Eleetar i yi Pool akiñje i bakate ku Rom 14:18 - Kwatay (Kuwaataay)

¹⁸ An af'áhin burok bite Kiris naane iyu, o katoofu Atambatun, abe ésuk i yooŋ kasoku te o beejake.

Eleetar i yi Pool akiñje i bakate ku Rom 14:18 ပူးပေါင်းရင်းမြစ်များ

Mark 13:34

Anokooreenokoor naane ániine eeemo ti bija kátuki. N'awas t'enuuf te o eroka yeene, abe n'asokiin huruw fe burok b'aware bu káhinu. Ahaban, n'aane ajukara u: «Hahiyu enuuf yendu.»

Saaŋ 12:26

An af'ámaŋi karoku bija t'íñje, áseinam ti hiñaawu. Af'áhin ii, t'ija du káyemi, aroka úuma n'aŋ'áyemi yooŋ toko. An af'arok bija t'íñje, Faafam kasokorooro.

Epotor i 10:35

Tánotan fe t'etaam ye, an af'ájeŋgino abe n'aŋ'áhin beejake bu, atoofotoof.

Eleetar i yi Pool akiñje i bakate ku Rom 12:11

Áriyemi éñiŋkaana, abe atum'áriyemi biñek. Ñúwejet ñooniin ñíhabanein tu burok bite Anahaan u.

Eleetar i yi Pool akiñje i bakate ku Rom 14:4

Kame awe a̱amo fu aañ ayak aŋ'a̱tinan aroka ite ake? Af'ajok alitee tu burok boone, man yooŋ n'akananoor, an u t'aamo du tu burok bu kasokio naane áhine i. Abe akina kajoku alitee, ábuki Anahaan u áyinoonio káyokunan.

Eleetar i yi Pool akiñje i bakate ku Rom 16:18

ábuki bakan naane bokondu károkaariit bija ti *Kiris Anahaan ite úne; iŋi karok bija ti kariin! Nu ñutum ñooniin ñeetoofe ñaa, ni báhamin booniin yooŋ bite kásoŋotiyan ku n'ifi kabuut kéeniyeit ku.

Eleetar i yi Pool akiñje i bakate ku Rom 6:22

Bare hahiye arikolut ni kaahoofoor ku, abe aruun búsukateen bite Atambatun. Doon d'aribaje du toko deemo fu buroŋ beenabe, abe ti biraanu, aruun kabaju buroŋ béehabanaariit.

1 Korent 7:22

Ábuki ásukateen a Anahaan u aruwe anuuta tu húsukateenaate hu, abe akina an ite Anahaan u. An yooŋ eenooto ásukateen abe *Kiris n'aruwo, áyemia ásukateen ite Kiris.

2 Korent 4:2

Iriteñekateñeko béefuñinanie bu bumbu búnuusee. Íribuutaariit an, abe írihosanaariit yooŋ Hirim hite Atambatun. Múniyo mu kep m'if'íriwufoor ésuk i akuur but, man huruw fe n'ámeyi t'ehelo hágila Atambatun kaanuku uni bakan kéejube.

2 Korent 5:11

Náami írimoomi naŋ neemo fu kákoleyi Anahaan u. Iŋ'ite ho h'if'iriŋes káhinu ésuk i kéeyilen. Atambatun ámoomi uni ahaban fe, abe eenaan aruun yooŋ árimoomi uni arihaban.

2 Korent 5:9

Náami b'úhaŋe bu kámaŋi beemo fu útoofo t'úyino fe káyemi, úne káaroŋin ni sini site s'úne, man yooŋ úne káanuutin te so.

2 Korent 6:4

Aaa, iŋ'íriwufoor tu buroon bu fe bimb'írihin kaanuku uni eroka bakate Atambatun: iŋ'irituumen dómbombokun ti sílaam su, nu kúnuur ku, nu wútaañi wu,

2 Korent 8:21

B'iriŋes bu káhinu beemo fu beejake bu, káanukiiit t'Atemit barebare, bare yooŋ tu kúŋgowulan ku.

Fílip 4:18

Ijukajuk buroon b'áriboñinam bu fe, abe ahaheehah. Makamu Épafurodit abinambin nu buroon b'áriboñinam bu, hahiyu ibaja doon d'isawulee du fe. Buroon b'ariwunam bu búmoomi naane *kaasarah keehunde, kaasarah k'Atambatun ase, abe nu kutoofo.

Fílip 4:8

Kújakuwe, biraanu búuma bonde: árisik siheluun arinaŋ tu buroon beejake, beejare kasokorooree. Bo beemo fu doon fe dite nu múniyo, doon fe dite kájeŋginee, déejube, *deekuure, deetoofe, nu doon fe deewaree kajoku nu sumoŋu súsuba.

Kolos 3:24

Árimoomi kaanuku Anahaan u kasiibanuun ti biŋeñen b'anaŋe bu bija ti bakan koone. An éekiniuun u aa arirok bija te o, o aamo fu *Kiris Anahaan u.

1 Timote 2:3

Bondu bijake fu, abe nu butoof yooŋ Atambatun *Afakana ite úne.

1 Timote 5:4

Arko bakaake tu boko kákooki biñi, man yooŋ bakañiiin kákooki biñi, bi biñi bu kaware bu kajabu te bo beemo fu katofotoor sifaafiin ni síñaayiin, keefin kéegaliniin naane ii katofotooriin yéeni. Bondu butoofe fu Atambatun. Ti katofotoor kite butoŋ booniin ti kayak fu káwufoor kaanuku káhinahin bi bítim bite *Kiris bíkandijene bu.

1 Piyeer 2:12

Buroŋ boonuun t'etut *kéemeyiit ku Atambatun bíyemi beejake. Hutoof yooŋ iŋi kasok t'aruun hahiye kite aruun aŋ'árihin beejakut, boko bare bibin kajuku buroon beejake bu bamb'árihin, abe boko kasokoroor Atambatun hunak h'abin hu.

1 Piyeer 2:20

Af'aritin, abe n'árimuñ boko ti kámiñu koonuun, aañ ayakuun fu kasokoroor? Bare n'arifin árihin beejake, abe n'árimuñ boko ti kámiñu koonuun, bondu bijakajak faa t'Atambatun.

1 Piyeer 2:5

Áritofin man aruun yooŋ n'ariyitee naane bujuju beeroŋe, bija tu kunut kite enuuf ite Búwejet Beenabe bu. Aruun káyemi toko eja yite *esaraha keenabe, aŋ'aribin arisarah naane Búwejet bu busokuun i, abe Atambatun n'aŋ'asa wo iŋ'ite hu Yesu *Kiris.

1 Piyeer 3:16

Abe n'aribeben tíŋ, abe n'arisaaho yooŋ ti kásafin kooniin. Ñúwejet ñoonuun *ñukuur but, kaanuku man bakan ifi kajuus kasaanuun, man yooŋ ni kasok bike tu buroŋ boonuun ni Kiris beejake bu, ni kafuño.