Mark 14:18 - Kwatay (Kuwaataay)

¹⁸ Bokondu tu buñoofo bu, Yesu n'aane: —Iisokuun bifeeneŋ bu: ake t'aruun keeñoofo kee n'íñje kásikiam asaan bakan.

Mark 14:18 ပူးပေါင်းရင်းမြစ်များ

Májiye 26:21

Bokondu tu buñoofo bu, n'aaniin: —Iisokuun bifeeneŋ bu: ake t'aruun kásikiam asaan bakan.

Májiye 5:18

Iisokuun bifeeneŋ bu: naane bufor bu biyak i bifiyo fe n'etaam i, núhuunu neehaŋe nu káteti fe ti beekiñjee bu ti kaawiit kite Eluwa i utu nútowuto hikee-kee, ayak abin áami yooŋ beesokee bu te yo fe bibaja.

Májiye 6:16

—*Af'ariwoor, atum'áritaañian ñuhooŋuuun naane ñatuuk ñu. Iŋi kákojian ñuhooŋiiin, kéewufoor ésuk i kaanuku bokondu ti baawoor. Iisokuun bifeeneŋ bu: kaheeka keebaj hisiibanu hooniin.

Májiye 6:2

«Af'á̱yemi ti kasarah an eebajut, atum'a̱heñjoor ésuk i kéeheelini, naane ñatuuk ñu ii káhin ti *ñáalawum ñite ñ'úne, nu tu búhuhu bu. Iŋi káhin iyu kaanuku ésuk i keesokorooriin. Iisokuun bifeeneŋ bu: kaheeka keebaj hisiibanu hooniin.

Májiye 6:5

—Af'áriyemi ti kalawu, atum'aŋ'árihin naane ñatuuk ñu. Iŋi kámaŋi bisiiŋo keelaw ti *ñáalawum ñite ñ'úne, man yooŋ ti sifiñjan su, t'ésuk i eyino kajukiiin. Iisokuun bifeeneŋ bu: kaheeka keebaj hisiibanu hooniin.

Mark 10:15

Iisokuun bifeeneŋ bu: an afut'áhinooro naane añi, eejok Jáyi jite Atambatun, at'ayooso te jo hikee-kee.

Mark 10:29

Yesu n'aaniin: —Iisokuun bifeeneŋ bu: an af'awas enuuf yeene, man yooŋ bakat'o, bákaniino, íñaayo, faafo, bakañio, man yooŋ kitaaŋaat koone uŋu húuma hu ni Hirim Heetoofe hu,

Mark 14:17

To ti bija kábaani ku, Yesu n'áreeŋin n'eriboora i sumoŋu ni bákasuba ku.

Mark 14:19

Eriboora i ni kátaañian; n'iŋi kákandijeno n'afeeneŋ kaano: —Eenaan íñjeiit, bare?

Mark 14:25

Iisokuun bifeeneŋ bu: iroŋut kasooñu íhujo ébiñ, bija yooŋ hunak h'ija hu búhujo éyeni ti Jáyi jite Atambatun.

Mark 14:9

Iisokuun bifeeneŋ bu: tánotan fe t'etaam ye ti Hirim Heetoofe hu hiyakee du kawaare, ésuk i kasoku b'anaare onde áhine bee kaanuku iŋi kabin kábaŋinoo.

Mark 3:28

«Iisokuun bifeeneŋ bu: Atambatun áyinooni kaboŋket ésuk i wuhoofoor wooniin, ni naane kayako i fe kálafatin.

Mark 6:11

Bare ni kafin kateñekouun tike tiŋ, man yooŋ ni kateñeko kajamatanuun, arihaŋk hafor heeemo hu tu wuwotuun fe, abe n'arinuut toko, keejuk ni ñíkiniin kaanuku Atambatun ondu ti kanahaniin.

Mark 8:12

Yesu n'ayih rooh abe n'aaniin: —Iŋi naŋ ni bakate ku hahiye kámaŋie fu kajuku bike beehaŋiin kikaw? Aaa! Iisokuun bifeeneŋ bu: at'áriwufooree bike beehaŋuun kikaw!

Mark 9:1

Abe n'asooñ aaniin: —Nu múniyo, iisokuun bifeeneŋ bu: bakaake ti keeemo kee diye iti kaket ti kajukut *Jáyi jite Atambatun ni jibin ni sembe séeraanna.

Mark 9:41

Abe iisokuun bifeeneŋ bu: an fe eewunuun móhujo áriihujo aŋarkeyi naane aruun bakate ku *Kiris, Atambatun kasiibano.

Hirim Heetoofe hu hi Luk akiñje hu 11:51

*Abel ayoolee fu átiyar u, Sakari n'áyemi araan u, ayooleeyool t'enuuf ite Atambatun, t'etut *ataabul u tindi kásuf *ejuraay i ni *t'Anabe du. Hee, íñje isok fee n'aruun: ti bakate ku hahiye t'Atambatun aja fu kaniju iŋi bokondu keeyoolee kii fe!

Hirim Heetoofe hu hi Luk akiñje hu 22:21

Bare fu arijuk: an eeja u kajoohen kúuma ondu t'efind ye!

Hirim Heetoofe hu hi Luk akiñje hu 4:24

Abe n'áwutiyen aane: —Iisokuun bifeeneŋ bu: ayiŋana ite Atambatun áyilenaariitee t'ésuk yeeniin.

Saaŋ 1:51

N'asooñ aane: —Iisokuun bifeeneŋ bu: aruun kajuku kane bufor bu bífeŋgino, emalaka yite Atambatun ti bisiro, abe n'iŋi káwanein *t'Añi ute Húŋgowulan hu!

Saaŋ 13:18

«Árireyiiit k'isoke fu, ábuki ímoomi naane k'ijifane ku kaamo i ariike. Bare beesokee bu ti *Míkiñjin mu buwarawar kabaju. Meenaan: “An i iriñoofee u t'afeeneŋ ásokumam.”

Saaŋ 13:21

Hi Yesu asoke hu bondu ahaban, eholo fe n'ehabano. N'asok akuur but aane: —Iisokuun bifeeneŋ bu: ake t'aruun kásikiam asaan bakan.

Saaŋ 13:22

Eriboora i ni káheelinool kareyi fe, bare kámeyiit aañ i Yesu ámaŋie fu kasoku.

Saaŋ 13:38

Yesu n'aano: —A̱faraa kaketu uŋu húuma hu? Iisoki bifeeneŋ bu: bala káajuloon ku kusok, awe kaanu á̱ameyiitam kireeŋ kíhaaji.

Saaŋ 21:18

Iisoki bifeeneŋ bu: awe añi u, aŋ'a̱noŋk a̱akobooro nibaŋ núuwe, abe n'aŋ'a̱ja tu hutoofi du. Bare af'a̱ja ayak abin áami a̱haana, awe kayitu sumoŋii, ake eekobi nibaŋ núuwe, abe n'aja n'awe t'á̱maŋiit du bija.

Saaŋ 3:11

Iisoki bifeeneŋ bu: doon d'írimeyie abe n'irijuk d'if'irisokuun. Bare arijokajok báhamin bite b'uni áriwiinian.

Saaŋ 3:3

Yesu n'aano: —Iisoki bifeeneŋ bu: an afut'asooñ abukee ti kátiyar, at'áyini kajuku *Jáyi jite Atambatun.

Saaŋ 3:5

Yesu n'aano: —Iisoki bifeeneŋ bu: an ayinaat buyooso ti Jáyi jite Atambatun t'abukutee nu móhujo, nu Búwejet Beenabe bu.

Saaŋ 5:19

Yesu n'asooñ aaniin: —Iisokuun bifeeneŋ bu: Añi u ayinaat bunoŋkooro éehin doon; aŋ'áhin doon d'ajuke du Faaf u ti káhinu barebare. Buroon bi Faaf u bamb'áhin bireyi fe, Añi u yooŋ aŋ'áhin bo.

Saaŋ 6:26

Yesu n'aaniin: —Iisokuun bifeeneŋ bu: h'ariŋes hee n'íñje, íŋiiit man kaanuku aruun arijoke buroon b'íhine bu beehaŋuun bu kikaw. Aribinabin aŋarkeyi naane ariteŋateŋ kumburu aribir bib.

Saaŋ 6:32

Yesu n'aaniin: —Iisokuun bifeeneŋ bu: Móyisiit awunuun fu kumburu kéenuutina ku t'etiir. Faafam af'awunuun humburu hite nu múniyo hite hu t'etiir.

Saaŋ 6:47

Iisokuun bifeeneŋ bu: an éeyilene u abaja buroŋ béehabanaariit bu.

Saaŋ 6:70

Yesu n'aaniin: —Íñjeiit ijifanuun fu, aruun sumoŋu ni bákasuba ku? Bare ake t'aruun an ite Setani!