Eleetar i yi Pool akiñje i bakate ku Rom 12:1 - Kwatay (Kuwaataay)

¹ Náami kújakuwe, makamu Atambatun aŋ'ayubiyen úne dómbokun, íñj'endu ti kaanuuun waasi, ariwuno siniuun naane *kaasarah keeroŋe, keenabe yooŋ, abe nu kutoofo. Iyu a ariwaro fu kasayi ti hiñaawu nu múniyo.

Eleetar i yi Pool akiñje i bakate ku Rom 12:1 ပူးပေါင်းရင်းမြစ်များ

Hirim Heetoofe hu hi Luk akiñje hu 7:47

Ho h'isok fee bonde n'awe: wuhoofoor woone weehooje wu fe wuboŋketee. Iŋ'ite ho h'áwufoore fu kámaŋi kómbokun kee. Bare an eeboŋketee diŋgilis, aŋ'ámaŋi diŋgilis.

Eleetar i yi Pool akiñje i bakate ku Rom 12:2

Atum'ariliikool ni máhinar mite mu bakate ku t'etaam ye; ariwas Atambatun eewunuun biyinoor bíyeni, man n'áriyemi bakan kíyeni. Af'árihin iyu, n'aŋ'áriyini kánandin b'ámaŋie bu. Bo beemo fu beejake bu, ni beetoofo bu, ni beekuure bu but.

Eleetar i yi Pool akiñje i bakate ku Rom 15:16

íiyemi aroka ite Yesu *Kiris bija ti keenooto ku Esuwif. Burok b'eemo bee te bo bite kawaare kite Hirim Heetoofe hu búmoomi naane bite *asaraha, kaanuku man keenooto ku Esuwif ni káyini káyemi kaasarah keetoofe Atambatun, ku Búwejet Beenabe bu bíkajine bija te o.

Eleetar i yi Pool akiñje i bakate ku Rom 15:30

Kújakuwe, íñj'endu ti káwasiyanuun bonde t'Anahaan ite úne Yesu Kiris, ni ti naane Búwejet Beenabe bu ii bíhin úne núumaŋioori: árisiiŋoorein n'íñje ariilaw Atambatun árihabanein uŋu húuma hu.

Eleetar i yi Pool akiñje i bakate ku Rom 2:4

Bare me á̱wiinianawiinian Atambatun aŋarkeyi naane ajakajak aa, aŋ'ámuñ yooŋ, abe amokenut ti kajoonan kúuwe? Á̱meyiit kaanuku kajaku kite Atambatun kuwarawar katiŋgii a̱awatanooro kinij kúuwe?

Eleetar i yi Pool akiñje i bakate ku Rom 6:13

Atum'aŋk'árisik siniuun arisaan kaahoofoor ku, kaanuku iŋi sibin síhin meejakut mu. Árisik so arisaan Atambatun naane bakan keeritanee t'eket i, abe n'árihabanein fe tu burok boone, aŋ'aribin árihin beejoŋoore bu.

Eleetar i yi Pool akiñje i bakate ku Rom 6:16

Árimeyiit kaanuku af'árisik kikawuun arisaan ake, abe n'aŋ'arijam te o, áriyemia búsukateen boone? Hahiyu arijuk, man áriijeŋgin kaahoofoor ku kiŋki kibin n'eket i, man yooŋ áriijeŋgin Atambatun, abe n'aŋ'ajokuun bakan kéejube.

Eleetar i yi Pool akiñje i bakate ku Rom 6:19

Íihamin iliik bo tu buroŋ bite bu húnakonak aŋarkeyi naane árisoŋkaariit arijok. Hítiyar hu, aŋ'árihabanein ariirok naane búsukateen bija tu buroon *beekuurut bu, ni káhinu kite meejakut mu, ariibaj buroŋ beejoŋoorut. Hahiye, aŋ'árihabanein ariirok naane búsukateen bija ti béejube bu, man n'aribaj buroŋ beenabe.

Eleetar i yi Pool akiñje i bakate ku Rom 9:23

Ámaŋamaŋi káwufoor diyu buŋ bi kániku koone kibaje fu yooŋ éñjeriŋ ti bakan k'ayubiyene ku, bokondu k'asoŋke ku bifare kaanuku keebin keemaat ti kániku kondu.

1 Korent 1:10

Kújakuwe, íñj'endu ti kalawuuun tu huruwu hite Anahaan ite úne Yesu *Kiris: arijamoor, káwaajinoor itim kibaj t'etutuun. Arijokoor alit tip ariibaj búwejet bifeeneŋ ni biyinoor bifeeneŋ.

2 Korent 10:1

Ésuk i kaane, íñje Pool, if'íyemi t'aruun, iŋ'iluubo luub, abe n'ifin ikambuun, n'iŋ'ibaj butum. Íñj'endu ti káwasiyanuun bonde ti *Kiris, eeemo u an éeneenie, abe n'ajak:

2 Korent 4:1

Atambatun ayubiyene fu eesaan uni burok bondu; iŋ'ite ho h'iriñakeit fu ni hiñaawu.

2 Korent 4:16

Iŋ'ite ho h'úñakeit fu hikee ni hiñaawu. Hutoof yooŋ sini site s'úne uŋu súbujo ni diŋgilis, ni diŋgilis, ñúwejet ñite ñ'úne iŋi ñihaŋ káyemi ñíyeni húnakonak.

2 Korent 5:20

Náami uni bakan ki Kiris aboñe, abe ti sembe soone t'if'írihamin, anokoor naane Atambatun humuumo af'áhaminuun. Uni bokondu ti káwasiyanuun bonde tu huruwu hite Kiris: waasuun, atum'ariteñeko kabukan ku n'Atambatun.

2 Korent 6:1

Makamu iŋ'irirok n'Atambatun, uni bokondu ti kaanuuun waasuun, atum'árihin kásoniyan k'Atambatun ásoniyanuun ku kéeyemi kite fuufu.

Efees 4:1

Náami íñj'endu ti kalawuuun bonde, íñje eekulee u aŋarkeyi naane iŋ'irok bija t'Anahaan u: buroŋ boonuun bíyemi naane t'Atambatun ámaŋie du h'aruwuun hu.

Efees 5:10

Áriñiŋkaan ariiŋes beetoofe bu Anahaan u.

Fílip 1:20

Ti kanahan k'eemo kee te ko, n'eyakar y'eemo yee te yo, at'arko hikee-kee íñje ifuñee. Aaa, b'ímaŋie bu bare úmiye nu ko kireyi fe beemo fu hikawam hiyaŋg piŋ, íiwufoor íhabanein kaanuku Kiris ahahahah, hutoof íñje buroŋ man yooŋ íñje káaketin.

Fílip 2:17

Naane áriyilene i t'Atambatun, anokooreenokoor naane *kaasarah. Maske boko kayooliam, bare ifi bibaj, halan húuma káwutiyenee ti kaasarah kondu, abe hikawam n'uŋu hutoof dómbokun. Abe katoofu keeemo ku t'íñje, ímaŋamaŋi aribaj ko.

Fílip 4:18

Ijukajuk buroon b'áriboñinam bu fe, abe ahaheehah. Makamu Épafurodit abinambin nu buroon b'áriboñinam bu, hahiyu ibaja doon d'isawulee du fe. Buroon b'ariwunam bu búmoomi naane *kaasarah keehunde, kaasarah k'Atambatun ase, abe nu kutoofo.

1 Tesalonik 4:1

Hahiyu kújakuwe, arijamajam t'uni buŋ b'ariware fu káhinu ariitoof Atambatun, abe múniyo bo yooŋ b'af'árihin. Bare uni bokondu ti kalawuuun tu huruwu hite Anahaan u Yesu, abe n'íriwasiyanuun bo yooŋ man n'árihin ahaŋ diyu.

1 Tesalonik 4:10

Iyu yooŋ a arijoke fu kéeyilene ku fe bakate ku Maseduwan ereyi bif. Bare uni bokondu ti káwasiyanuun man n'árihin ahaŋ diyu.

1 Tesalonik 5:12

Kújakuwe, uni bokondu ti kalawuuun bonde: árijeŋgin égila yeenuun kiŋki karok t'aruun, abe ni karimuun, ábuki Anahaan u ajifaniin fu.

1 Timote 2:3

Bondu bijake fu, abe nu butoof yooŋ Atambatun *Afakana ite úne.

1 Timote 5:4

Arko bakaake tu boko kákooki biñi, man yooŋ bakañiiin kákooki biñi, bi biñi bu kaware bu kajabu te bo beemo fu katofotoor sifaafiin ni síñaayiin, keefin kéegaliniin naane ii katofotooriin yéeni. Bondu butoofe fu Atambatun. Ti katofotoor kite butoŋ booniin ti kayak fu káwufoor kaanuku káhinahin bi bítim bite *Kiris bíkandijene bu.

Filemoŋ 1:10

íñj'endu ti kalawii bike bija t'Onesim. Ijokojok naane añiam diye t'ekulu i, ábuki ajoka bítim bite Kiris.

Filemoŋ 1:9

Bare íñje kalawii bonde aŋarkeyi naane wáamaŋiooramaŋioori. Íñje Pool t'ihaane dee, abe yooŋ hahiyu ikuleekul aŋarkeyi naane iŋ'irok bija ti Yesu Kiris,

Esuwif i 13:22

Kújakuwe, íñj'endu ti káwasiyanuun bonde: arijamatan jak kirim konde kite kayaŋgananuun kikaw k'íkiñjinuun kee t'eleetar yende yeekambut yee.

1 Piyeer 2:20

Af'aritin, abe n'árimuñ boko ti kámiñu koonuun, aañ ayakuun fu kasokoroor? Bare n'arifin árihin beejake, abe n'árimuñ boko ti kámiñu koonuun, bondu bijakajak faa t'Atambatun.

1 Piyeer 2:5

Áritofin man aruun yooŋ n'ariyitee naane bujuju beeroŋe, bija tu kunut kite enuuf ite Búwejet Beenabe bu. Aruun káyemi toko eja yite *esaraha keenabe, aŋ'aribin arisarah naane Búwejet bu busokuun i, abe Atambatun n'aŋ'asa wo iŋ'ite hu Yesu *Kiris.