Eleetar i yi Pool akiñje i bakate ku Rom 11:6 - Kwatay (Kuwaataay)

⁶ Abe makamu ajifaniinjifan aŋarkeyi naane ajakajak, n'aŋ'áami kame akuuseit tu buroon bi káhine eejifaniin. Arko yéeni iyu af'ajifaniin, n'aŋ'áami kajaku koone am áyekiiin ko, kíteiit fuufu.

Eleetar i yi Pool akiñje i bakate ku Rom 11:6 ပူးပေါင်းရင်းမြစ်များ

Hirim Heetoofe hu hi Luk akiñje hu 6:13

Tifiita, n'aruw eriboora yeene, abe n'ajifan tu boko kaamo sumoŋu ni bákasuba. N'awuniin huruwu hite *epotor.

1 Korent 15:10

Bare Atambatun áwufooramwufoor kajaku koone éehinam íiyemi an u eemo ee, abe naane áwufooram i kajaku koone, áfiitenut: irokarok ihaŋ bakaaku epotor fe. Múniyo íñjeiit humuumam if'irok iyu, bare kajaku k'Atambatun áwufooram ku keeemo ku t'íñje ufu kurok iyu.

Galasi 2:21

It'iteñeko hikee kajaku k'Atambatun áwufoore ku. Ábuki arko Eluwa yite Moyis eja fu kákinineŋ Atambatun n'ajok ésuk i bakan kéejube, náami kame Kiris aketaket fuufu.

Galasi 5:4

Aruun keeŋes ku kaanuku man Atambatun n'aane árijubajub iŋi naane árijeŋgine i Eluwa yite Moyis, ariwasoora ni Kiris, kajaku kite Atambatun n'áruuniit.

2 Timote 1:9

Akina afakane fu úne, abe n'aruw úne kaanuku núuyemi bakan koone keenabe. Káanukiiit man úne únoŋke ajakee, bare aŋarkeyi naane búmoomi ti hikawo, abe yooŋ ámaŋamaŋi káwufoor úne kajaku koone. T'etaam i éwuwanoorutee, aanaan o kaŋaasu ti Yesu *Kiris éewufoor úne kajaku koone.

Eleetar i yi Pool akiñje i Tit 3:5

N'afakan úne, káanukiiit man aŋarkeyi naane úne úhine ajakee, bare aŋarkeyi naane am ayubiyene úne. Ti sembe site Búwejet Beenabe bu t'añawe fu úne. Búwejet Beenabe bu ifi bíhin n'úbukee ti kátiyar, abe nu buwun úne buroŋ bíyeni.