulasawulo ake asooñ aliikenuun buroon bítiyar bu bite hirim hite Atambatun. Hahiye miin m'arisawulee fu mite kájuwu, ábuki ariyinaat buñoofo maanu wéekunde.

Esuwif i 6:9

Kújakuwe, aruun k'ímaŋie-maŋie ku, naane írihamine ee fe bare, bukuurakuur uni kaanuku aruun bokondu ti bítim beejake bu, bite kafaku ku.

2 Piyeer 1:12

Iŋ'ite ho aamo fu naane árimeyie i buroon bonde fe, abe yooŋ n'arijok alitee tu múniyo m'arijame mu, ibaa kábaŋinanuun bo ko kireyi fe.

1 Saaŋ 2:21

Náami if'íkiñjinuun, iŋi káanukiiit man aruun árimeyiit múniyo mu, bare aŋarkeyi naane árimoomi mo. Abe árimoomi yooŋ kaanuku haajuus hiyinaat kánuutina tu múniyo mu.