Eleetar i yi Pool akiñje i bakate ku Rom 12:7 - Kwatay (Kuwaataay)

⁷ An eewunee kaanuku aŋ'abin áyokunan bakaaku, ajok te bo. An eewunee kaanuku aŋ'abin aliiken bakaaku, ajok te bo.

Eleetar i yi Pool akiñje i bakate ku Rom 12:7 ပူးပေါင်းရင်းမြစ်များ

Májiye 28:19

Náami arija tánotan fe t'etaam ye, abe n'árihin ésuk i kéeyemi eriboora íima: *aribosteiin tu huruwu hite Faaf u, n'Añi u, nu Búwejet Beenabe bu,

Saaŋ 3:2

N'abin kike káajiim bibin ti Yesu abe n'aano: —Ámuse u, írimoomi kaanuku Atambatun áboñini fu kaanuku a̱abin a̱liiken uni; ábuki an ayinaat káhinu buroon bamb'á̱hin beehaŋe bu ésuk i kikaw t'Atambatun ariboorut ne o.

Epotor i 13:1

Abajeebaj ti bakate ku Antiyoos *kéeyilene ku, bakaake *eyiŋana yite Atambatun, bakaaku iŋi kaliiken ésuk i, naane Barnabas, ni Simiyoŋ (ii kaane eebaan u), nu Lusiyus (ite u Siren), ni Manahen (éekuumanee u t'afeeneŋ n'aseef u *Erod), nu Sóol.

Epotor i 20:20

Árimoomi kaanuku ínuusutuun doon fe ti beewaruun bu káñjeriŋ: iŋ'iwaareuun, abe n'iliikenuun ti sifiñjan su, nu tu sunuuf soonuun.

Epotor i 20:28

Áriwasiyoor kikawuun, abe n'arinaŋ ko yooŋ ti kaahaaw ku fe ku Búwejet Beenabe bu bisaanuun ku ariihaaw. Áriyemi ehaawa yite bakate ku Atambatun kéeyilene ku, k'aŋese ku ni halan hite Añi oone.

Epotor i 6:1

Kóŋkeyin, naane aamo i *kéeyilene ku bokondu ti kahaŋu kahooju kep, Esuwif i kiŋki káhamin *kigerekaay ku ni kasok t'Esuwif i keebukee ku *Israyel. Kaanaan haare hite hu tu boko ki bákayiniin kakete ku káhinaariitee áwariee ti káruboor kite buroon bu kiŋki kibaj húnakonak.

1 Korent 12:28

Iye a Atambatun asiiŋane fu *kéeyilene ku: *epotor i kaamo fu étiyar i; *eyiŋana yite Atambatun ni káyemi ésooboriyan i; kiŋki kaliiken ésuk i mite m'Atambatun ni káyemi éhaajiyan i; kiŋki káhin beehaŋe bu ésuk i kikaw ni kásein; kanuut toko náami keebaje ku sembe site karitan bakan kéesomute; kahaban náami kiŋki káyokunan ésuk i; kanuut toko náami kiŋki káwuforoor bakaaku buroon bi kaware bu káhinu, abe n'atik áami kiŋki káhamin ti kíhaminiin kuway.

1 Korent 12:5

Ñurok ñu bija t'Atambatun ñuwayawayo, bare Anahaan afeeneŋ u uf'úrok bija te o.

1 Korent 14:26

Náami hahiyu buŋ kújakuwe? Af'arikuukanooro, ake n'aŋ'ahooñ Atambatun, ake n'aliiken ésuk i bike, ake n'asok bike b'Atambatun áwufooro, ake n'áhamin ti kíhaminiin kuway, ake n'áhandin bo ésuk i. Bondu fe buwarawar káyokunan *kéeyilene ku keehaŋ kayanu ti káyilen ku.

Galasi 6:6

An i kaamo ti kaliiken Hirim Heetoofe hu, awarawar káruboor buroon fe beejake n'an eeemo u ti kaliiken koone.

Efees 4:11

Akina awune fu kúŋgowulan ku kéeyemi bakaake *epotor, bakaake *eyiŋana yite Atambatun, bakaake ewaaraa Hirim Heetoofe hu, bakaaku ni káyemi égila yite bakan kite Atambatun, abe n'iŋi kaliikeniin hirim hoone.

Kolos 4:17

Ariene Arkip anaŋ toko hikawo tu burok b'Anahaan u asaano bu, man n'ahaban bo áwariee.

1 Timote 2:7

Bondu bíkinineŋe fu Atambatun n'áhinam íiyemi *apotor. Aanamyen iwaare abe n'iliiken keenooto ku Esuwif bite káyilen ku, ni bite múniyo mu. Íñjeiit ijuuse, bifeeneŋ taŋ b'if'isok.

1 Timote 3:2

Hikaw hite bakan kéeyilene awarawar káyemi an eeyinaatee kawatan tu doon. Anaare afeeneŋ taŋ a aware fu kabaju, abaj hikaw, ájokumooro, abe buroŋ boone nu bújub. Awarawar kajoku áwariee kiŋki kaja te o, abe n'áyini kaliiken ésuk i bite b'Atambatun.

1 Timote 4:16

A̱naŋ toko hikawi tu buroŋ búuwe, ni ti bamb'a̱liiken ésuk i. A̱jok tu bondu alitee. Af'á̱hin iyu, n'aŋ'a̱fak, kiŋki kajamatani yooŋ n'iŋi kafak.

1 Timote 5:17

*Sifaaf ifi kajoŋooran áwariee kéeyilene ku, bajaam booniin buwareewar káwutiyen tu kúsuba, áhaŋum ti kiŋki káñiŋkaan ti kawaare ku, ni kaliiken kite ésuk i.

2 Timote 2:2

Báhamin b'a̱jamam bu ti kasoku hágila bakan keehooje-hooj, a̱liiken bo bakan kéewoore, kéeyinie kaliiken bo yooŋ bakaaku.

2 Timote 2:24

Abe aroka ite Anahaan u awarut kaheñjeŋoor. Awarawar káneeni t'ésuk i ereyi fe, n'áyiniiin kaliiken bite b'Atambatun, abe n'aŋ'ámuñ.

2 Timote 4:2

atoof, átaañi, a̱waare hirim hite Atambatun, abe n'aŋ'a̱sooñoor kep. A̱joŋooran kéehinaariit ku ajakee, a̱kamoor ti kiŋki kahoofoor, abe n'á̱wutiyeniin sihel kéehin ajakee. A̱liikeniin ni kámuñu kómbokun.