Eleetar i yi Pool akiñje i bakate ku Rom 1:13 - Kwatay (Kuwaataay)

¹³ Kújakuwe, ímaŋamaŋi áriimeyi kaanuku kuhoojahooj iŋ'ijok hunak kaanuku iibin t'aruun, bare bija t'úmiye bítimam biŋaasut. Ímaŋamaŋi yéeni burok búuma beebukoor t'aruun naane bubukoore i yooŋ ti baabu biheet.

Eleetar i yi Pool akiñje i bakate ku Rom 1:13 ပူးပေါင်းရင်းမြစ်များ

Saaŋ 12:24

Iisokuun bifeeneŋ bu: kaajal ifi kiney t'etaam abe kiketut, utu kubuk. Bare ifi kiket, ko kabukoor naane.

Saaŋ 15:16

Áruuniit arijifanam fu, bare íñje ijifanuun fu, abe n'iboñuun kaanuku ariija aribuk miriyaay, miriyaay mite bifiyo. Af'árihin bo, Faaf u kawunuuun doon fe d'ariyako kalawu tu huruwu húuma.

Saaŋ 4:36

An éehotukane u kabaju bajaam boone, abe n'aŋ'akuukan doon d'áhotukane du deenaŋee bija tu buroŋ béehabanaariit bu. Iyu a an eewañe u n'an éehotukane u n'iŋi katoofan suwaniin.

Epotor i 1:15

Tu kunak kondu, *kéeyilene ku bokondu ti kakuukanooree du (kareeŋ téemeer nu butuman), Piyeer n'arito asiiŋo t'etut abe n'aaniin:

Epotor i 14:27

Hi kareeŋe hu Antiyoos, ni kakuukan kéeyilene ku, abe ni kasokiin naŋ n'Atambatun áhine fu nu boko fe, nu buŋ b'áfeŋgine fu keenooto ku Esuwif karuŋ kite káyilen ku.

Epotor i 15:12

Náami keekuukanooree ku toko fe kakoowana kem keejamatan Pooliin ni Barnabas keesokiin beehaŋe b'ésuk i kikaw b'Atambatun awuniin bu kéehin ti keenooto ku Esuwif.

Epotor i 19:21

Bondu buwas, Pool n'aane eeja Serusalem, eeŋaas Maseduwan, ajok Akayi. N'aane: —If'ija bo ihaban, iwarawar yooŋ bija *Rom.

Epotor i 21:19

Pool n'asaafiin, abe n'akamiin bireyi fe b'Atambatun áhine bu ti keenooto ku Esuwif, aŋ'asaan bo te o.

Epotor i 28:14

N'irijuk bo bakan kéeyilene, abe ni kalaw uni kaane iririiko nu boko erimaas. T'iyu, t'iyu, bija naane irireeŋe i *Rom.

Eleetar i yi Pool akiñje i bakate ku Rom 1:12

Bonde b'ímaŋie fu kasoku: eene ímaŋamaŋi kaanuku núuhaŋ kayaŋgananoor kikaw íñje n'aruun ti káyilen k'úbaje ku.

Eleetar i yi Pool akiñje i bakate ku Rom 11:25

Kújakuwe, ímaŋamaŋi áriimeyi béenuusee bonde kaanuku atum'aribin arijokooro bakan kómbokun: bakaake ti bakate ku *Israyel, ñúwejet ñooniin aŋ'ábaani. Bondu bifiyo yooŋ ayak abin áami bakan k'Atambatun ajifane ku ti baabu biheet fe kajoka bítim bite *Kiris.

Eleetar i yi Pool akiñje i bakate ku Rom 7:1

Kújakuwe, aruun k'ijonde kee árimoomi eluwa i. Árimoomi kaanuku ebajabaj sembe tu húŋgowulan akina buroŋ barebare.

1 Korent 1:10

Kújakuwe, íñj'endu ti kalawuuun tu huruwu hite Anahaan ite úne Yesu *Kiris: arijamoor, káwaajinoor itim kibaj t'etutuun. Arijokoor alit tip ariibaj búwejet bifeeneŋ ni biyinoor bifeeneŋ.

1 Korent 10:1

Kújakuwe, ímaŋamaŋi áribaŋino beebaje bu sifaaf úne kéeseina ku *Moyis ti hiñaawu. H'aamo hu kánuutino *Esipt, kaafor kígilaniin fu kareyi fe, abe kareyi fe kakane fu han Heelaañe hu.

1 Korent 12:1

Kújakuwe, úja hahiyu tu buroon bu Búwejet Beenabe bu bumbu buwun. Ímaŋamaŋi árimeyi bifeeneŋ bu tu buroon bondu.

1 Korent 14:20

Kújakuwe, atum'aŋ'ariyinoor naane biñi. Ti káhinu kite meejakut mu, áriyemi naane bilekej; bare ti biyinoor bu, áriyemi naane sifaaf.

1 Korent 14:26

Náami hahiyu buŋ kújakuwe? Af'arikuukanooro, ake n'aŋ'ahooñ Atambatun, ake n'aliiken ésuk i bike, ake n'asok bike b'Atambatun áwufooro, ake n'áhamin ti kíhaminiin kuway, ake n'áhandin bo ésuk i. Bondu fe buwarawar káyokunan *kéeyilene ku keehaŋ kayanu ti káyilen ku.

1 Korent 9:2

Arko bakaake kateñekamteñeko kajoku naane apotor, t'aruun bare íñje apotor. Ábuki naane árihine i t'afeeneŋ ni *Kiris húwufoorawufoor kaanuku nu múniyo íñje apotor.

2 Korent 1:8

Kújakuwe, írimaŋamaŋi árimeyi sílaam s'irijuke su tu búsuk bite Asi. Sílaam sómbombokun, sútumbatumba síriif uni irisooñen n'iŋ'iriene man hite h'uni hihabanaa.

2 Korent 2:14

Bare úene Atambatun eyeehen, ábuki aŋ'aja n'úne ko kireyi fe kaanuku núumaat tu búriiŋan bite *Kiris. Úne k'ásike fu kaanuku núuhin Kiris éemeyiee tánotan, naane mátiso meehundane tánotan.

Galasi 3:15

Kújakuwe, iiliikuun bonde tu buroŋ bite b'úne: bakan ifi kajamoor ti bifeeneŋ béewoore abe ni kakiñj bo, an ayinaat kanuutan bondu, man yooŋ n'áwutiyen toko bike.

Galasi 6:18

Kújakuwe, Anahaan ite úne Yesu Kiris aja ásoniyanuun arireyi fe! Amiin.

Fílip 1:22

Bare arko íñje buroŋ, íyinooni káhinu burok beebaje éñjeriŋ. Náami ímeyiit naŋ n'iware fu kajifan tu buroŋ bu n'eket i.

Fílip 4:17

Íñjeiit eeemo ti hiŋes kaanuku man n'ibaj dike doon t'aruun. B'ímaŋie bu beemo fu Atambatun ásoniyanuun iŋ'ite kawunu koonuun.

Kolos 1:10

Káhinu iyu, buroŋ boonuun n'uŋu butoof Anahaan u, abe n'árihin yooŋ ko kireyi fe beetoofo bu. N'aŋ'árihin yooŋ buroon bánoban fe beejake, abe n'aŋ'arihaŋ kámeyi Atambatun.

Kolos 1:6

Hirim hondu Heetoofe hu híreeŋinuun naane hireeŋe i yooŋ tánotan fe t'etaam ye. Hondu ti kabukoor, hondu yooŋ ti kahaŋu bija hágila. Iyu yooŋ i hije fu t'aruun huta h'aŋ'aribin arijam abe n'árimeyi kaanuku Atambatun aŋ'áwufoor ésuk i kajaku koone nu múniyo.

1 Tesalonik 2:18

Írimaŋamaŋi yéeni kásooñina t'aruun. Íñje Pool iŋesaŋes bo káhinu hífeeneŋiit, bare Setani n'ábuj uni.

1 Tesalonik 4:13

Kújakuwe, ti bite keekete ku, írimaŋiituun kawasu t'ébaani, kaanuku atum'áritaañian naane bakaaku keebajut ku eyakar.

2 Tesalonik 2:7

Sembe séenuusee site Ánafuta u sondu tu burok kep. An eekolene u Ánafuta u af'aja ayak abin áami anuutanee,

2 Timote 4:17

Bare Anahaan u aseeŋamseeŋo, abe n'awunam sembe isooñen n'íyini kawaare Hirim Heetoofe hu hireyi fe, keenooto ku Esuwif kareyi fe kayak kajam ho. Abe Anahaan u n'áhin iifak ti bíŋaŋ bu.