Eleetar i yi Pool akiñje i bakate ku Rom 1:8 - Kwatay (Kuwaataay)

⁸ Iijab eene Atambatun úuma eyeehen uŋu hoonuun hu arireyi fe, iŋaasan bo ti Yesu *Kiris, ábuki káyilen koonuun kijamajamo t'etaam i fe.

Eleetar i yi Pool akiñje i bakate ku Rom 1:8 ပူးပေါင်းရင်းမြစ်များ

Májiye 24:14

Hirim hondu Heetoofe hu hite *Jáyi jite Atambatun kawaaree t'etaam i ereyi fe, kaanuku ésuk i fe keejam ho. N'aŋ'atik áami kamoosen kite etaam i.

Hirim Heetoofe hu hi Luk akiñje hu 2:1

Kóŋkeyin, Ogist *áyi ómbokun eeemo u *Rom, n'aane bakate búsuk beejame bu te o fe káhin kuruwu kooniin keekiñjee.

Epotor i 11:28

Ake tu boko huruwu hoone Agabus n'arito asiiŋo, abe Búwejet Beenabe bu ni bitiŋgo eesok kaanuku bujoñjol bómbokun kabaju t'etaam i ereyi fe. (Múniyo ni bibin bibaj hu Kúlod áyemie hu *áyi ómbokun eeemo u Rom.)

Epotor i 28:22

Bare írimaŋamaŋi a̱akam uni awe humuumi b'a̱yinoore bu, ábuki írimoomi kaanuku tánotan fe, ésuk i iŋi kateñeko bítim b'a̱amo bu te bo.

Eleetar i yi Pool akiñje i bakate ku Rom 10:18

Hahiyu eene i: bakate ku *Israyel kajamut fíya báhamin bu? Áyine wala, kajamajam bo! Míkiñjin mu meenaan: «Wuji wute kiŋki kawaare hirim hu wujameejam t'etaam i ereyi fe, abe báhamin booniin bireeŋareeŋ tánotan t'etaam i.»

Eleetar i yi Pool akiñje i bakate ku Rom 16:19

Aruun bare, ésuk i fe émoomi kaanuku árijeŋginajeŋgin Anahaan u. Hikawam hutoofa dómbokun uŋu hoonuun hu. Bare ímaŋamaŋi áriwesinato aŋ'aribin árihin meejake mu, abe atum'arikol ni meejakut mu.

Eleetar i yi Pool akiñje i bakate ku Rom 6:17

Bare úene Atambatun eyeehen: aruun kéeyemie ku hítiyar hu búsukateen bite kaahoofoor ku, arijokajok hahiye árihabanein tu múniyo m'ariliikenee mu.

1 Korent 1:4

Ko kireyi fe iŋ'eene Atambatun úuma eyeehen uŋu hoonuun hu, iŋ'ite kajaku koone k'áwufooruun ku ti Yesu *Kiris.

2 Korent 2:14

Bare úene Atambatun eyeehen, ábuki aŋ'aja n'úne ko kireyi fe kaanuku núumaat tu búriiŋan bite *Kiris. Úne k'ásike fu kaanuku núuhin Kiris éemeyiee tánotan, naane mátiso meehundane tánotan.

Efees 1:15

Iŋ'ite ho aamo fu huta h'iŋ'ibin ijam kaanuku áriyilenayilen t'Anahaan u Yesu, nu buŋ b'árimaŋie fu yooŋ bakan k'Atambatun akino ku fe,

Efees 1:16

iwasut kaanu Atambatun eyeehen uŋu hoonuun hu. If'íyemi ti kalawu, iŋ'íbaŋinouun.

Efees 3:21

Aja ákini ko kireyi fe ni hiraanu kániku ku tu buroŋ bite *kéeyilene ku, ni ti Yesu Kiris! Amiin.

Efees 5:20

Ariene ko kireyi fe Atambatun Faaf u eyeehen tu doon areyi fe, tu huruwu hite Anahaan ite úne Yesu Kiris.

Fílip 1:11

Yala kunoŋk koonuun fe ni kíyemi keejake ti sembe site Yesu Kiris, bija ti kánikan kite Atambatun, ni kasokoroor koone.

Fílip 1:3

Ko kireyi fe, ehelam ef'éyemi t'aruun, iŋ'eene Atambatun ite úne eyeehen.

Kolos 1:3

Iŋ'iriene Atambatun Faaf ite Anahaan ite úne Yesu *Kiris eyeehen ko kireyi fe kane íriyemi ti kalawu bija t'aruun.

1 Tesalonik 1:2

Iŋ'iriene Atambatun ko kireyi fe eyeehen uŋu hoonuun hu arireyi fe, abe iŋ'irilaw yooŋ ko kireyi fe bija t'aruun.

1 Tesalonik 2:13

Iŋ'iriene Atambatun ko kireyi fe eyeehen ti bike yooŋ: h'irisokuun hu hirim hite Atambatun, arijamatanajamatan, abe n'áriyilen ho náaneiit hirim hite húŋgowulan, bare naane hirim hite Atambatun; múniyo hite h'Atambatun, abe uŋu hurok t'aruun kéeyilene ku.

2 Tesalonik 1:3

Kújakuwe, iriwarawar kaanu Atambatun ko kireyi fe eyeehen uŋu hoonuun hu. Abe ajakeejak naane ii írihin iyu, ábuki káyilen koonuun kihaŋa bija hágila, abe kámaŋioori k'árimaŋioorie ku kondu ti kahaŋu kayanu.

2 Timote 1:3

Ko kireyi fe if'íyemi ti kalawu kaajiŋgan ni káajiim, iŋ'ilaw bija t'awe, abe iŋ'eene Atambatun eyeehen uŋu húuwe hu. Iŋ'eeno eyeehen, akina ii irok uŋu hoone hu n'ehol yeekuure but naane sifaafam kómbokun ii káhinaani.

Filemoŋ 1:4

Filemoŋ, ko kireyi fe kane íyemi ti kalawu bija t'awe, iŋ'eene Atambatun ite úne eyeehen,

Esuwif i 13:15

Ko kireyi fe, úhin kaasarah kite kasokoroor Atambatun úŋaasann ko ti Yesu Kiris; aamo fu úsokoroor huruwu hite Atambatun.

1 Piyeer 2:5

Áritofin man aruun yooŋ n'ariyitee naane bujuju beeroŋe, bija tu kunut kite enuuf ite Búwejet Beenabe bu. Aruun káyemi toko eja yite *esaraha keenabe, aŋ'aribin arisarah naane Búwejet bu busokuun i, abe Atambatun n'aŋ'asa wo iŋ'ite hu Yesu *Kiris.

1 Piyeer 4:11

An eeemo ti kawaare awarawar kasoku kirim kite Atambatun. An eeemo ti káyokunan ake awarawar káhabanna sembe s'Atambatun awuno su, kaanuku man tu buroon bu fe Atambatun n'asokorooree iŋ'ite hu Yesu *Kiris. Kániku ku kíyemi koone ku hiraanu, ni sembe su fe! Amiin.