Eleetar i yi Pool akiñje i bakate ku Rom 11:2 - Kwatay (Kuwaataay)

² Atambatun áfiitenut bakan koone k'asoŋke ku bijifan. Mánoman árimoomi naŋ *n'Eli asoke fu ti *Míkiñjin mu h'abine hu asaboor t'Atambatun iŋ'ite hu Israyel. Aanaan:

Eleetar i yi Pool akiñje i bakate ku Rom 11:2 ပူးပေါင်းရင်းမြစ်များ

Mark 12:26

Hite bíriteina bite keekete ku, kame arijaŋgeit ti kaawiit ku Moyis akiñje ku, tu busokee du iŋ'ite añoyi éeyelie u abe ásufeit? Bikiñjeekiñj kaanuku Atambatun aanaan Moyis: «Íñj'eemo fu Atambatun ite *Aburaham, *n'Isak, ni *Sakob.»

Hirim Heetoofe hu hi Luk akiñje hu 4:1

Yesu n'ánuutin inde kaayelu kite *Surdeŋ, o káahoojin bib nu Búwejet Beenabe bu. O ti biyeetu bu, Búwejet bu ni bija ne o t'eramba i.

Saaŋ 4:11

Anaare u n'aano: —Abuke, a̱bajut ebaag, abe ésaabun i ésulasuli. Á̱ayitin diin móhujo mondu mummu muwun buroŋ bu?

Epotor i 13:48

Hi keenooto ku Esuwif kajame hu bondu, kikawiin nu kutoof naane, abe ni káyemi ti kasokoroor hirim hite Anahaan u. K'Atambatun ajifane ku fe kaanuku keebaj buroŋ béehabanaariit bu, ni káyilen.

Epotor i 15:18

Íñje isoke fu bo, íñje Atemit, abe íhinahin ésuk i kéemeyi bo huta hu kóŋkeyin.»

Epotor i 3:17

«Kújakuwe, hahiyu ímoomi kaanuku ti kámeyiaate t'árihine fii Yesu, aruun n'eseef yeenuun.

Epotor i 7:40

Ni kaane *Aaron: “A̱rok uni etambatun iŋi kabin kayitee kéegilan uni, ábuki áyin ondu Moyis éenuutanna u úne Esipt, írimeyiit doon deebajo.”

Eleetar i yi Pool akiñje i bakate ku Rom 6:16

Árimeyiit kaanuku af'árisik kikawuun arisaan ake, abe n'aŋ'arijam te o, áriyemia búsukateen boone? Hahiyu arijuk, man áriijeŋgin kaahoofoor ku kiŋki kibin n'eket i, man yooŋ áriijeŋgin Atambatun, abe n'aŋ'ajokuun bakan kéejube.

Eleetar i yi Pool akiñje i bakate ku Rom 9:23

Ámaŋamaŋi káwufoor diyu buŋ bi kániku koone kibaje fu yooŋ éñjeriŋ ti bakan k'ayubiyene ku, bokondu k'asoŋke ku bifare kaanuku keebin keemaat ti kániku kondu.

Eleetar i yi Pool akiñje i bakate ku Rom 9:6

Eenut Atambatun áhinut b'asoke bu, aaa. Bare káanukiiit bakañi Israyel kareyi fe kaamo fu bakañi Atambatun bakate ku nu múniyo.

1 Korent 6:2

Árimeyiit kaanuku bakan k'Atambatun akino ku kaja fu kajoonan bakate ku t'etaam i? Abe arko aruun ariware fu kajoonan bakate ku t'etaam i, n'áriyiniaati fíya kajoonan beeŋaaŋut bu kabaju éñjeriŋ?

1 Korent 8:3

Bare an éemaŋie u Atambatun, Atambatun ámoomio.

Fílip 1:22

Bare arko íñje buroŋ, íyinooni káhinu burok beebaje éñjeriŋ. Náami ímeyiit naŋ n'iware fu kajifan tu buroŋ bu n'eket i.

Esuwif i 1:1

Hítiyar hu, Atambatun áhaminahamin sifaaf úne kómbokun, áŋaasann bo *t'eyiŋana yeene; áhaminiinhamin kuhooj ti sifasoŋ seewayee.

1 Piyeer 1:2

Atambatun Faaf u ajifanuunjifan aliik naane t'afiye du asok. Búwejet boone bíhinuunhin áriiyemi bokoone ku kaanuku áriijeŋgin Yesu Kiris, abe halan hoone nu *hukuuranuun. Atambatun aja ahaŋuun kásoniyan, abe n'awunuun yooŋ káasuumaay keefame-fam.