Eleetar i yi Pool akiñje i bakate ku Rom 1:1 - Kwatay (Kuwaataay)

¹ Íñje Pool aroka ite Yesu *Kiris ikiñje fee eleetar yende. Atambatun aruwamruw kaanuku íiyemi *apotor, abe n'ákajinam kaanuku iŋ'iwaare Hirim hoone Heetoofe hu.

Eleetar i yi Pool akiñje i bakate ku Rom 1:1 ပူးပေါင်းရင်းမြစ်များ

Mark 1:14

H'abine hu áami Saaŋ akulee, Yesu n'aja *Gálile. N'awaare bo Hirim Heetoofe hu héenuutina hu t'Atambatun.

Saaŋ 12:26

An af'ámaŋi karoku bija t'íñje, áseinam ti hiñaawu. Af'áhin ii, t'ija du káyemi, aroka úuma n'aŋ'áyemi yooŋ toko. An af'arok bija t'íñje, Faafam kasokorooro.

Saaŋ 15:15

Iroŋutuun kaane eroka, ábuki aroka ámeyiaariit te naŋ t'an u tand'arok aamo fu. Iŋ'eenuun aruun bákawiyam, ábuki b'ijame bu ti Faafam fe, isokuunsok bo.

Saaŋ 15:20

Áribaŋino naane isokuun i: «Aroka ahaŋut an u t'aamo du tu burok bu.» Káhihinooramhihinoor, boko yooŋ káhihinooruun. Kajamut báhamin búuma, iti kajam yooŋ boonuun bu.

Epotor i 13:9

Náami Sóol ii kaane yooŋ Pool, n'ahoojanee bib nu Búwejet Beenabe bu. N'ajondoman t'álugusa u afiyo

Epotor i 20:24

Bare t'íñje, buroŋ búuma bijarut doon tus. Ímaŋamaŋi kep kareeŋan doon d'eemo du te do, nu burok b'Anahaan u Yesu asaanam bu: bo beemo fu kawaare kite Hirim Heetoofe hite kajaku kite Atambatun.

Epotor i 21:40

Aseef ite esulaan i n'aano yooh. Pool n'asiiŋo ti kaasireey ku, abe n'ayit ésuk i emoŋu. Hi kakoowane hu, n'áhamin nu boko ti *kiarameyeŋ, keeemo ku kíhaminiin kite Esuwif i. N'aaniin:

Epotor i 22:21

Bare Anahaan u n'aanam: «A̱ja, ábuki íñje kaboñii t'akambe, ti keenooto ku Esuwif.»

Epotor i 22:7

N'iney, abe n'ijam kaaji ni keenam: «Sóol, Sóol, iŋi naŋ n'á̱hihinoor fee n'íñje?»

Epotor i 26:1

Agiripa n'aane Pool: —Á̱yinooni káhamin a̱aramooro. Náami Pool eeyit emoŋio, abe n'akam kaanuku eeramooro. N'aane:

Epotor i 26:14

N'iriney irireyi fe, abe n'ijam kaaji ni kíhamin n'íñje ti *kiarameyeŋ keene: «Sóol, Sóol, iŋi naŋ n'á̱hihinoor fee n'íñje? Awe aŋ'a̱tandarisan fuufu, naane enuk yeefaye egol ite ate te yo.»

Epotor i 27:23

Ímoomi bondu ábuki káajiim ku, amalaka áŋaasinoŋaasin t'íñje, ánuutin t'Atambatun éekiniam u, abe n'iŋ'irok bija te o.

Epotor i 9:15

Bare Anahaan u n'aano: —A̱ja, ábuki ijifanajifan ániine ondu kaanuku eebin éewufoor keenooto ku Esuwif, ni bákayi kooniin, ni bakate ku *Israyel íñj'eemo fu aañ.

Eleetar i yi Pool akiñje i bakate ku Rom 1:16

Ifuñeit kawaare Hirim Heetoofe hu: ho heemo fu sembe site Atambatun sans'afakan ne so an fe éeyilene, éejabin t'Esuwif i, abe n'ahabanooro ti keenooto ku Esuwif.

Eleetar i yi Pool akiñje i bakate ku Rom 1:5

Akina ákinineŋe fu Atambatun n'ásoniyan uni éehin uni epotor, kaanuku man n'írihin biheet bu fe béeyilen te o, abe ni bíjeŋgino. Iyu if'írihin huruwu hoone heehaŋ bijamo.

Eleetar i yi Pool akiñje i bakate ku Rom 1:9

Atambatun, akina ii irok íhabanein bija te o, ti kawaare kite Hirim Heetoofe heesoke hu bite b'Añi oone, ámoomi kaanuku ehelam eŋ'éyemi t'aruun

Eleetar i yi Pool akiñje i bakate ku Rom 11:13

Hahiyu aruun k'ifine fu ijond, aruun keenooto ku Esuwif: íñj'eemo fu *apotor ite *Kiris t'aruun keenooto ku Esuwif, abe iŋ'isaŋgoor nu burok b'Atambatun asaanam bu.

Eleetar i yi Pool akiñje i bakate ku Rom 15:16

íiyemi aroka ite Yesu *Kiris bija ti keenooto ku Esuwif. Burok b'eemo bee te bo bite kawaare kite Hirim Heetoofe hu búmoomi naane bite *asaraha, kaanuku man keenooto ku Esuwif ni káyini káyemi kaasarah keetoofe Atambatun, ku Búwejet Beenabe bu bíkajine bija te o.

Eleetar i yi Pool akiñje i bakate ku Rom 15:29

Abe bukuuramkuur kaanuku if'ija ibin t'aruun, kásoniyan kómbokun kéenuutina ti Kiris k'ibin fu ne ko.

Eleetar i yi Pool akiñje i bakate ku Rom 16:18

ábuki bakan naane bokondu károkaariit bija ti *Kiris Anahaan ite úne; iŋi karok bija ti kariin! Nu ñutum ñooniin ñeetoofe ñaa, ni báhamin booniin yooŋ bite kásoŋotiyan ku n'ifi kabuut kéeniyeit ku.

Eleetar i yi Pool akiñje i bakate ku Rom 16:25

Úsokoroor Atambatun! Áyinooni káhinu káyilen koonuun keeyan naane busokee i ti Hirim Heetoofe hu hih'iwaare, heesoke hu bite bu Yesu *Kiris. Hirim hondu húwufoorawufoor b'Atambatun ánuusaanie bu huta hu kóŋkeyin,

1 Korent 1:1

Íñje Pool a Atambatun aruwe u naane t'ámaŋie du kaanuku íiyemi *apotor ite Yesu *Kiris, n'ati úne Sosuten írikiñjinuun fee.

1 Korent 9:1

Abajeebaj fíya doon déekiniam? Íñje *ápotoriit? Ijukut Yesu Anahaan ite úne? Íñjeiit kereŋ ibine fu n'aruun ti bítim bite Anahaan u?

2 Korent 1:1

Íñje Pool eeemo u *apotor ite Yesu *Kiris naane t'Atambatun ámaŋie du, n'ati úne Timote írikiñjinuun fee aruun bakate ku Korent *kéeyilene ku, ni bakaaku fe bakate ku Akayi k'Atambatun akino ku.

2 Korent 11:5

Bare eenaan siñaab soonuun sans'ariene boko kaamo «*epotor kómbokun», bokondu kahaŋutam tu doon fe!

2 Korent 11:7

H'iwaareuun hu Hirim Heetoofe hite h'Atambatun, íhinahin bo t'íkandijenutuun mayet érirem. Ítetianooratetianooro, aruun áriiyemi bakan kómbokun. Diyu fíya kaahoofoor?

2 Korent 12:11

Íhamina fu naane an eewene, bare aruun aritiŋgam fu. Aruun ariwaram fu yéeni kámuuru, ábuki hutoof yooŋ inooto doon tus, siñaab soonuun sans'ariene boko kaamo «*epotor kómbokun», bokondu kahaŋutam tu doon fe.

2 Korent 2:12

H'ije hu Trowas kaanuku iiwaare bo Hirim Heetoofe hite hu *Kiris, n'ijuk kaanuku Anahaan u áfeŋginamfeŋgin bo bítim kaanuku iirok.

2 Korent 4:5

Úniiit kumuum uni k'if'iriwaareuun, bare Anahaan u Yesu Kiris i if'iriwaareuun. Irijokoorajokooro naane eroka yeenuun iŋ'ite hu Yesu.

Galasi 1:1

Íñje Pool ikiñje fee, íñje eeemo u *apotor káanukiiit ti kámaŋi kite kúŋgowulan ku, man yooŋ kite ake, bare naane ti Yesu *Kiris ámaŋie du, n'Atambatun yooŋ Faaf u eeritano u t'eket i.

Efees 1:1

Íñje Pool eeemo u *apotor ite Yesu *Kiris naane t'Atambatun ámaŋie du, íkiñjinuun fee aruun bakate ku Efees k'Atambatun akino ku, kéejeŋgine ku Yesu Kiris.

Efees 1:13

Aruun yooŋ kéehine ku t'afeeneŋ ni Kiris, arijamajam hirim hite múniyo mu, heeemo hu Hirim Heetoofe hu héekinineŋe hu n'arifak. H'áriyilene hu ti Kiris, Atambatun n'áhin t'aruun éluwenuma yite káwufoor kaanuku aruun bokoone ku; yo yeemo fu Búwejet Beenabe bu b'afiye bu aane o kawunu úne.

Efees 4:11

Akina awune fu kúŋgowulan ku kéeyemi bakaake *epotor, bakaake *eyiŋana yite Atambatun, bakaake ewaaraa Hirim Heetoofe hu, bakaaku ni káyemi égila yite bakan kite Atambatun, abe n'iŋi kaliikeniin hirim hoone.

Fílip 1:1

Íñje Pool ni Timote, eroka yite Yesu *Kiris írikiñjinuun fee aruun arireyi fe, bakan kite Atambatun ki Yesu Kiris akino ku keeemo ku Fílip, nu kunahaan koonuun, n'ejokoora yeeniin.

Fílip 2:11

abe huruw fe n'anoŋk eesok aane Yesu Kiris aamo fu Anahaan u; iyu Atambatun Faaf u n'aŋ'asokorooree.

Kolos 1:1

Íñje Pool eeemo u *apotor ite Yesu *Kiris naane t'Atambatun ámaŋie du, n'ati úne Timote írikiñjinuun fee,

Kolos 1:25

Íñje hahiyu aroka ite kéeyilene ku. Atambatun asejanam fu burok bondu kaanuku iŋ'ibin irok bo bija t'aruun: aboñamboñ kaanuku iiwaare hirim hoone hireyi fe.

1 Tesalonik 2:2

Árimoomi yooŋ kaanuku h'íriyemie hu Fílip, bakate ku bo káhihinoorahihinoor uni, abe ni kálafatin uni. Bare h'írireeŋina hu t'aruun, naane átaañie i fe, Atambatun ayaŋgananayaŋganan uni kikaw iriisokuun Hirim Heetoofe hu héenuutina hu te o.

1 Tesalonik 2:8

Náami iŋi kámaŋi k'írimaŋiuun ku, irijaja ayak abin áami irifaraa, káanukiiit kasokuuun Hirim Heetoofe hite h'Atambatun barebare, bare yooŋ kawunu buroŋ bite b'uni uŋu hoonuun hu, ábuki irijokuunjok naane bakan!

1 Tesalonik 2:9

Kújakuwe, áribaŋinabaŋino naane ii irirok aniŋee. Iŋ'irirok kaajiŋgan ni káajiim kaanuku an t'aruun atum'álaam t'uni, uni ti kasoku koonuun Hirim Heetoofe hite h'Atambatun.

1 Timote 1:1

Íñje Pool ikiñje fee, íñje *apotor ite Yesu *Kiris naane t'Atambatun *Afakana ite úne, ni Yesu Kiris eeemo u eyakar ite úne kasoke du.

1 Timote 2:7

Bondu bíkinineŋe fu Atambatun n'áhinam íiyemi *apotor. Aanamyen iwaare abe n'iliiken keenooto ku Esuwif bite káyilen ku, ni bite múniyo mu. Íñjeiit ijuuse, bifeeneŋ taŋ b'if'isok.

2 Timote 1:11

Atambatun áhinamhin íiyemi *apotor kaanuku iŋ'ibin iwaare ésuk i Hirim hondu Heetoofe hu, abe n'iliikeniin ho.

Eleetar i yi Pool akiñje i Tit 1:1

Íñje Pool ikiñje fee, íñje aroka ite Atambatun, *n'apotor yooŋ toko ite Yesu *Kiris. Atambatun aboñamboñ kaanuku íihin bakan k'ajifane ku kéeyilen te o, abe n'íhiniin kéemeyi múniyo mu kaanuku man ni kabaj buroŋ beetoofo.

Esuwif i 5:4

An ayinaat kanoŋku eeyitooro, éehinooro asaraha ómbokun. Atambatun af'aruwo eesaano burok bondu, naane abine i aruw *Aaron kóŋkeyin.

Esuwif i 7:26

Náami Yesu aamo fu asaraha ómbokun u u úsawulee u. Anabanab, áhinaariit meejakut, áhoofooraariit, áhinaariitee t'afeeneŋ n'ehoofoora i, abe Atambatun ayitoyit t'etiir bufor bu.

Saak 1:1

Íñje Saak ii irok bija t'Atambatun n'Anahaan u Yesu *Kiris ikiñje fee. Íñj'endu ti kasaafu bakan kite Atambatun kareyi fe keeyisaloolee ku t'etaam ye.

1 Piyeer 4:17

Hunak hite Kajoonan ku hireeŋa, abe t'ajab ti bakan kite Atambatun. Abe arko keejab t'úne, buŋ fíya bi bija fu búmuje ni keeteñekee ku káyilen Hirim Heetoofe hite h'Atambatun?

2 Piyeer 1:1

Íñje Simoŋ Piyeer aroka ite Yesu *Kiris, *n'apotor oone toko yooŋ ikiñje fee bakan k'Atambatun awune ku káyilen keeree ni kite k'uni. Yesu Kiris eeemo u Atambatun ite úne, *n'Afakana ite úne toko yooŋ awunawun úne káyilen kondu aŋarkeyi naane ájubajub.

Eleetar i yi Sud akiñje i 1:1

Íñje Sud aroka ite Yesu *Kiris, íñje at'ute Saak íkiñjinuun fee aruun k'Atambatun Faaf u aruwe ku. Ámaŋiuunmaŋi, abe Yesu Kiris af'ajukaruun.

Kafeeñal ku 1:1

Kaawiit konde kíyekie fu béenuusee bu bi Yesu *Kiris afeeñale bu. Atambatun n'áhino éemeyi bo kaanuku éewufoor bo kiŋki karok bija te o, man ni kámeyi beeware bu kabaju memee. Yesu Kiris n'áboñin amalaka oone eebin eesokam bo, íñje Saaŋ aroka oone.

Kafeeñal ku 22:6

Abe amalaka u n'aanam: —Kirim konde kúwoorawoor, kite nu múniyo. Abe Atemit, Atambatun aa awun *eyiŋana yeene Búwejet boone áboñina fu amalaka oone eebin éewuforoor eroka yeene beeware bu kabaju memee.

Kafeeñal ku 22:9

Bare n'aanam: —A̱was, atum'á̱hin bondu! Íñje aroka yooŋ naane awe, naane yooŋ bakatii eyiŋana yite Atambatun, ni kéejeŋgine ku báhamin bite ti kaawiit konde. Á̱sukaay Atambatun!