Mark 11:18 - Kwatay (Kuwaataay)

¹⁸ Eseef ite esaraha i, *n'émuse yite Eluwa yite Moyis ni kajam beebaje bu. Náami keeŋes naane kaja i káhinu kaanuku man ni kayool Yesu. Múniyo, kákoleyokoleyi, ábuki kirim koone uŋu kugor hahooja hu dómbokun.

Mark 11:18 ပူးပေါင်းရင်းမြစ်များ

Májiye 21:15

Eseef ite esaraha i, *n'émuse yite Eluwa yite Moyis ni kayiŋat hi kajuke hu Yesu n'áhin bondu beehahe bii, ni naane biñi bu ii kataŋk toko t'Enuuf ite Atambatun kaano: «*Añi Dafit ánikanee!»

Májiye 7:28

Hi Yesu átibane hu, kéeyemie ku toko kareyi fe ni kajahale ti maliikenar moone mite bítim bu.

Mark 1:22

Keejame ku ni kajahale kareyi fe. Ábuki aliikenutiin naane *émuse yite Eluwa yite Moyis, bare aŋ'aliikeniin ayan faŋ.

Mark 11:32

N'úfin úeno: «Kúŋgowulan ku…» (Kákolakoleyi hahooja hu, ábuki ésuk i fe kaanaan múniyo Saaŋ *ayiŋana ite Atambatun.)

Mark 12:12

Eseef ite Esuwif i ni kaŋes naane kaja i káhinu kaanuku man ni kajok Yesu, ábuki kámoomi kaanuku h'áhamine hii akolofan, boko k'asoke fu. Bare makamu kákolakoleyi hahooja hu, ni kawaso iyu keeyeet.

Mark 3:6

*Efarisiyeŋ i ni kánuutin, abe n'iŋi kamoken jab keejukoor ni bakan keeriboore ku *n'Erod, keejuk naane kaja i káhinu keeyool Yesu.

Mark 6:20

ábuki Erod ámaŋiit doon fe dibaj Saaŋ. Aŋ'áhino kákoleyi, ábuki ámoomi kaanuku Saaŋ an ite bifeeneŋ, abe yooŋ an eenabe. Saaŋ af'áyemi ti báhamin, Erod ehelo ébebaariit tuf, bare aŋ'ámaŋi naane kajamatano.

Hirim Heetoofe hu hi Luk akiñje hu 19:47

Húnakonak fe, n'aŋ'aliiken ésuk i t'Enuuf ite Atambatun. Eseef ite *esaraha i, n'émuse yite *Eluwa yite Moyis, ni bakan kómbokun ku ni kaŋes naane kaja i káhinu kaanuku man ni kayoolo.

Hirim Heetoofe hu hi Luk akiñje hu 2:47

Keejamo ku ti báhamin bu fe kajahalajahale tu búwesinato boone, ni másafinar moone.

Hirim Heetoofe hu hi Luk akiñje hu 20:19

*Émuse yite Eluwa yite Moyis, n'eseef ite *esaraha i ni kaŋes kaanuku keejok Yesu t'ewahatu yendu, ábuki kámoomi kaanuku h'áhamine hii akolofan, boko k'asoke fu. Bare kákolakoleyi hahooja hu.

Hirim Heetoofe hu hi Luk akiñje hu 4:22

Kareyi fe, abajut an i hikawo hutoofut te o. Ni kajahale dómbokun ti kirim keetoofe ku kaŋk'asok ii. N'iŋi kaane: —Ake me t'arkut añi ite Siseef?

Saaŋ 7:1

Hunuut toko, Yesu n'añaahoor ti *Gálile. Ámaŋiit kañaahoor tu *Súde ábuki Esuwif i kámaŋiomaŋi kayoolu.

Saaŋ 7:19

*Moyis asaanutuun kereŋ Eluwa i? Abe bare abajut t'aruun an aŋ'áhin naane esoke i. Iŋi naŋ n'árimaŋiam fu kayoolu?

Saaŋ 7:46

Esulaan i ni kaaniin: —An ámusut káhamin naane ániine ondu!

Epotor i 24:25

Bare hu Pool áhamine hu tu buroŋ beejoŋoore bu, ni naane húŋgowulan aware i kajoku hikawo, ni kajoonan keeware ku bibin, Felikis n'ákoleyi abe n'aane: —Hahiyu a̱ja. If'ibin ibaj ejot, n'iŋ'isooñ iruwi.