Eleetar i yi Pool akiñje i bakate ku Rom 1:25 - Kwatay (Kuwaataay)

²⁵ Iŋi kawas múniyo mite Atambatun keejok ti haajuus hu. Ni kásukaay buroon b'áwuwane bu, abe ni katofotoor bo yooŋ, keewaso akina Áwuwana u eeware u kasokorooree ko kireyi fe! Amiin.

Eleetar i yi Pool akiñje i bakate ku Rom 1:25 ပူးပေါင်းရင်းမြစ်များ

Májiye 10:37

«An af'ámaŋi faafo man yooŋ íñaayo ahaŋ naane ámaŋiam i, ayinaat káyemi ariboora úuma. An n'ámaŋi ahaawa oone, man yooŋ ásuŋgute oone ahaŋ naane ámaŋiam i, ayinaat káyemi ariboora úuma.

Májiye 6:24

—Abajut an éeyinie kájeŋgin kunahaan bákasuba y'afeeneŋ. O kahaŋu kámaŋi ake, o yooŋ kahaŋu kájeŋgin ake. Ariyinaat kajoku t'Atambatun, abe n'arijok yooŋ ti sírirem.

Saaŋ 2:8

Yesu n'aaniin: —Hahiyu arisur diŋgilis, abe n'arija arisaan ajak u eejeken. Ni káhin naane asokiin i.

Eleetar i yi Pool akiñje i bakate ku Rom 1:18

Atambatun áwufoorawufoor huta hu t'etiir bufor bu kaanuku ayiŋatayiŋat tu kúŋgowulan ku iŋi naane ii kahoofoor, abe ni káhin yooŋ meejakut. Ni kinij kooniin keejakut ku n'ifi kahokan múniyo mu.

Eleetar i yi Pool akiñje i bakate ku Rom 1:23

Iŋi kateñeko kásukaay Atambatun éenike u abe yooŋ áketaariit, keefin kéesukaay ñúwisenum ñite kúŋgowulan ku kiŋki kaket, ajok ñite bilele bu, ni ñite bíndakakureŋ bu, ni ñite ñuroon ñúbuunaay ñu.

Eleetar i yi Pool akiñje i bakate ku Rom 9:5

Boko kaamo fu bakañi sifaaf su kómbokun ku bakate ku kóŋkeyin k'Atambatun ajifane ku. Kiris yooŋ ite t'eheet yeeniin h'abine hu éeyemi húŋgowulan. Akina aamo fu Atambatun eehaŋe u doon areyi fe. Úsokorooro ko kireyi fe! Amiin.

2 Korent 11:31

Atambatun, Faaf ite Anahaan u Yesu ámoomi kaanuku ijuusut. Úsokorooro ko kireyi fe!

Efees 3:21

Aja ákini ko kireyi fe ni hiraanu kániku ku tu buroŋ bite *kéeyilene ku, ni ti Yesu Kiris! Amiin.

1 Tesalonik 1:9

Ésuk i fe eŋ'esok naane arijoke i uni áwariee h'iribine hu t'aruun, ni naane ariwase i ñájiim ñu ariijok t'Atambatun eeemo u buroŋ, abe n'árijeŋgino, akina ite u nu múniyo.

1 Timote 1:11

Beeliikenee bondu, bondu ti Hirim Heetoofe hu h'isaanee hu, heesoke hu bite b'Atambatun éenike u, abe n'ajak.

1 Timote 1:17

Úsokoroor Áyi ite u hiraanu, abe n'únikano bija bandoor, akina Atambatun afeeneŋ u taŋ, éeketaariit u, éejukaariitee u yooŋ! Amiin.

2 Timote 3:4

Boko kásiku bakan kasaan bakaake, ni káhin yooŋ buroon beeñunut, abe ni kayitooro. Kámaŋi kite beetoofiin bu kihaŋe fu tu boko kámaŋi kite Atambatun.

1 Saaŋ 5:20

Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.