Eleetar i yi Pool akiñje i bakate ku Rom 12:8 - Kwatay (Kuwaataay)

⁸ An eewunee kaanuku aŋ'abin ayaŋganan bakaaku kikaw, ajok te bo. An aa awun ebaj yeene, ajok te bo n'ehol yeekuure. An eewunee kaanuku aŋ'ágilan *kéeyilene ku, ajok te bo alitee. An eewunee kaanuku aŋ'ayubiyen bakaaku, atoofan te bo.

Eleetar i yi Pool akiñje i bakate ku Rom 12:8 ပူးပေါင်းရင်းမြစ်များ

Májiye 25:40

Áyi u kásafiniin aaniin: «Iisokuun bifeeneŋ bu: híhinin fe h'árihine bo ake ti keehaŋe ku káteti tu bokonde keeemo ku naane bakat'am, íñje árihine fu bo.»

Epotor i 11:23

H'areeŋe hu bo ayak ajuk naane Atambatun ásoniyane i kéeyilene ku, nu hutoofo dómbokun. N'ayaŋgananiin kikaw kareyi fe aaniin kajok alit tip t'Anahaan u nu suhol séehabaneina.

Epotor i 13:12

H'aseef u ajuke hu bondu beebaje bii, n'áyilen t'Anahaan u Yesu, ábuki bi kaliikeno bu te o bugorogor ni sembe.

Epotor i 13:15

H'aamo hu *Eluwa yite Moyis ejaŋgee ahaban, nu wuwiit wute *eyiŋana yite Atambatun, eseef ite báalawum bu ni kaboñ ake kaano aja aaniin: —Ebuke ye, af'aribaj bike bite kasoku keeemo kee diye kaanuku áriiwutiyeniin sihel, árinooni káhamin.

Epotor i 15:32

Makamu Sud ni Silas, boko *eyiŋana yite Atambatun, ni káhamin ni kéeyilene ku afiyo, kaanuku keehaŋiin kayaŋganan kikaw, abe yooŋ ni kawuniin sihel.

Epotor i 20:2

N'añaahoor kikinu kite ku bo, abe n'aŋ'áhamin ni kéeyilene ku afiyo aaniin kajok alitee. Ahaban, n'aja Geres,

Epotor i 20:28

Áriwasiyoor kikawuun, abe n'arinaŋ ko yooŋ ti kaahaaw ku fe ku Búwejet Beenabe bu bisaanuun ku ariihaaw. Áriyemi ehaawa yite bakate ku Atambatun kéeyilene ku, k'aŋese ku ni halan hite Añi oone.

Epotor i 4:36

Iyu a ake ániine áhine fu, huruwio Siseef. Akina *Alefit, eebukee Siipur. Epotor i n'iŋi kasokorooro Barnabas (aamo fu «an u aa ayaŋganan kikaw»).

Eleetar i yi Pool akiñje i bakate ku Rom 12:13

Áriyokunan bakanuun kéeyilene ku keebaje ku bisawula, abe n'aŋ'arijok áwariee kiŋki kawanan t'aruun.

Eleetar i yi Pool akiñje i bakate ku Rom 13:6

Iŋ'ite ho yooŋ h'af'arijaam búhal bu. Ábuki kiŋki karok t'éŋguur i, boko eroka bakate Atambatun kéehabaneina tu burok booniin.

1 Korent 12:28

Iye a Atambatun asiiŋane fu *kéeyilene ku: *epotor i kaamo fu étiyar i; *eyiŋana yite Atambatun ni káyemi ésooboriyan i; kiŋki kaliiken ésuk i mite m'Atambatun ni káyemi éhaajiyan i; kiŋki káhin beehaŋe bu ésuk i kikaw ni kásein; kanuut toko náami keebaje ku sembe site karitan bakan kéesomute; kahaban náami kiŋki káyokunan ésuk i; kanuut toko náami kiŋki káwuforoor bakaaku buroon bi kaware bu káhinu, abe n'atik áami kiŋki káhamin ti kíhaminiin kuway.

1 Korent 14:3

An af'aŋ'ayiŋan báhamin bite Atambatun, nu kúŋgowulan ku n'af'áhamin, abe aŋ'ayaŋgananiin kikaw, n'abeetooriin, abe n'áhiniin keehaŋ kayanu ti káyilen ku.

2 Korent 1:12

Iisokuun bimb'irisaŋgoor ne bo: sihel site s'uni súwufoorawufoor uni kaanuku iririikariiko n'ésuk i biriiko beejoŋoore, ni bijak yooŋ, áhaŋum n'aruun. Abe bondu fe t'Atambatun tu búnuutina fu. Káanukiiit tu búwesinato bite húŋgowulan. Aaa, t'Atambatun éewufoore u uni kajaku koone tu búnuutina fu.

2 Korent 11:3

Bare íkolakoleyi an atum'abin abuutuun éehinuun ariiwas kájeŋgin Kiris kájeŋgin keejoŋoore abe nu kukuur, naane yooŋ doon du dibine i dubuut Eef ni haajuus hu.

2 Korent 8:12

Ábuki an af'awun áhabanein, bondu bijakajak t'Atambatun. Atambatun aŋ'ámaŋi an awun aliik tu doon d'abaje du, káanukiiit tu doon d'abajut du.

2 Korent 9:11

Iyu, n'aŋ'áriyemi kusaanum t'ebaj yánoyan, kaanuku man n'áriyini kawunu bakaaku árihabanein. Náami bakan keehooje-hooj n'iŋi kaane Atambatun eyeehen iŋ'ite buroon b'arisaane bu uni iriijeiin ne bo.

2 Korent 9:13

Abe bondu b'arija bu káhinu, bo káwufoor kaanuku áriyilenayilen árihabanein. Bakan keehooje-hooj kasokoroor Atambatun iŋi naane aa árijeŋgin Hirim Heetoofe hite hu *Kiris, hondu h'áriyilene hu. Boko yooŋ kasokorooro iŋi naane aa áriruboor ebaj yeenuun nu boko, n'ésuk i ereyi yooŋ.

2 Korent 9:7

Náami huruw fe aja awun naane t'ayinoore du tu búwejeto; káanukiiit man nu buwatanooro, man yooŋ am atiŋgee, bare áhin bo ni katoofu, ábuki Atambatun aŋ'ámaŋi an eewune ni katoofu kómbokun.

Efees 6:5

Aruun búsukateen bu, árijeŋgin kéekiniuun ku bakate ku t'etaam ye. Árikoleyiiin, abe n'arijamiin nu suhol seekuure but, naane aa árijeŋgin *Kiris.

Kolos 3:22

Aruun búsukateen bu, árijeŋgin kéekiniuun ku bakate ku t'etaam ye tu doon areyi fe. Atum'árijeŋginiin kane káyemiuun ti kajukar barebare, kaanuku man n'aritoofiin. Bare árijeŋginiin nu suhol seekuure but, iŋi naane árijeŋgine i Anahaan u.

1 Tesalonik 2:3

Hih'iriene ésuk i kajok ti Hirim Heetoofe hu, háajuusiit, káyinooriit yooŋ keejakut keemo ti kikaw uni, abe íriŋesaariit yooŋ kabuutu an.

1 Tesalonik 2:8

Náami iŋi kámaŋi k'írimaŋiuun ku, irijaja ayak abin áami irifaraa, káanukiiit kasokuuun Hirim Heetoofe hite h'Atambatun barebare, bare yooŋ kawunu buroŋ bite b'uni uŋu hoonuun hu, ábuki irijokuunjok naane bakan!

1 Timote 4:13

Á̱ñiŋkaan aŋ'a̱jaŋga *Míkiñjin mu tu buhooŋu kéeyilene ku, n'á̱handiniin mo, abe n'a̱liikeniin yooŋ bija kóyin k'ibin ku.

1 Timote 5:17

*Sifaaf ifi kajoŋooran áwariee kéeyilene ku, bajaam booniin buwareewar káwutiyen tu kúsuba, áhaŋum ti kiŋki káñiŋkaan ti kawaare ku, ni kaliiken kite ésuk i.

1 Timote 6:18

A̱sokiin a̱aniin iŋi kanoŋk ajakee, abe ni káyemi kusaanum ti kinij keejake; káyemi bakan keewune, abe n'iŋi káruboor buroon booniin ni bakaaku.

Esuwif i 10:25

Bakaake kafuna iŋkut kaja kéefimboor tand'afeeneŋ keelaw. Utum'úliikool nu boko. Bare úhaŋ kayaŋgananoor kikaw, ábuki arijuka kaanuku hunak h'Anahaan u ábatikein hu te ho hihaŋa kalohu.

Esuwif i 13:17

Árijeŋgin égila yeenuun, abe n'aŋ'arijam tu boko. Boko ifi kajukar siyaan soonuun, ábuki Atambatun kákandijeniin naŋ ni karoke fu. Af'árijeŋginiin, boko káhinu burok booniin ni katoofu kómbokun. Afut'árijeŋginiin, n'iŋi káhin bo ni kaseetu, abe man arijuk toko mayet éñjeriŋ.

Esuwif i 13:22

Kújakuwe, íñj'endu ti káwasiyanuun bonde: arijamatan jak kirim konde kite kayaŋgananuun kikaw k'íkiñjinuun kee t'eleetar yende yeekambut yee.

Esuwif i 13:24

Arisaaf égila yeenuun kareyi fe, ni bakan k'Atambatun akino ku yooŋ fe. Bakate ku Itali *kéeyilene ku kasaafuun.

Esuwif i 13:7

Áribaŋino égila yeenuun keesokuun ku hirim hite Atambatun. Ariyinoor buŋ bu buroŋ booniin búmuje fe, abe n'arineefan ti káyilen kooniin.