Eleetar i yi Pool akiñje i bakate ku Rom 11:20 - Kwatay (Kuwaataay)

²⁰ Nu múniyo. Bifiiteefiit aŋarkeyi naane bíyilenut ti Kiris, abe aruun n'árisikee arinaŋee toko aŋarkeyi naane áriyilenayilen. Bare atum'ariyitooro! Árikoleyi, ho húkoyie.

Eleetar i yi Pool akiñje i bakate ku Rom 11:20 ပူးပေါင်းရင်းမြစ်များ

Hirim Heetoofe hu hi Luk akiñje hu 18:14

Yesu n'áwutiyen aane: —Íñje isok fee n'aruun: h'asaa ite búhal bu áwaneina hu eeyeet, wuhoofoor woone wuboŋketee fu, bare wute wíiit Afarisiyeŋ u. Ábuki an fe eeyitooree, o kawananee, abe an fe eewananooree, o kayitiee.

Epotor i 18:6

Bare Esuwif i ni karito te o, abe ni kálafatino. Náami eehaŋkiin hafor hite wañ woone abe n'aaniin: —Af'áritowuto, aruun ariŋese bo. Ikuura toko but. Áfiitin ti hahiye, íñje kawasuuun iija iwaare ti keenooto ku Esuwif.

Eleetar i yi Pool akiñje i bakate ku Rom 11:18

Iŋ'ite ho aamo fu ariwarut kamaku ti biland bondu beefiitee bu. Ariimak yooŋ iŋi naŋ? Áruuniit arijoke fu kíjiŋ ku, bare kíjiŋ ku kujokuun fu.

Eleetar i yi Pool akiñje i bakate ku Rom 11:21

Ábuki Atambatun afut'awas Esuwif i keeemo ku naane biland bite nunukanuk neenawee, at'awasuun yooŋ.

Eleetar i yi Pool akiñje i bakate ku Rom 12:16

Arijok ésuk i fe kare. Atum'ariyitooro, bare arijokoor ni bakan keejokutee ku doon fe. Atum'arijokooro bakan kéewesinatee.

Eleetar i yi Pool akiñje i bakate ku Rom 12:3

Makamu Atambatun áwufooramwufoor kajaku koone, iisokuun bonde arireyi fe: an t'aruun atum'ayitooro. Árimeyi kep buŋ b'ariemo fu ariike, huruw fe t'aruun aliik ti káyilen k'Atambatun awuno ku.

Eleetar i yi Pool akiñje i bakate ku Rom 3:3

Náami arko bakaake tu boko kajoŋoorut, n'uŋ'úene fíya buŋ? Atambatun n'aŋ'araan yooŋ kajoŋoor ku aŋarkeyi naane boko kajoŋoorut?

1 Korent 10:12

Náami an af'ayinoor n'aane asiiŋasiiŋo ayanee, anaŋ toko hikawo atum'abin aney ti kaahoofoor.

1 Korent 15:1

Kújakuwe, íñj'endu ti kábaŋinanuun Hirim Heetoofe h'ibine hu isokuun, n'áriyilen ho, abe n'arijok ho yooŋ alit tip.

1 Korent 16:13

Áriniyo, abe n'arisiiŋo ayan faŋ ti káyilen ku. Atum'aŋ'árikoleyi, bare aribaj sembe.

2 Korent 1:24

Írimaŋiit káyemi eseef yeenuun iŋ'iribin irinoŋkooranuun bike ti káyilen koonuun, ábuki arijokajok te ko alit tip. B'iriŋes bu beemo fu núurok t'afeeneŋ bija ti katoofu koonuun.

2 Korent 10:5

nu doon fe dite jísaŋg deesiiŋanee dite káfibu ésuk i kaanuku itim kámeyi Atambatun. Iŋ'irijok yooŋ biyinoor bu fe irikul, kaanuku íriihin bo béejeŋgin Kiris.

Fílip 2:12

Náami kújakuwe, aruun k'ímaŋie-maŋie ku, árijeŋginamjeŋgin ko kireyi fe h'íyemie hu n'aruun; bare hahiye naane aamo i inooto t'aruun, ariwarawar kahaŋu kájeŋginam. Áriñiŋkaan ariirok áriiwufoor kaanuku arifakafak, abe n'árihin bo ti kábitu ni sembe hágila Atambatun,

Kolos 2:7

Arilooñ te o, abe n'arinut buroŋ boonuun yooŋ te o. Arihaŋ yooŋ kajoku alitee ti káyilen ku naane kaliikenuun i, abe n'aŋ'ariene Atambatun ko kireyi fe eyeehen.

2 Tesalonik 2:4

O kajeeŋan doon fe deenabe, nu doon fe déesukaayee. O kaanu ahaŋahaŋ bokondu fe. O bija ayak ayooso *t'Enuuf ite Atambatun eeriiko toko, abe n'aŋ'aane akina humuumo aamo fu Atambatun.

1 Timote 6:17

A̱ane kusaanum kite t'etaam ye itim kayitooro, itim kanaŋ yooŋ eyakar yeeniin t'ebaj yéefiyaariit. A̱aniin kanaŋ yo t'Atambatun aa awun úne areyi fe ahahan kaanuku núutoofan.

Esuwif i 3:12

Kújakuwe, arinaŋ toko kikawuun, an t'aruun atum'abaj búwejet béebaanie, abe ni biyaŋg biyak bíhino éewuŋg hiñaawu Atambatun eeemo u buroŋ.

Esuwif i 3:19

Abe újukajuk kaanuku kabinut káyini buyooso t'afaree du kaanuku keebin keeyih toko aŋarkeyi naane káyilenut.

Esuwif i 4:11

Náami úñiŋkaan man n'úbin úyooso toko t'úware du kayihu, ake t'úne atum'abin ateñeko kájeŋgin Atambatun naane sifaaf úne t'eramba i, abe n'áyoosaati toko.

Esuwif i 4:6

Étiyar i ti kajamu kite Hirim Heetoofe hu kayooseit toko aŋarkeyi naane kájeŋginut Atambatun. Bakaake bare káyinooni buyooso toko.

Saak 2:19

Eeman á̱yilenayilen kaanuku Atambatun afeeneŋ abaje fu? Kame beejake. Sirab su yooŋ síyilenayilen bondu, abe iŋi síbit ekoloowe taŋ.

Saak 4:6

Bare Atambatun ásoniyanasoniyan úne ahaŋ diyu tu dómbokun, ábuki Míkiñjin mu meenaan: «Atambatun aŋ'ásokum kiŋki kayitooro, bare kiŋki kátetianooro aŋ'ásoniyaniin.»

1 Piyeer 1:17

Aruun ti kalawu, aŋ'ariene Atambatun «Faafa». Bare aŋ'ajoonan kúŋgowulan ku fe aliik huruw tu doon d'aroke du, abe ásokumaariit. Iŋ'ite ho aamo fu tu kunak keeŋeñenuun ku t'etaam i, áriwufoor ti máhinar moonuun naane arijoko i nu sumoŋu súsuba.

1 Piyeer 5:12

Silas áyokunanam fu íikiñjinuun eleetar yende yéetofie ee. T'íñje, akina ati ite bifeeneŋ. Ímaŋiuunmaŋi kayaŋganan kikaw, abe n'eenuun yooŋ káasuumaay kite Atambatun naane isokuun ee i keemo fu. Arijok te ko alitee.

1 Piyeer 5:9

Arijok alitee ti káyilen ku, abe n'aŋ'aritandarisan te o, ábuki árimoomi kaanuku bakatuuun kéeyilene ku keeemo ku t'etaam i fe, sílaam sondu yooŋ s'ifi kajuk.

Kafeeñal ku 18:7

Árihin ho heejuk sílaam, nu wútaañi are ni naane hínikaanie i, are yooŋ n'ebaj yeehahe i yi híbajaanie i. Iŋi hiyinoor yéeni ni heene: “Iriikariiko diye naane áyi anaare, inooto anaare a áyino akete, abe it'ímus kátiñja hikee.”

Kafeeñal ku 3:17

Aŋ'a̱ane: “Íñje husaanum, íyekia ebaj, iŋkut isawula doon fe.” Bare á̱meyiit kaanuku á̱fuñinania, á̱tumba yooŋ á̱yubinani! A̱bajut doon fe, á̱fuumafuum, aw'ondu yooŋ fuufii.