Mark 14:1 - Kwatay (Kuwaataay)

¹ N'aŋeñen kunak kúsuba, *efeet ite Kánuutina ku Esipt n'eŋ'ereeŋ, *n'efeet ite Kumburu Kéehinaariitee ku Élefir. Eseef ite *esaraha i, *n'émuse yite Eluwa yite Moyis ni kaŋes naane kaja i kéeyini kajoku Yesu t'an ámeyiit, abe ni kayoolo.

Mark 14:1 ပူးပေါင်းရင်းမြစ်များ

Májiye 12:14

*Efarisiyeŋ i kéeyemie ku toko ni kánuutin, abe ni kajukoor keejuk naane kaja i káhinu keeyool Yesu.

Májiye 6:2

«Af'á̱yemi ti kasarah an eebajut, atum'a̱heñjoor ésuk i kéeheelini, naane ñatuuk ñu ii káhin ti *ñáalawum ñite ñ'úne, nu tu búhuhu bu. Iŋi káhin iyu kaanuku ésuk i keesokorooriin. Iisokuun bifeeneŋ bu: kaheeka keebaj hisiibanu hooniin.

Mark 14:12

Hunak hítiyar hu hite *efeet ite Kumburu Kéehinaariitee ku Élefir, hunak hu hihi kamoot te ho bimetek bu bija *t'efeet ite Kánuutina ku Esipt, eriboora yite Yesu ni kaano: —Diin t'á̱maŋie fu irija irifarei buñoofo bite efeet ite Kánuutina ku Esipt?

Mark 14:2

Ni kaane: —Úwaruto kajoku t'efeet i, ésuk i n'eŋ'ejendan kárahanna.

Saaŋ 11:47

Náami Efarisiyeŋ, i n'eseef ite *esaraha i ni kakuukan *sifaaf site ejoonana i kéehamin. N'iŋi kaane: —Buŋ fíya b'úja fu? Áyin ondu, ondu ti káhinu beehaŋe ésuk i kikaw kep!

Saaŋ 13:1

H'aamo hu memee *efeet ite Kánuutina ku Esipt n'eŋ'eyooso, Yesu n'ámeyi kaanuku ewahatu yeene yite kanuutu ku t'etaam ye eeja t'etiir ti Faaf u ereeŋa. Afiyafiya ámaŋi bakan koone keeemo ku t'etaam i, abe n'ámaŋiiin bija yooŋ tu hunak hiraanu hu.

Epotor i 12:4

H'aamo hu Piyeer ajokee ahaban, áyi u n'aane kakulo, abe n'aboñ sija sibaakiir site esulaan iŋi kasawoor keejukaro. Eja-ja fe esulaan bakabaakiir. Ámaŋamaŋi kajoonano hágila ésuk i kane *efeet ite Kánuutina ku Esipt ehabano.