Mark 9:50 - Kwatay (Kuwaataay)

⁵⁰ «Misis ajakajak. Bare ifi mija ayak abin áami míneenia, iŋkut mijam, buŋ b'arija fu ne mo ayak abin áami musooña mijam? Áriyemi naane misis, abe n'aribaj káasuumaay t'etutuun.»

Mark 9:50 ပူးပေါင်းရင်းမြစ်များ

Májiye 5:13

—Aruun ariemo fu misis mu tu kúŋgowulan ku. Misis ifi mija ayak abin áami míneenia, iŋkut mijam, buŋ bu muwaree fu káhinu meesooñ meejam? It'iŋki mijak bija tu doon fe. Mo káfiitenee, ésuk i eŋ'ebin ekak te mo.

Mark 9:34

Bare ni kakoowan, ábuki kámoomi ti síjeeŋoor seeyane ti bítim bu kaanuku kéemeyi aañ tu boko aamo fu átiyar u, butum eehaŋe u bakaaku.

Mark 9:49

Ábuki huruw fe kasisanee ni sineemak, naane bakoloŋ aa asisanee ni misis.

Eleetar i yi Pool akiñje i bakate ku Rom 12:18

Af'aribaj bítim, árihin wáhowah ariijamoor n'ésuk i fe.

2 Korent 13:11

Hahiyu úwasoor kújakuwe! Ariŋes káyemi bakan keekuure but, ariyaŋgananoor kikaw, arijamoor, abe n'arikin ti káasuumaay. Af'árihin iyu, Atambatun éemaŋie u ésuk i, abe n'aŋ'awuniin káasuumaay n'aŋ'áyemi n'aruun.

Galasi 5:22

Bare doon du Búwejet Beenabe bu dundu dubuk tu buroŋ bite b'úne deemo fu: kámaŋioori ku, ni katoofu ku, ni káasuumaay ku, ni kámuñu ku, ni kajaku ku, ni káyokunan kite bakaaku, ni káyemi an ite bifeeneŋ,

Efees 4:29

Atum'árihamin báhamin beejakut; arisok kep báhamin beebaje éñjeriŋ bite káyokunan ésuk i ti bisawula booniin keehaŋ kayanu ti káyilen ku, abe nu butoof yooŋ kiŋki kajamatanuun.

Fílip 1:27

Naane hiyino i káyemi fe, buroŋ boonuun bujoŋoor naane Hirim Heetoofe hite hu Kiris husoke i. Káhinu iyu, if'ibinuun kajuku, man yooŋ ibinutuun kajuku, íyinooni kajamu kaanuku arijokajok alitee. N'iŋ'ímeyi kaanuku arijokoorajokoor tu búwejet bifeeneŋ, aŋ'árisiiŋoorein yooŋ áriituum t'afeeneŋ bija ti káyilen ku keeyaajee ku ti Hirim Heetoofe hu.

Kolos 3:12

Náami makamu Atambatun ajifanuun fu kaanuku áriiyemi bakan koone, abe yooŋ ámaŋiuunmaŋi, árimeyi kayubiyen an, abe n'aritoof yooŋ. Áritetianooro, árineeni yooŋ, abe n'aŋ'árimuñ.

Kolos 4:6

Árihamin ko kireyi fe báhamin beetoofe, beebaje éñjeriŋ, man n'árimeyi yooŋ naane ariware i kásafin an fe.

1 Tesalonik 5:13

Arijokiin nu sumoŋu súsuba, abe n'árimaŋiiin yooŋ uŋu burok bu bimbi káhin. Síñakoor itim sibaj t'etutuun.

2 Timote 2:22

A̱tey wúfaŋi wute hiñiaate hu. A̱ŋes kajoŋoor ku, ni káyilen ku, ni kámaŋioori ku, ni káasuumaay ku. A̱ŋes bondu fe ni kiŋki kalaw Anahaan u nu suhol seekuure.

Esuwif i 12:14

Árihin wáhowah man káasuumaay ni kíyemi t'etutuun aruun ni bakaaku fe, abe n'aribaj buroŋ beenabe. An afut'anab, at'ajuk Atemit.

Saak 1:20

ábuki an eeyiŋate áhinaariit beejoŋoore beetoofe Atambatun.

1 Piyeer 3:8

Hirim húuma hiraanu hu honde: aribaj biyinoor bifeeneŋ, abe n'arijamoor yooŋ. Árimaŋioori naane bakati; áriyemi bakan kéeneenie, abe atum'ariyitooro hágila bakanuun kúŋgowulan.