Mark 13:11 - Kwatay (Kuwaataay)

¹¹ Ifi kajokuun kaja kasaan eseef i kaanuku keejoonanuun, atum'arisoŋk bijahale ti b'arija bu kasoku. Bare af'arireeŋ, n'aŋ'arisok kirim k'Atambatun ayakuun ku káwufoor toko-toko. Ábuki kirim k'arija ku kasoku fe iti kíyemi koonuun, bare kite Búwejet Beenabe bu.

Mark 13:11 ပူးပေါင်းရင်းမြစ်များ

Májiye 10:17

Arinaŋ kikawuun t'ésuk i. Ábuki bakan kajokuuun kaanuku keeja keejoonanuun. Aruun kámiñiee kikarawas ti *ñáalawum ñite ñ'úne.

Mark 13:12

Bakan kásiku bakatiiin kasaan eseef i kayool. Sifaaf su yooŋ, iyu i kaja fu ni bakañiiin. Biñi bu kárahanna ti sifaafiin ni síñaayiin, abe boko kásikiiin kasaan bakan kayool.

Mark 13:9

«Bare aruun, áriwasiyoor kikawuun. Ábuki bakan kajokuuun kaanuku keeja keejoonanuun. Aruun kámiñiee ti *ñáalawum ñite ñ'úne. Boko yooŋ bija n'aruun t'eseef i ni bákayi ku uŋu húuma hu. Iyu, n'aŋ'aribaj bítim ariiseedeiin bifeeneŋ bu t'íñje.

Hirim Heetoofe hu hi Luk akiñje hu 21:12

Bare bala bondu bibaj, bakan kajokuuun, ni káhihinooruun, ni kaja n'aruun ti *ñáalawum ñu keejoonanuun toko, abe ni kakuluun. Boko kásikuuun kasaan bákayi ku n'eseef i uŋu húuma hu.

Saaŋ 3:27

Saaŋ n'aaniin: —An ayinaat kabaju b'Atambatun asaanuto.

Epotor i 2:4

Huruw fe tu boko n'ahooj bib nu Búwejet Beenabe bu, abe ni kásit káhamin ti kíhaminiin kuway, huruw naane Búwejet bu buwuno i éehamin.

Epotor i 3:13

Atambatun ite *Aburaham, *n'Isak, ni *Sakob, Atambatun ite sifaaf úne ánikananikan aroka oone Yesu. N'árisiko arisaan eseef ite hikinu hu kaanuku eeyoolee, abe n'ariteñekoo tu buhooŋu *Pilat, h'áhabaneina hu yéeni kaanuku eewasano.

Epotor i 4:31

H'aamo hu kahabana kalawu ku, n'ayoŋoŋanooree toko ti kakuukanooree du. Búwejet Beenabe bu nu búhoojiniin kareyi fe, abe ni káyemi ti kasoku hirim hite Atambatun ni kikaw keeyaŋge piŋ.

Epotor i 6:10

Bare kayinaato kajoku ti báhamin, ábuki Búwejet Beenabe bu buwunowun aŋ'áhamin nu búwesinato.

Epotor i 6:15

Sifaaf site ejoonana i kareyi fe ñíkiniin t'Eejen, abe ni kajuk kaanuku buhooŋio naane bite amalaka.

Epotor i 7:55

Bare akina, Búwejet Beenabe bu te o, buhoojano bib. N'aŋalo, n'ajuk meejaaŋe mite Atambatun, ni Yesu t'asiiŋee inde *baatos Atambatun.

1 Korent 2:13

Abe uŋ'úsok bo, káanukiiit man ni báhamin béenuutina tu búwesinato bite húŋgowulan, bare ni báhamin bu Búwejet bite Atambatun biliikene bu úne. Iyu uf'úkam buroon bite Atambatun keebaje ku Búwejet boone.

Efees 3:5

Kóŋkeyin, Atambatun áwufoorut kúŋgowulan ku béenuusee bondu. Bare hahiye, áhinahin Búwejet boone béewufoor bo *epotor yeene keenabe ku, *n'eyiŋana yeene yooŋ.

Saak 1:5

Bare ake t'aruun afut'áwesinato areeŋ, alaw bo Atambatun, abe Atambatun kawunio bo. Ábuki Atambatun aŋ'awun ésuk i ereyi fe n'ehol yeekuure, abe áwatanaariit an.

1 Piyeer 1:12

Atambatun n'áwufoor eyiŋana yeene aaniin hirim h'asaaniin hii bíjaiit tu boko, bare bija t'aruun. Hahiyu kiŋki kawaare Hirim Heetoofe hu kasokuunsok hirim hondu ti sembe site Búwejet Beenabe bu béeboñinee bu huta hu t'etiir. Abe humuum emalaka i kámaŋamaŋi kámeyi bondu.