Eleetar i yi Pool akiñje i bakate ku Rom 1:16 - Kwatay (Kuwaataay)

¹⁶ Ifuñeit kawaare Hirim Heetoofe hu: ho heemo fu sembe site Atambatun sans'afakan ne so an fe éeyilene, éejabin t'Esuwif i, abe n'ahabanooro ti keenooto ku Esuwif.

Eleetar i yi Pool akiñje i bakate ku Rom 1:16 ပူးပေါင်းရင်းမြစ်များ

Mark 8:38

Isokuunsok bonde ábuki ake ti bakate ku hahiye kéewuŋge ku Atambatun kiñaawu, ehoofoora yooŋ, af'aane ífuñinanafuñinani te o, íñje ni kirim kúuma, *Añi ute Húŋgowulan hu yooŋ kaanu áfuñinanafuñinani te o kane aja abin ti kániku kite Faafo, akina n'emalaka i keenabe ku.

Hirim Heetoofe hu hi Luk akiñje hu 9:26

Ábuki ake af'aane ífuñinanafuñinani te o, íñje ni kirim kúuma, *Añi ute Húŋgowulan hu yooŋ kaanu áfuñinanafuñinani te o kane aja abin ti kániku koone, ni kite ku Faafo, ni kite k'emalaka i keenabe ku.

Saaŋ 7:35

Esuwif i n'iŋi kaanoor toko: —Diin fíya t'aja fu t'utu du úyinio kajuku? Eeja fíya t'Esuwif i keeyisaloolee ku *t'Egerek i? Butum fíya aŋ'abin aliiken Egerek i?

Epotor i 3:26

Náami t'aruun t'Atambatun ajabe fu áŋaasann aroka oone. N'áboñino kaanuku eebin éesoniyanuun, éehin huruw fe t'aruun eewatanooro kinij koone keejakut ku.»

Eleetar i yi Pool akiñje i bakate ku Rom 10:17

Náami káyilen ku iŋi kibin ti kajamatan kite báhamin bu, abe báhamin bondu uŋu búnuutin ti kasoku kite hirim hite hu Kiris.

Eleetar i yi Pool akiñje i bakate ku Rom 15:19

Áhinahin bo ni sembe ti beehaŋe bu ésuk i kikaw, ni ti sembe site Búwejet Beenabe bu. Iye i iwaare fu fe Hirim Heetoofe hite hu Kiris tánotan fe, huta hu Serusalem bija yooŋ Iliri.

Eleetar i yi Pool akiñje i bakate ku Rom 15:29

Abe bukuuramkuur kaanuku if'ija ibin t'aruun, kásoniyan kómbokun kéenuutina ti Kiris k'ibin fu ne ko.

Eleetar i yi Pool akiñje i bakate ku Rom 2:9

Kiŋki káhin meejakut mu kareyi fe, boko kajuku sílaam nu wútaañi, ájabin t'Esuwif i, abe n'ahabanooro ti keenooto ku Esuwif.

Eleetar i yi Pool akiñje i bakate ku Rom 4:11

Abe Atambatun n'abin áhino eetey karam: karam kondu keemo fu ékeetanuma yéewufoore i kaanuku Atambatun ajokojok an éejube iŋ'ite káyilen koone, abe kóŋkeyin o t'ateyoorut karam. Iyu i Aburaham aamo fu faaf ite bakan ku fe kéeyilene ku t'Atambatun ti kateyit karam. Abe bokondu Atambatun ajokiinjok bakan kéejube.

1 Korent 15:2

Te ho t'Atambatun aja fu kaŋaasu eefakanuun, kane arko ariijok ho naane t'ibine du isokuun ho. Káhinaate iyu, n'aŋ'áami áriiyilen fuufu.

1 Korent 2:2

Ábuki h'ibine hu t'aruun, íhabaneinohabanein kaanuku it'isok bike fe, kane arko bite bu Yesu *Kiris eeyoolee u *t'ekuruwa i.

1 Korent 2:4

B'isoke bu ni b'iwaare bu, íhinut bo ni kirim keetoofe kite búwesinato bite húŋgowulan. Bare Atambatun áwufooruunwufoor ni sembe site Búwejet boone kaanuku b'isoke bu bite toko.

1 Korent 9:12

Arko bakaake káyinooni kabaju t'aruun buroon bite kákuumaniin, úniiit fíya iriware fu kahaŋiiin kabaju bo? Bare írihinut iyu. Írimuñamuñ areyi fe kaanuku Hirim Heetoofe hu heesoke hu bite bu Kiris itim hifitee.

1 Korent 9:18

bajaam búuma ni bíyemi naŋ? Bo beemo fu iwaare fuufu Hirim Heetoofe hu, t'iŋesut kabaju toko doon d'awaaraa Hirim Heetoofe hu aware du kabaju.

2 Korent 2:12

H'ije hu Trowas kaanuku iiwaare bo Hirim Heetoofe hite hu *Kiris, n'ijuk kaanuku Anahaan u áfeŋginamfeŋgin bo bítim kaanuku iirok.

2 Korent 4:4

Bokondu káyilenut, ábuki atambatun eejakut u ite etaam i ámiñamiñ ñúwejet ñooniin ñéeyemi t'ébaani. Áhinahin bondu kaanuku itim káyini kajuku meejaaŋe mite Hirim Heetoofe hu, héewufoore hu kániku kite ku *Kiris eeemo u humuum búnokoorum bite Atambatun.

2 Korent 9:13

Abe bondu b'arija bu káhinu, bo káwufoor kaanuku áriyilenayilen árihabanein. Bakan keehooje-hooj kasokoroor Atambatun iŋi naane aa árijeŋgin Hirim Heetoofe hite hu *Kiris, hondu h'áriyilene hu. Boko yooŋ kasokorooro iŋi naane aa áriruboor ebaj yeenuun nu boko, n'ésuk i ereyi yooŋ.

Galasi 1:7

Káanukiiit man abajeebaj hike hirim heetoofe, aaa, abajutee. Bare abajeebaj bakan keeemo ti kábujuuun sihel, kéemaŋie kawetekanoor Hirim Heetoofe hite hu Kiris.

1 Tesalonik 2:13

Iŋ'iriene Atambatun ko kireyi fe eyeehen ti bike yooŋ: h'irisokuun hu hirim hite Atambatun, arijamatanajamatan, abe n'áriyilen ho náaneiit hirim hite húŋgowulan, bare naane hirim hite Atambatun; múniyo hite h'Atambatun, abe uŋu hurok t'aruun kéeyilene ku.

1 Timote 1:11

Beeliikenee bondu, bondu ti Hirim Heetoofe hu h'isaanee hu, heesoke hu bite b'Atambatun éenike u, abe n'ajak.

2 Timote 1:12

Bo bíkinineŋe fu sílaam súuma sonde. Bare ifuñeit bondu, ábuki ímoomi t'aañ ti hikawam hiyaŋge fu, abe bukuuramkuur kaanuku abajabaj sembe site kajukar b'ánihanam bu bija tu hunak hite Kajoonan ku.

2 Timote 1:16

Onesifoor bare nu butoŋ boone, Atambatun aja áwufooriin kajaku koone. Ábuki akina af'afand karooŋan eholam, aanut yooŋ ífuñinanafuñinani te o naane eemo ee t'ekulu i.

2 Timote 1:8

Náami atum'aŋ'a̱fuño kawaare bite b'Anahaan ite úne. Atum'a̱fuñaam yooŋ íñj'eemo ee t'ekulu i uŋu hoone hu. Bare a̱maat yooŋ naane íñje ti sílaam su iŋ'ite Hirim Heetoofe hu; a̱maat ni sembe s'Atambatun awuni su.

Esuwif i 4:12

Hirim hite Atambatun huroŋaroŋ jes, abe yooŋ hibajabaj sembe. Hihaŋahaŋ kábura kánokan fe kariyu. Uŋu huyooso bija níbahindaa ti yaan i éfimboore du nu búwejet bu, nu tu súkulinu su sífimboore du ni matoof mu. Iŋi hifeeñal biyinoor beeemo bu tu búwejet bite an, nu doon fe d'ámaŋie káhinu.

1 Piyeer 4:16

Bare an af'ajuk sílaam aŋarkeyi naane akina Akarjen, atum'afuño. Aaa, aane kep Atambatun eyeehen naane ésuk i ii kaano akina an ite Kiris.