Mark 6:21 - Kwatay (Kuwaataay)

²¹ Areeŋ bare hike hunak, Erojad n'abaj b'aware bukuuso te bo, t'efeet ite hunak h'Erod abukee hu te ho. Erod aruwaruw eseef i, sifaaf site esulaan i, ni bakan kómbokun ku bakate ku *Gálile kaanuku keebin keeñoofo te o.

Mark 6:21 ပူးပေါင်းရင်းမြစ်များ

Hirim Heetoofe hu hi Luk akiñje hu 3:1

Hirim hite Atambatun ni híreeŋin Saaŋ, añi ite Sakari, o t'akine du t'eramba i. Kóŋkeyin, Tibeer áyemie fu *áyi ómbokun ite u Rom, emito yendu éhin sumoŋu nu hutok. Eseef bakabaakiir ni kásein te o: Poons *Pilat, águwernoor ite *Súde; *Erod, ite u *Gálile; at'o Filip, ite u Iture bija Tirakonit fe; Lisaniyas, ite u Abileen. Aan ni Kayif ni káyemi *esaraha i kómbokun ku.

Epotor i 25:23

Náami hi tifiite hu, Agiripa ni Berenis ni kabin ánik, abe ni kayooso t'enuuf i tindi kakuukanooro, boko n'eseef ite esulaan i, ni bakan kómbokun ku bakate hikinu hu. Festus n'aboñ keebin nu Pool.

1 Piyeer 4:3

Múniyo kóŋkeyin arifiyafiyo aa ti káhinu kite buroon bi kéeyilenut ku bimbi kámaŋi káhinu. Árikinaanakinaani tu huŋotu hu ni bakan k'ariseñeit ku, nu wúfaŋi weejakut wu, n'éwusan i, ni kahahan ku tu buñoofo nu tu búhujo bu, nu wuwaasen wute ñájiim ñu, abe bonde búfuñinanafuñinani.

Kafeeñal ku 11:10

Bakate ku t'etaam i kasaŋgoor naane iŋ'ite eket ite bákasuba kondu. Boko katoofan, abe n'iŋi kawunoor buroon aŋarkeyi naane *eyiŋana yite Atambatun bákasuba kondu kéelaamaniin ku iŋkut káyemi.