Eleetar i yi Pool akiñje i bakate ku Rom 10:17 - Kwatay (Kuwaataay)

¹⁷ Náami káyilen ku iŋi kibin ti kajamatan kite báhamin bu, abe báhamin bondu uŋu búnuutin ti kasoku kite hirim hite hu Kiris.

Eleetar i yi Pool akiñje i bakate ku Rom 10:17 ပူးပေါင်းရင်းမြစ်များ

Mark 4:24

N'asooñ aaniin: —Arinaŋ kikawuun ti bamb'arijam! Ti kinij koonuun t'Atambatun aja fu kaneefan eenij yooŋ t'aruun; abe boonuun bu kahaŋu.

Hirim Heetoofe hu hi Luk akiñje hu 11:28

Bare Yesu n'aano: —Ti kiŋki kajamatan hirim hite Atambatun, abe ni kajok ho t'ahaŋe fu katoofu!

Hirim Heetoofe hu hi Luk akiñje hu 8:11

—Beekolofanee bonde, iye i bije fu: sinawaay su seemo fu hirim hite Atambatun.

Hirim Heetoofe hu hi Luk akiñje hu 8:21

Bare Yesu n'aaniin kareyi fe: —Kiŋki kajamatan hirim hite Atambatun, abe ni káhin naane husoke i, bokondu kaamo fu íñaayam ni bakat'am.

Saaŋ 1:37

Eriboora yeene t'ésubaiin ni kajam naane asoke i. Náami keesa Yesu ti hiñaawu.

Eleetar i yi Pool akiñje i bakate ku Rom 1:16

Ifuñeit kawaare Hirim Heetoofe hu: ho heemo fu sembe site Atambatun sans'afakan ne so an fe éeyilene, éejabin t'Esuwif i, abe n'ahabanooro ti keenooto ku Esuwif.

Eleetar i yi Pool akiñje i bakate ku Rom 10:14

Bare buŋ bi kaja fu karuwio ti káyilenut te o? Buŋ bi kaja fu káyilen te o ti kajamut huruwu hoone? Buŋ bi kaja fu kajamu huruwu hoone ti kabajut an eesokiin ho?

2 Korent 2:17

Irinooto naane bakaaku keehooje kaa kiŋki kájula Hirim hite Atambatun. Uni iŋ'írihamin boone bu ajoŋoor júl, abe yooŋ tu buhooŋio naane eroka bakate Kiris, ábuki akina Atambatun aboñe fu uni.

Galasi 3:2

Doon difeeneŋ donde taŋ d'ímaŋie fu arisokam: Búwejet bite Atambatun, aribajabaj bo aŋarkeyi naane árijeŋginajeŋgin *Eluwa yite Moyis, man yooŋ aŋarkeyi naane arijamajam Hirim Heetoofe hu abe n'áriyilen ho?

Galasi 3:5

H'Atambatun hah'awunuun Búwejet boone, abe n'aŋ'áhin t'aruun beehaŋuun kikaw, aŋarkeyi me naane aruun árijeŋgine Eluwa yite Moyis, bare me? Aaa, áhinahin bo aŋarkeyi naane aŋ'arijam Hirim Heetoofe hu abe n'áriyilen ho.

Kolos 3:16

Hirim hite Kiris hija hikin t'aruun, n'ebaj ite te ho fe. Ariliikenool, abe n'aririmoor nu búwesinato boonuun bireyi fe. Arihooñ kuhooñu kánokan kite k'Atambatun, abe n'arihooñ ko suhol soonuun síhabanein ariieno eyeehen.

1 Tesalonik 2:13

Iŋ'iriene Atambatun ko kireyi fe eyeehen ti bike yooŋ: h'irisokuun hu hirim hite Atambatun, arijamatanajamatan, abe n'áriyilen ho náaneiit hirim hite húŋgowulan, bare naane hirim hite Atambatun; múniyo hite h'Atambatun, abe uŋu hurok t'aruun kéeyilene ku.

Esuwif i 4:2

Ábuki újamajam Hirim hondu Heetoofe hu, hite kaanuku úne buyooso t'afaree du núubin úuyih toko, naane kéeyemie ku t'eramba i kajame i ho yooŋ. Bare hirim hi kajame hu híñjeriŋutiin doon fe, ábuki káyilenut ho tu ñúwejet ñooniin.

1 Piyeer 1:23

Aribukeebuk ti kátiyar; káanukiiit kúŋgowulan kite kaketu kubukuun, bare Atambatun éeketaariit u abukuun fu. Áhinahin bondu ni hirim hoone heeroŋe hu, abe híhabanaariit yooŋ.

Kafeeñal ku 1:9

Íñje Saaŋ atuuun iŋi naane úhine i t'afeeneŋ ni Yesu *Kiris. Úne bakate ti Jáyi jite Atambatun, abe íñj'endu ti kajuku sílaam naane aruun, íñj'endu yooŋ ti kámuñu kep naane aruun. Kajokamjok kabin káfiiten t'ekiŋk yende yiyi kaane Patmos aŋarkeyi naane iŋ'iwaare hirim hite Atambatun, nu múniyo mi Yesu áwufooram mu.