Eleetar i yi Pool akiñje i bakate ku Rom 12:2 - Kwatay (Kuwaataay)

² Atum'ariliikool ni máhinar mite mu bakate ku t'etaam ye; ariwas Atambatun eewunuun biyinoor bíyeni, man n'áriyemi bakan kíyeni. Af'árihin iyu, n'aŋ'áriyini kánandin b'ámaŋie bu. Bo beemo fu beejake bu, ni beetoofo bu, ni beekuure bu but.

Eleetar i yi Pool akiñje i bakate ku Rom 12:2 ပူးပေါင်းရင်းမြစ်များ

Májiye 13:22

Bakaaku kámoomi naane sinawaay seeneye su t'arkee du esisa. Boko kaamo fu kiŋki kajam hirim hu jak. Bare biyinoor bite t'etaam ye, ni sírirem sunsu subuut iye, bondu uŋu bubuuf ho, abe utu hubukoor.

Mark 4:19

Bare biyinoor bite t'etaam ye, sírirem su sunsu subuut iye, ni bimero bite baabu buroon uŋu bubuuf ho, abe utu hubukoor.

Saaŋ 14:30

Iroŋut káhamin n'aruun akamb iye, ábuki aseef ite etaam ye ondu ti bibin. Múniyo abajut sembe t'íñje,

Saaŋ 15:19

Arko yéeni aruun bakate t'etaam ye, n'iŋi kámaŋiuun, ábuki n'aŋ'áriyemi k'afeeneŋ ku. Bare aruun bákateiit t'etaam ye, ábuki ijifanuunjifan, abe n'íkajinuun; aŋkut árihin nu boko t'afeeneŋ. Iŋ'ite ho h'ésuk i ehuufuun fu.

Saaŋ 17:14

Isaaniinsaan hirim húuwe, abe bakate ku t'etaam i ni kahuufiin aŋarkeyi naane kanooto bakate t'etaam i, naane inooto i yooŋ an ite t'etaam i.

Saaŋ 7:7

Ésuk i ebajut húkuuseima kaanuku keehuufuun. Íñje bare, kahuufamhuuf aŋarkeyi naane iŋ'isok t'etiir kaanuku buroon bimbi káhin bijakut.

Eleetar i yi Pool akiñje i bakate ku Rom 12:1

Náami kújakuwe, makamu Atambatun aŋ'ayubiyen úne dómbokun, íñj'endu ti kaanuuun waasi, ariwuno siniuun naane *kaasarah keeroŋe, keenabe yooŋ, abe nu kutoofo. Iyu a ariwaro fu kasayi ti hiñaawu nu múniyo.

Eleetar i yi Pool akiñje i bakate ku Rom 13:14

Arisolo Anahaan u Yesu Kiris, abe atum'aŋk'ariwas wúfaŋi woonuun weejakut wu weetiŋguun ti meejakut mu.

Eleetar i yi Pool akiñje i bakate ku Rom 7:12

Náami Eluwa i enabanab, kirim kite te yo fe kinabanab yooŋ, kujoŋoorajoŋoor, abe ni kijak.

Eleetar i yi Pool akiñje i bakate ku Rom 7:14

Úmoomi kaanuku Eluwa i t'Atambatun t'énuutina fu. Bare íñje húŋgowulan barebare, íñje yooŋ ásukateen ite kaahoofoor ku.

Eleetar i yi Pool akiñje i bakate ku Rom 7:22

Hikawam hutoofatoof dómbokun t'eluwa yite Atambatun.

1 Korent 3:19

Ábuki búwesinato bite bakate ku t'etaam ye, t'Atambatun diyu kaañunaate. Múniyo *Míkiñjin mu meenaan: «Atambatun aŋ'ajok kúwesina ku ti bífiir booniin bi kanoŋke bu keekuuj.»

2 Korent 4:4

Bokondu káyilenut, ábuki atambatun eejakut u ite etaam i ámiñamiñ ñúwejet ñooniin ñéeyemi t'ébaani. Áhinahin bondu kaanuku itim káyini kajuku meejaaŋe mite Hirim Heetoofe hu, héewufoore hu kániku kite ku *Kiris eeemo u humuum búnokoorum bite Atambatun.

2 Korent 5:17

An af'áhin ni Kiris t'afeeneŋ, an ondu áyemia húŋgowulan híyeni; beehaane bu bútowutaa, bíyeni bisiiŋee fu.

Galasi 1:4

Yesu Kiris humuumo ásikasik síhiinio asaan kaanuku eefakan úne tu wuhoofoor wu. Aramaram úne ti sembe site t'etaam ite hahiye yeejakut yee, naane t'Atambatun Faaf úne ámaŋie du.

Efees 1:18

Iŋ'ilaw Atambatun kaanuku eejaaŋan ñúwejet ñoonuun, man n'árimeyi eyakar yómbokun y'aruwuun i bite te yo, n'ebaj yéewarie-warie i y'anaŋe i bija ti bakan k'akino ku.

Efees 2:2

Aŋ'arineefan yéeni tu kunoŋk kite bakate ku t'etaam ye. Aŋ'árijamaani t'aseef ite sembe seejakut su seeemo su t'etiir. Aseef ondu aamo fu búwejet beejakut bu bumbu burok iye ti kéejeŋginaariit ku Atambatun.

Efees 5:17

Iŋ'ite ho aamo fu atum'arisoŋoto, bare áriñiŋkaan man n'árinandin buŋ b'Anahaan u ámaŋie fu aŋ'árihin.

Kolos 1:9

Iŋ'ite ho aamo fu huta h'iŋ'iribin irijam bo, iriwasut kalawu Atambatun bija t'aruun. Iŋ'irilawo kaanuku man n'áhinuun áriimeyi b'ámaŋie bu árihabanein, abe Búwejet Beenabe bu ni bíhinuun áriiwasi abe n'áriwesinato yooŋ.

Kolos 3:10

Manoŋkar míyeni m'aribaje fu, abe Atambatun awunuun fu mo kaanuku ko kireyi fe n'áriyemi bakan kíyeni, ariinokoor ne o éewuwanuun u. Iyu, n'aŋ'áriyini kámeyio arihaban.

Kolos 4:12

Epafuras eeemo u yooŋ ite t'aruun asaafuun. Akina aroka ite Yesu Kiris, abe aŋ'áñiŋkaan kep ti kalawu Atambatun bija t'aruun kaanuku man n'arijok alitee, n'arihaat yooŋ ti káyilen ku, abe n'arifare káhinu b'Atambatun ámaŋie bu fe.

1 Tesalonik 4:3

Bonde b'Atambatun ámaŋie fu: áriiyemi bakan keenabe. Aamo fu atum'ariŋot ni bakan k'ariseñeit.

Eleetar i yi Pool akiñje i Tit 3:5

N'afakan úne, káanukiiit man aŋarkeyi naane úne úhine ajakee, bare aŋarkeyi naane am ayubiyene úne. Ti sembe site Búwejet Beenabe bu t'añawe fu úne. Búwejet Beenabe bu ifi bíhin n'úbukee ti kátiyar, abe nu buwun úne buroŋ bíyeni.

Saak 1:27

T'Atambatun Faaf úne, bítim bite bu nu múniyo abe nu bukuur, iye i bije fu: biñi bu éfiiten i, ni haare hu ki bákayiniin kakete ku, úyokunaniin kane káyemi ti sílaam, abe utum'úwas buroon beekuurut bu bite bu t'etaam ye béetifen úne.

Saak 4:4

Aruun fu bakan kéejubut! Árimeyiit kaanuku kámaŋi aduna i aamo fu kahuufu Atambatun? An af'ámaŋi kábuki n'aduna i, áhinooraa anatoora ite Atambatun.

1 Piyeer 1:14

Árijeŋgin Atambatun, abe atum'aribatikan siheluun tu wúfaŋi woonuun wute wu ti hítiyar hu t'árimeyioorut múniyo mu.

1 Piyeer 1:18

Árimoomi bajaam beejaamee bu kaanuku ariifakanee tu buroŋ beebajut bii éñjeriŋ, bi sifaafuun kómbokun kátifenuun bu. Bijaamutee nu buroon béefiyaariit naane sírirem, man yooŋ éwurus.

1 Piyeer 2:3

Ábuki *Míkiñjin mu meenaan: «Arijukajuk buŋ b'Atemit ajake fu ariike.»

1 Piyeer 4:2

Náami áfiitin ti hahiye, tu kunak keeŋeñenuun ku t'etaam ye, buroŋ boonuun buwarawar káyemi naane t'Atambatun ámaŋie du bo, abe n'ariwas wúfaŋi wute kúŋgowulan ku.

2 Piyeer 1:4

Iyu a awune fu úne buroon bómbokun béewarie naane afiye i asok aane o kawunu úne bo. Áhinahin iyu kaanuku af'arijok bo, n'arifak tu wúfaŋi weejakut weeemo wu t'etaam ye wuwu wúbuj ésuk i, abe n'aribaj sihel naane yeene i.

2 Piyeer 2:20

Ésuk i kafakafak tu wúfaŋi weejakut weeemo wu t'etaam ye aŋarkeyi naane kámoomi Anahaan ite úne Yesu Kiris, *n'Afakana u yooŋ toko. Bare ifi kasooñ kawas wo weehaŋiin sembe, bihabanooro booniin kahaŋu kajakaate naane kanokoore i hítiyar hu.

1 Saaŋ 3:13

Kújakuwe, atum'arijahale naane bakate ku t'etaam ye kahuufuun i.

1 Saaŋ 5:19

Úmoomi kaanuku Atambatun akino fu úne, bare etaam i ereyi fe yendu ti sembe site Batuuk bu.

Kafeeñal ku 12:9

Éjufuur yómbokun i n'éfiitenee tíyaŋ. Yo yeemo fu doon dúbuunaay dihaan du, dundu dubuut ésuk i kareyi fe. Do difi kaane Batuuk bu man yooŋ Setani. Ni dífiitenee t'etaam i, do n'emalaka yite te do.

Kafeeñal ku 13:8

Bakate ku t'etaam i fe kásukaay éndakakureŋ i; aamo fu bakan ku fe ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee. Kaawiit kondu kite Ametek eeyoolee u.