Eleetar i yi Pool akiñje i bakate ku Rom 11:14 - Kwatay (Kuwaataay)

¹⁴ Iŋ'íhin bo kaanuku man ti bíyinie kabaju, bakan k'írihine ku eheet efeeneŋ ni kahiñan, íihin bakaake tu boko keefak.

Eleetar i yi Pool akiñje i bakate ku Rom 11:14 ပူးပေါင်းရင်းမြစ်များ

Eleetar i yi Pool akiñje i bakate ku Rom 10:19

Iisooñ íkandijen bonde: bakate ku Israyel fíya kánandinut? Wala, kánandinanandin. Ábuki kóyin Moyis, Atambatun aanaan: «Íñje káhinuuun ariihiñan baabu biheet. Íñje káhinuuun ariiyiŋat ti bakan kéewesinateit ku.»

Eleetar i yi Pool akiñje i bakate ku Rom 11:11

Náami íikandijen bonde: h'Esuwif i kábiŋane hu, kaneyaney fíya hiraanu? Mayet fu! Bare kaahoofoor kooniin kíkinineŋe fu keenooto ku Esuwif ni káyiniee kafakan. Bo bíkinineŋe fu Esuwif i ni kahiñaniin.

1 Korent 1:21

Múniyo kúŋgowulan ku nu búwesinato booniin fe kámeyiit Atambatun, abe bondu Atambatun áhine fu bo nu búwesinato boone. Náami Atambatun áhabaneina fu kaanuku eefakan *kéeyilene ku ni hirim hih'iriwaare heeemo hu naane heeñunut.

1 Korent 10:33

Árihin naane íñje ii iŋes katoofu ésuk i ereyi tu buroon bu fe bimb'íhin. Iŋesut beejake bu bija t'íñje, bare beejake bu bija t'ésuk i ereyi b'iŋese fu kaanuku man ni kafak.

1 Korent 7:16

Bare íikandijenuun bonde: awe anaare u, á̱moomi me man awe káyini kafakan áyini? Awe yooŋ ániine u, á̱moomi me man awe káyini kafakan anaarei?

1 Timote 1:15

Hirim h'ija hee kasokii héewoore, abe huruw fe awarawar ho kanaŋu ti hikawo: Yesu Kiris abinabin t'etaam ye kaanuku eefakan ehoofoora i. Íñje ihaŋiin fu kajakaate fe,

1 Timote 2:4

Ámaŋamaŋi kaanuku ésuk i fe keefak, abe ni kámeyi múniyo mu.

1 Timote 4:16

A̱naŋ toko hikawi tu buroŋ búuwe, ni ti bamb'a̱liiken ésuk i. A̱jok tu bondu alitee. Af'á̱hin iyu, n'aŋ'a̱fak, kiŋki kajamatani yooŋ n'iŋi kafak.

2 Timote 1:9

Akina afakane fu úne, abe n'aruw úne kaanuku núuyemi bakan koone keenabe. Káanukiiit man úne únoŋke ajakee, bare aŋarkeyi naane búmoomi ti hikawo, abe yooŋ ámaŋamaŋi káwufoor úne kajaku koone. T'etaam i éwuwanoorutee, aanaan o kaŋaasu ti Yesu *Kiris éewufoor úne kajaku koone.

2 Timote 2:10

Bo bíkinineŋe fu n'iŋ'ímuñ areyi fe iŋ'ite hu bakan k'Atambatun ajifane ku, kaanuku man boko yooŋ Yesu Kiris n'afakaniin, abe n'ánikaniin hiraanu.

Eleetar i yi Pool akiñje i Tit 3:5

N'afakan úne, káanukiiit man aŋarkeyi naane úne úhine ajakee, bare aŋarkeyi naane am ayubiyene úne. Ti sembe site Búwejet Beenabe bu t'añawe fu úne. Búwejet Beenabe bu ifi bíhin n'úbukee ti kátiyar, abe nu buwun úne buroŋ bíyeni.

Filemoŋ 1:12

Íibatikannio hahiyu, bare anokooreenokoor kite eholam y'isaani fii.

Esuwif i 1:14

Náami emalaka i boko naŋ? Kareyi fe ñúwejet barebare, iŋi karok bija t'Atambatun. Áboñiniinboñin kaanuku iŋi kabin káyokunan keeyak ku bibin kafaku.

Esuwif i 2:3

Náami buŋ b'úyino fu kafaku tu kúnuur kondu kéesufe ku, kane arko núuwiinen hirim héeyinie hu úne kafakan, h'Anahaan u Yesu humuumo ajabe hu asok? Keejamo ku ti báhamin bu kaanaan úne hite nu múniyo.