Mark 13:9 - Kwatay (Kuwaataay)

⁹ «Bare aruun, áriwasiyoor kikawuun. Ábuki bakan kajokuuun kaanuku keeja keejoonanuun. Aruun kámiñiee ti *ñáalawum ñite ñ'úne. Boko yooŋ bija n'aruun t'eseef i ni bákayi ku uŋu húuma hu. Iyu, n'aŋ'aribaj bítim ariiseedeiin bifeeneŋ bu t'íñje.

Mark 13:9 ပူးပေါင်းရင်းမြစ်များ

Májiye 5:22

Íñje bare eenuun: an fe eeyiŋate t'áwiyo, o kajoonanee. An af'aane áwiyo: «A̱yakut hikaw!», n'aŋ'ajee ne o ti sifaaf site ejoonana i. An n'aane áwiyo: «Esoŋ yendu!», n'aŋ'áfiitenee sambuun.

Mark 13:5

Náami Yesu eeeniin: —Arinaŋ toko kikawuun, an atum'abuutuun.

Mark 13:8

Ésuk birito yeetiik n'ésuk, hikinu birito heetiik ni hikinu. Etaam i buyoŋoŋanooro tu búsuk beehooje, abe bujoñjol kabaju. Bondu búmoomi naane káseñji kítiyar kite anaare eeemo ti bíyihino.

Mark 6:11

Bare ni kafin kateñekouun tike tiŋ, man yooŋ ni kateñeko kajamatanuun, arihaŋk hafor heeemo hu tu wuwotuun fe, abe n'arinuut toko, keejuk ni ñíkiniin kaanuku Atambatun ondu ti kanahaniin.

Hirim Heetoofe hu hi Luk akiñje hu 9:5

T'arije fe, abe ni kafin kateñekouun, arihaŋk hafor heeemo hu tu wuwotuun, abe n'arinuut ti hikinu hooniin, keejuk ni ñíkiniin kaanuku Atambatun ondu ti kanahaniin.

Saaŋ 15:20

Áribaŋino naane isokuun i: «Aroka ahaŋut an u t'aamo du tu burok bu.» Káhihinooramhihinoor, boko yooŋ káhihinooruun. Kajamut báhamin búuma, iti kajam yooŋ boonuun bu.

Saaŋ 16:2

Boko kawiisuuun ti *ñáalawum ñite ñ'úne. Ho kareeŋu toko, keeyakuun ku kayoolu kayinoor n'iŋi kaane boko káhine beetoofe Atambatun.

Epotor i 21:11

N'abin t'uni, abe n'ásik nibaŋ nite nu Pool eekobooro wuwot nu sumoŋu abe n'aane: —Bonde bu Búwejet Beenabe bu busoke fu. Beene: «An eekino u nibaŋ nonde, iye e Esuwif i kaja fu kakobio Serusalem, abe ni kásiko kasaan keenooto ku Esuwif.»

Epotor i 7:54

H'ejoonana i kajame hu bondu, ni kátumb fu kayiŋat t'Eejen kahooj bib kayak iŋi kalohen bitakooro.

Epotor i 9:16

Abe íñje yooŋ káwufooro sílaam su fe s'aja su kajuku uŋu húuma hu.

Fílip 1:29

Ábuki Atambatun awunuunwun káanukiiit áriiyilen ti Kiris barebare, bare kaanuku yooŋ ariijuk sílaam uŋu hoone hu.

2 Tesalonik 1:5

Bare sílaam sondu káwufoor kaanuku Atambatun aŋ'ajoonan ésuk i ajoŋooree. Ábuki fu naane aamo i aŋ'arijuk sílaam, Atambatun káhinuuun áriiyemi bakan bakate nu múniyo, buroŋ boonuun beeriib ni jáyi joone. H'arijoke hu te jo híkinineŋe fu n'aŋ'arijuk sílaam.

2 Saaŋ 1:8

Náami arinaŋ toko kikawuun, doon d'ariroke du itim dibin dútowutouun, man n'arisiibanee afamee.

Kafeeñal ku 1:9

Íñje Saaŋ atuuun iŋi naane úhine i t'afeeneŋ ni Yesu *Kiris. Úne bakate ti Jáyi jite Atambatun, abe íñj'endu ti kajuku sílaam naane aruun, íñj'endu yooŋ ti kámuñu kep naane aruun. Kajokamjok kabin káfiiten t'ekiŋk yende yiyi kaane Patmos aŋarkeyi naane iŋ'iwaare hirim hite Atambatun, nu múniyo mi Yesu áwufooram mu.

Kafeeñal ku 2:10

Atum'á̱koleyi sílaam s'a̱ja su kajuku. A̱jam i: Setani kajoku bakaake t'aruun aja akul kaanuku man n'áhinuun áriiwuŋg Atambatun kiñaawu, abe aruun kajuku sílaam kunak keereeŋe sumoŋu. Bare a̱jok alitee hutoof yooŋ ni kayooli, abe n'iŋ'iwuni buroŋ bu naane hisiibanu.

Kafeeñal ku 2:13

ímoomi t'a̱kine du: Setani anaŋanaŋ toko eriikeey yeene yite híyiaate hu, bare a̱jokajok t'íñje alit tip. Antipas aseede úuma éejeŋginam u ayooleeyool t'aruun, toko ti Setani akine du. Awe bare, naane bondu bibaje i fe, a̱wasut káyilen ku t'íñje.