Eleetar i yi Pool akiñje i bakate ku Rom 13:11 - Kwatay (Kuwaataay)

¹¹ Náami arinoŋk ajakee, ábuki árimoomi ti kiin kunak t'úemo fee: tireeŋa toko, áriniyo. Hunak h'Atambatun aja hu kafakan úne huloha. Iŋkut hikamb naane kóŋkeyin úne ti káyilen ku toko-toko ti *Kiris.

Eleetar i yi Pool akiñje i bakate ku Rom 13:11 ပူးပေါင်းရင်းမြစ်များ

Májiye 16:3

Nu nuwasanoor, eŋ'ébaaniin, n'aŋ'ariene: «Yo kanubu.» Aŋ'arijondoman tu bufor bu, n'aŋ'árinandin beeware bu kabaju, bare arifinut áriyini kánandin bite bu hahiye!

Hirim Heetoofe hu hi Luk akiñje hu 21:28

Kane buroon bondu bijab kabaju, árisaarino abe n'ariŋalo, ábuki memee Atambatun n'aŋ'afakanuun.

1 Korent 10:11

Bondu beebaje bii sifaaf úne búwufoorawufoor úne kaanuku úwarut káhinu naane boko. Bikiñjeekiñj ti Míkiñjin mu kaanuku núuyeegalee, úne keeemo kee buroŋ tu kunak kiraanu ku.

1 Korent 15:34

Áribatikann siheluun, abe n'ariwas wuhoofoor wu. Bakaake t'aruun kátumbut kámeyi Atambatun. Iisok bo, man at'arifuño?

Efees 5:14

Múniyo doon déeŋaasina akuur but díyemia meejaaŋe. Iŋ'ite ho hi kaane fu: «Á̱niyo, awe eeemo u t'a̱ŋote, a̱rito t'etut keekete ku, abe Kiris n'aŋ'ajaaŋani.»

Saak 5:8

Aruun yooŋ árimuñ; arijok alitee, ábuki bibin bite Anahaan u bulohena.

1 Piyeer 4:7

Kamoosen kite etaam i kulohena. Náami buroŋ boonuun buwarawar kajoŋoor, abe n'arijok kikawuun man n'áriyini kalawu.

2 Piyeer 3:11

Makamu buroon bu fe iyu i bija fu bútowuto, hahiyu arijuk jak buŋ bu buroŋ boonuun buware fu káyemi! Buwarawar kanabu, abe n'arijok yooŋ alitee t'Atambatun,

2 Piyeer 3:9

Bakaake iŋi kaane Atemit ákurakuri ti káhinu b'asoke bu, bare tókoiit. Am aŋ'ámuñ n'aruun kep, ábuki ámaŋiit mayet afeeneŋ átowuto. Aaa, b'ámaŋie bu beemo fu huruw fe n'awatanooro wuhoofoor woone.

1 Saaŋ 2:18

Kúñuumo, kamoosen kite etaam i kulohena! Arijamajam kaanuku Anatoora ite *Kiris awarawar bibin. Abe hahiye enatoora yite Kiris keehooje kabina; iŋ'ite ho h'úmeyie fu kaanuku kamoosen kite etaam i kulohena.

Kafeeñal ku 1:3

Atoof t'an eejaŋgee u kaawiit konde tu buhooŋu ésuk i, ni kiŋki kajamatan báhamin bonde béenuutina bu t'Atambatun, abe n'iŋi kájeŋgin yooŋ beekiñjee bu te ko, ábuki memee bo kabaju!

Kafeeñal ku 22:10

Abe n'aanam: —Atum'á̱nuus báhamin béenuutina bu t'Atambatun, beesokee bu ti kaawiit konde, ábuki memee bo kabaju.

Kafeeñal ku 22:12

Yesu n'aane: —Arijamatan, íñje bibin memee! Íñje bibin ni kisiibanu, abe íñje kabatikan huruw fe aliik tu doon d'aroke du.

Kafeeñal ku 22:20

An eeseedee u kaanuku bondu fe bite nu múniyo aane: «Hee, íñje bibin memee!» Amiin! A̱bin Anahaan u Yesu!