Mark 16:17 - Kwatay (Kuwaataay)

¹⁷ Keeyak ku káyilen káhinu buroon bonde beehaŋe bu ésuk i kikaw: boko kákutoor sirab tu huruwu húuma; boko káhamin kike kíhaminiin;

Mark 16:17 ပူးပေါင်းရင်းမြစ်များ

Mark 9:38

Saaŋ n'aane Yesu: —Ámuse u, irijukajuk ake ániine aŋ'ákutoor sirab tu huruwu húuwe. N'irieno atum'aŋk'áhin bondu, ábuki eriboor úneiit.

Hirim Heetoofe hu hi Luk akiñje hu 10:17

H'aamo hu eriboora i bakan bákahaaji nu sumoŋu ni bákasuba ku kábatikeino, ni kakontaan naane abe ni kaane Yesu: —Anahaan u, iŋ'írihamin tu huruwu húuwe, humuum sirab su n'iŋi sijam t'uni!

Saaŋ 14:12

Iisokuun bifeeneŋ bu: an af'áyilen t'íñje, o káhinu yooŋ buroon bimb'íhin. Abe o káhinu beehaŋe, ábuki íñje ija ti Faaf u.

Epotor i 10:46

Múniyo iŋi kajamiin ti káhamin kíhaminiin kuway, abe n'iŋi kasok yooŋ naane Atambatun ahahe i. Náami Piyeer eeene:

Epotor i 16:18

N'áhin bondu kunak keehooje. Hireeŋ toko, Pool n'átumb ayiŋat asooñen n'aweteko abe n'aane erab i: —Íñje isok fee n'awe tu huruwu hite Yesu *Kiris: a̱nuut t'ásuŋgute ondu! Toko-toko yooŋ, erab i n'enuut te o.

Epotor i 19:6

Pool n'ásit tu boko sumoŋio, abe Búwejet Beenabe bu nu búwanein tu boko. N'iŋi káhamin toko ti kíhaminiin kuway, abe n'iŋi kasok kirim k'Atambatun asaaniin ku.

Epotor i 2:33

Ayiteeyit t'etiir inde *baatos Atambatun, abe akina Atambatun Faaf u n'asaano Búwejet Beenabe bu beefiyee bu busokee. O Yesu n'ásik bo asaan uni; bo b'af'arijuk iye, abe n'arijam yooŋ.

Epotor i 5:16

Bakan keehooje-hooj n'iŋi kánuutin tu músuk meeemo mu inde Serusalem keebin n'ésomuta yeeniin, ni bakan ki birab bu bujoke ku, abe kareyi fe iŋi kákoyi.

Epotor i 8:7

Múniyo birab bu uŋu bunuut ti bakan keehooje-hooj ti kakileen, abe keehooje yooŋ keeyinaat bija, ni kéetime n'iŋi karitanee kéekoyi.

1 Korent 12:10

Búwejet bu uŋu buwun ake sembe site káhinu buroon beehaŋe ésuk i kikaw, nu buwun ake sembe site kayiŋan báhamin bite Atambatun, nu buwun ake sembe site kakeetan bumbu búnuutin tu ñúwejet ñeejakut ñu, nu bumbu búnuutin tu Búwejet bite bu nu múniyo. Nu buwun ake sembe site káhamin ti kíhaminiin kuway, nu buwun ake sembe site káhandin kíhaminiin kondu.

1 Korent 12:28

Iye a Atambatun asiiŋane fu *kéeyilene ku: *epotor i kaamo fu étiyar i; *eyiŋana yite Atambatun ni káyemi ésooboriyan i; kiŋki kaliiken ésuk i mite m'Atambatun ni káyemi éhaajiyan i; kiŋki káhin beehaŋe bu ésuk i kikaw ni kásein; kanuut toko náami keebaje ku sembe site karitan bakan kéesomute; kahaban náami kiŋki káyokunan ésuk i; kanuut toko náami kiŋki káwuforoor bakaaku buroon bi kaware bu káhinu, abe n'atik áami kiŋki káhamin ti kíhaminiin kuway.

1 Korent 12:30

man yooŋ karitan bakan kéesomute. Káreyiiit káyinie fu káhamin ti kíhaminiin kuway, man yooŋ káhandin ko.

1 Korent 13:1

If'iŋ'íhamin kíhaminiin kite kúŋgowulan ku, ni kite emalaka i, abe bare kámaŋi an kunooto t'eholam, anokooreenokoor kite íñje éyifu yeeemo ti kafiiŋan, man yooŋ ejiliŋ.

1 Korent 14:2

An af'aŋ'áhamin ti kíhaminiin kuway, n'Atambatun n'áhamine fu, bare nu kúŋgowulan kíiit, ábuki an ájamaariit naŋ n'af'asok. Búwejet Beenabe bu ifi bitiŋgo, bare béenuusee bu bamb'asok biniŋaniŋ ésuk i.