Mark 8:35 - Kwatay (Kuwaataay)

³⁵ Ábuki an af'ámaŋi kafakan síhiinio, o bútowuto. An n'afin aket uŋu húuma hu ni Hirim Heetoofe hu, o karoŋu.

Mark 8:35 ပူးပေါင်းရင်းမြစ်များ

Májiye 10:22

Ésuk i fe kahuufuuun uŋu húuma hu. Bare an eeja u kajoku alit tip bija tu hunak hiraanu hu, Atambatun kafakano.

Májiye 10:39

An af'ámaŋi kafakan síhiinio, o bútowuto. An n'afin aket uŋu húuma hu, o karoŋu.

Májiye 16:25

Ábuki an af'ámaŋi kafakan síhiinio, o bútowuto. An n'afin aket uŋu húuma hu, o karoŋu.

Májiye 19:29

Bakan ifi kawas sunuuf sooniin, man yooŋ bakatiiin, bákaniiniin, sifaafiin, síñaayiin, bakañiiin, ni kitaaŋaat kooniin uŋu húuma hu, boko kabaju buroon bondu kireeŋ téemeer, abe n'iŋi kawunee yooŋ buroŋ béehabanaariit bu.

Mark 8:36

An af'aja ayak abin áami ákinia ebaj ite t'etaam ye fe, abe abajut buroŋ bu, yo fíya káñjeriŋo? Aaa!

Hirim Heetoofe hu hi Luk akiñje hu 17:33

An af'ámaŋi kafakan síhiinio, o bútowuto. An n'afin aket, o karoŋu.

Hirim Heetoofe hu hi Luk akiñje hu 9:24

Ábuki an af'ámaŋi kafakan síhiinio, o bútowuto. An n'afin aket uŋu húuma hu, o karoŋu.

Epotor i 20:24

Bare t'íñje, buroŋ búuma bijarut doon tus. Ímaŋamaŋi kep kareeŋan doon d'eemo du te do, nu burok b'Anahaan u Yesu asaanam bu: bo beemo fu kawaare kite Hirim Heetoofe hite kajaku kite Atambatun.

Epotor i 21:13

Bare n'aane uni: —Baŋka b'ariyiy fu ariisooñ áribujam ehel? Ifaraa káanukiiit keekobam barebare, bare hutoof yooŋ ni kayoolam Serusalem iŋ'ite hu Anahaan u Yesu, ifaraa.

Epotor i 9:16

Abe íñje yooŋ káwufooro sílaam su fe s'aja su kajuku uŋu húuma hu.

1 Korent 9:23

Abe bondu fe iŋ'íhin bo kaanuku man Hirim Heetoofe hu ni hijamo, iibin ibaj húrub t'ebaj ite te ho.

2 Korent 12:10

Iŋ'ite ho aamo fu kabajaate kúuma kite sembe su, ni kílafatinu ku, nu kúnuur ku, ni káhihinoor ku, nu wútaañi wu, hikawam uŋu hutoof dómbokun kane bondu fe bibajam iŋ'ite hu Kiris. Ábuki if'ija ayak abin áami iŋkut ibaj sembe, toko ti sembe site Kiris t'ifi síyemi t'íñje.

2 Timote 1:8

Náami atum'aŋ'a̱fuño kawaare bite b'Anahaan ite úne. Atum'a̱fuñaam yooŋ íñj'eemo ee t'ekulu i uŋu hoone hu. Bare a̱maat yooŋ naane íñje ti sílaam su iŋ'ite Hirim Heetoofe hu; a̱maat ni sembe s'Atambatun awuni su.

Esuwif i 11:35

Káyilen kíkinineŋe fu haare ni kajuk bakan kooniin ni karitanee t'eket i, keebatikanee boko. Abajeebaj bakan kéehihinooree kayak kaket, ábuki kateñekateñeko káwuŋgu Atambatun kiñaawu keewasanee. Bi kahaŋe bu kámaŋi beemo fu keebin keeritanee t'eket i, keebaj buroŋ beehaŋe katoofu.

Kafeeñal ku 12:11

Bakan úne kakalokalo iŋ'ite halan hite Ametek u, nu múniyo mi kaseedee mu. Kajukerut uŋu buroŋ booniin ni kaane kéekoleyi eket i.

Kafeeñal ku 2:10

Atum'á̱koleyi sílaam s'a̱ja su kajuku. A̱jam i: Setani kajoku bakaake t'aruun aja akul kaanuku man n'áhinuun áriiwuŋg Atambatun kiñaawu, abe aruun kajuku sílaam kunak keereeŋe sumoŋu. Bare a̱jok alitee hutoof yooŋ ni kayooli, abe n'iŋ'iwuni buroŋ bu naane hisiibanu.

Kafeeñal ku 7:14

N'ísafino eeno: —Ámuse u, bondu awe á̱meyie fu bo. Náami eeenam: —Boko kaamo fu kéenuutina ku ti sílaam sómbombokun su. Kañawañaw wañ wooniin, abe ni kafañjan wo ti halan hite Ametek u.