Mark 10:43 - Kwatay (Kuwaataay)

⁴³ Bare bondu buwarut kabaju t'etutuun. Ake t'aruun af'ámaŋi kahaŋu bakano, aja áyemi aroka ite bakaaku.

Mark 10:43 ပူးပေါင်းရင်းမြစ်များ

Mark 10:42

Náami Yesu éeruwiniin kareyi fe abe n'aaniin: —Árimoomi kaanuku bakan keeemo ku eseef i tu búsuk bite *kéemeyiit ku Atambatun, bokondu ifi káhihinoor ésuk i.

Mark 10:44

Ake t'aruun n'afin ámaŋi káyemi átiyar u, aja áyemi ásukateen ite ésuk i fe.

Mark 9:35

Yesu n'ariiko, eeruw eriboora i sumoŋu ni bákasuba ku abe n'aaniin: —An af'ámaŋi káyemi átiyar u, aja áyemi araan u tej, ásukateen ite ésuk i fe.

Hirim Heetoofe hu hi Luk akiñje hu 14:11

Ábuki an fe eeyitooree, o kawananee, abe an eewananooree, o kayitiee.

Hirim Heetoofe hu hi Luk akiñje hu 18:14

Yesu n'áwutiyen aane: —Íñje isok fee n'aruun: h'asaa ite búhal bu áwaneina hu eeyeet, wuhoofoor woone wuboŋketee fu, bare wute wíiit Afarisiyeŋ u. Ábuki an fe eeyitooree, o kawananee, abe an fe eewananooree, o kayitiee.

Hirim Heetoofe hu hi Luk akiñje hu 22:26

Bare bondu buwarut kabaju t'etutuun. An eehaŋe u t'aruun, awarawar káyemi naane araan u, abe aseef u, awarawar káyemi naane ásukateen.

Hirim Heetoofe hu hi Luk akiñje hu 9:48

abe n'aaniin: —An af'ajok áwariee añi naane onde uŋu húuma hu, íñje humuumam a ajoke fu áwariee. Abe an af'ajokam áwariee, ajoka yooŋ áwariee an éeboñinam u. Ábuki an eeemo u biraanu boonuun tej, an ondu aamo fu átiyar u.

Saaŋ 18:36

Yesu n'aano: —Híyiaate húuma híteiit t'etaam ye. Arko yéeni híyiaate húuma hite t'etaam ye, eroka íima n'iŋi kasiiŋo yéeni kéetuum uŋu húuma hu kaanuku itim'ísikee isaanee eseef ite Esuwif i. Bare híyiaate húuma híteiit t'etaam ye.

Eleetar i yi Pool akiñje i bakate ku Rom 12:2

Atum'ariliikool ni máhinar mite mu bakate ku t'etaam ye; ariwas Atambatun eewunuun biyinoor bíyeni, man n'áriyemi bakan kíyeni. Af'árihin iyu, n'aŋ'áriyini kánandin b'ámaŋie bu. Bo beemo fu beejake bu, ni beetoofo bu, ni beekuure bu but.

Galasi 5:13

Kújakuwe, aruun bare Atambatun aruwuunruw kaanuku atum'aŋk'áriyemi búsukateen. Bare naane aŋkut i áriyemi búsukateen, atum'arikuuso te bo ariinaban wúfaŋi woonuun weejakut wu. Bare árimaŋioori, abe n'aŋ'áriyokunanoor.